Ulu öndər yad edildi
Xətai rayonu
2003-cü
il dekabrın
12-si. Bu tarix yaddaşlara
əbədi yazılıb.
Həmin
gün ölkəyə
ildırım sürəti
ilə yayılan acı, kədərli bir xəbər bütün xalqı sarsıtdı. Azərbaycan xalqının
və dövlətçiliyinin
inkişafında misilsiz,
tarixi xidmətləri
olan, milli dövlətçiliyimizin memarı
və qurucusu ulu öndər Heydər Əliyev gözlərini əbədi
olaraq yummuşdu.
O hüznlü gündən
artıq on il
keçir...
İllər ötür, tarix baxımından bu böyük şəxsiyyət
bizdən uzaqlaşdıqca,
onun böyüklüyü
daha aydın görünür. Eyni zamanda bu gün Azərbaycan xalqının, eləcə
də Türk dünyasının milli sərvətinə çevrilən
Heydər Əliyevin zəngin və həmişəyaşar irsinin
sistemli şəkildə
araşdırılması, elmi əsaslarla öyrənilməsi və
təbliği ən vacib məsələ kimi qarşıda durur. Bu zəngin
xəzinənin milli-mənəvi
və bəşəri
dəyərlərinin xalqa,
xüsusən də gələcək nəsillərə
yetərincə çatdırılması
tarixi zərurətdir.
Çünki ondan öyrəniləsi
çox şeylər
var.
Xətai rayonundakı Ukrayna dairəsində salınmış
ulu öndərin adını daşıyan
park həmişə izdihamlı
olsa da, bu gün daha
fərqli idi. Havanın soyuq,
yağıntılı olmasına
baxmayaraq parkda böyük canlanma hiss olunurdu. Rayon ictimaiyyətinin
nümayəndələri, sakinlər yarım əsrdən artıq siyasi və dövlətçilik fəaliyyətini
xalqına xidmətə
həsr edən, işıqlı sabahın
yolunu ona göstərən, ölkəmizi
dünyaya tanıdan dahi öndərimizə öz hörmət və sevgisini bir daha nümayiş
etdirmək üçün
gəlmişdi...
Tədbir iştirakçıları ulu
öndərin parkda ucaldılmış abidəsi
önünə əklil,
gül dəstələri
qoydular. Sonra xatirəsi bir
dəqiqəlik sükutla
yad olundu. Fürsətdən istifadə edib
mərasim iştirakçılarının
fikirlərini öyrənirik.
Çıxış edənlərin hər
biri ulu öndərin xalqı qarşısında xidmətlərindən
söz açıb ona sevgisini ifadə
edir.
“İki sahil” qəzetinin redaktoru Vüqar Rəhimzadə deyir: “Müasir Azərbaycan dövləti
bu gün dünya ölkələrindən,
onların qabaqcıl təcrübələrindən və dəyərlərindən
bəhrələnərək inkişaf edir, demokratik, hüquqi, dünyəvi dövlət,
vətəndaş cəmiyyəti,
insan hüquqlarının
aliliyi prinsiplərini əsas tutaraq Avropanın və dünyanın ən qabaqcıl dövlətləri
ilə çiyin-çiyinə
fəaliyyət göstərir.
Ölkəmiz beynəlxalq aləmdə
öz layiqli yerini tutub. İndi dünyanın və regionun əsas strateji, qlobal məsələləri bizim
rəyimiz və mənafelərimiz nəzərə
alınmadan həll edilmir. Bu, bir
həqiqətdir və
bu həqiqəti Heydər Əliyevin qurub-yaratdığı müasir
Azərbaycanın vətəndaşı
olan hər bir şəxs gözəl dərk etməlidir. Bəli, bu
gün Azərbaycan dövlətinin qazandığı
uğurların əsasında
ulu öndərimizin tarixi xidmətləri dayanır. Biz hər il bura
toplaşaraq onun xatirəsini yad edirik”.
Xətai
rayon Şəhid ailələrini
Müdafiə Cəmiyyətinin
sədri Roza Qubaydulina ölkəmizdə
son illərdə görülən
işlər, baş verən inkişaf proseslərindən söz
açaraq dedi ki, Azərbaycan öz inkişafının
yeni, sürətli bir dövrünü yaşayır, ölkənin
inkişafı keyfiyyətcə
yeni və mühüm mərhələdədir.
Bütün bunlar Heydər
Əliyev siyasətinin
layiqli davamçısı
cənab İlham Əliyevin uğurlu daxili və xarici siyasətinin nəticəsidir. Ulu öndərin
sağlığında həyata
keçirə bilmədiyi
arzular həyata keçir. Prezidentimiz ulu öndərin
siyasətini davam etdirməklə yanaşı,
Azərbaycanın problemlərinin
kompleks şəkildə
həllinə çalışır.
Nə qədər çətin bir iş olsa da
ölkə başçısı
bunun öhdəsindən
gələrək Azərbaycanı
sürətli inkişaf
yoluna çıxara bilib. Deməli, ümummilli liderimiz
Heydər Əliyevin ideyaları yaşayır.
Onu da qeyd edək
ki, hər il olduğu
kimi, bu il də rayonun
müəssisələrində ulu öndərin anım günü ilə bağlı tədbirlər keçirilir,
ehsanlar verilir, ruhuna dualar oxunur.
Bu isə dahi
şəxsiyyətin əbədiyaşarlığının
bariz göstəricisidir.
Zümrüd ABDULLAYEVA,
Respublika.-2013.- 13 dekabr.- S.6.