BEYNƏLXALQ ƏLİLLƏR GÜNÜ
QEYD OLUNMUŞDUR
Lerik
Rayon icra
hakimiyyətində Qarabağ müharibəsi
əlillərinin bir qrupu
ilə görüş keçirilmişdir.
Tədbiri Lerik Rayon İcra Hakimiyyətinin
başçısı Rövşən Bağırov
açmış, əlilləri bayram
münasibətilə təbrik etmişdir.
İcra başçısı əsası
ümummilli lider tərəfindən
qoyulmuş siyasi kursun Azərbaycan Prezidenti
cənab İlham Əliyev tərəfindən
uğurla davam etdirildiyini, fiziki
sağlamlıqlarını qismən itirmiş
insanlara, o cümlədən
Qarabağ müharibəsi əlillərinə
xüsusi qayğı göstərildiyini qeyd etmişdir.
Bu
kateqoriyadan olan vətəndaşların pensiya və
müavinətlərinin artırılması, onların
sosial-məişət və mənzil şəraitinin
yaxşılaşdırılması üçün məqsədyönlü
tədbirlərin görüldüyünü diqqətə
çatdıran icra başçısı son illər rayonda
da bir sıra işlərin həyata keçirildiyini
bildirmişdir. Lerik şəhərində Qarabağ
müharibəsi əlilləri və şəhid ailələri
üçün iki 16 mənzilli yaşayış binası,
bir neçə əlil üçün fərdi evlər
tikilmiş, onların bir qisminə əlil arabaları, minik
maşınları verilmişdir.
Cənab
Prezidentin tapşırığına əsasən rayonda əlillər
üçün lazımi şəraitin
yaradıldığını, onların
qaldırdığı problemlərin həllinə daim diqqət
göstərildiyini bildirən icra başçısı bu
qayğının bundan sonra da yüksək səviyyədə
davam etdiriləcəyini söyləmişdir.
Qarabağ
müharibəsi əlillərindən Cəlal Məmiyev,
Arzuman Nəhmətov, Veysəl Məlikov və
başqaları görüşdən razi
qaldıqlarını bildirmiş, əlillərin sosial problemlərilə
əlaqədar təkliflərini söyləmiş, göstərilən
yüksək diqqət və qayğıya görə ölkə
Prezidentinə dərin minnətdarlıqlarını
bildirmişlər.
Sonra
rayon icra hakimiyyəti tərəfindən Qarabağ müharibəsi
əlillərinə maddi yardımlar verilmişdir.
LƏNKƏRAN
Beynəlxalq Əlillər Günü
münasibətilə “Şah” sarayında
tədbir keçirilmişdir. Lənkəran Rayon Əhalinin Sosial Müdafiə Mərkəzinin direktoru Rafayıl Tahirov tədbirdə
çıxış edərək Beynəlxalq Əlillər Gününün ümummilli
lider Heydər Əliyevin müvafiq
sərəncamı ilə 1994-cü ildən başlayaraq
hər il qeyd olunduğunu, dövlətimiz tərəfindən
əlil vətəndaşlara yüksək qayğı
göstərildiyini bildirmişdir.
Lənkəranda
12780 nəfər əlilin yaşadığını, əlillərin
bir qisminin Böyük Vətən, Əfqanıstan və
Qarabağ müharibələrində, Çernobıl qəzasında
saglamlıqlarını itirdiklərini vurğulayan natiq
onların ünvanlı sosial yardım, əmək
pensiyası aldıqlarını və lazımi qayğı
ilə əhatə olunduqlarını söyləmişdir.
Lənkəran
Şəhər İcra Hakimiyyəti
başçısının müavini - sosial-iqtisadi
inkişafın təhlili və
proqnozlaşdırılması şöbəsinin müdiri
İlkin Rəhimov tədbir iştirakçılarına icra
başçısı Taleh Qaraşovun təbriklərini
çatdırmış, cəmiyyətin həssas təbəqəsi
olan insanlara dövlət tərəfindən daim qayğı
göstərildiyini, son illər Lənkəranda 90 nəfər
əlilin mənzillə təmin olunduğunu, 10-a yaxın əlil
üçün fərdi yaşayış evinin tikilib istifadəyə
verildiyini bildirmişdir.
Lənkəran
şəhərində Əlillərin Regional Bərpa Mərkəzi
də fəaliyyət göstərir. Mərkəzdə əlillərin
sağlamlıqlarında yaranmış problemlər aradan qaldırılır, burada
onlara nümunəvi tibbi
xidmət göstərilir. İndiyə kimi
mərkəzin imkanlarından 2500 nəfər əlil istifadə
etmişdir.
Sonra
Əmək və Əhalinin Sosial Müdafiəsi Nazirliyi tərəfindən
fiziki sağlamlıqlarını itirmiş əlillərə
əlil arabları və qiymətli hədiyyələr təqdim
olunmuşdur.
Tədbirdə
rayon mədəniyyət şöbəsinin musiqi kollektivləri
konsert proqramı ilə çıxış etmişlər.
Əlisəfa Həsənov
Respublika. - 2013.- 4 dekabr.- S.7.