Nəsimi: rayonun uğurlu sosial-iqtisadi inkişafı

2013-cü ilin yanvar-sentyabr aylarında rayonun sənayesində 303073.6 min manatlıq və ya əvvəlki ilin səviyyəsindən 20.1 faiz cox sənaye məhsulu istehsal edilmiş və xidmətlər göstərilmişdir. Sənaye istehsalının 33.7 faizi məhsul istehsalının, 66.3 faizi isə sənaye xarakterli xidmətlərin payına düşür.

Sənayenin dövlət sektorunda 112505.6 min manatlıq və ya ümumi istehsalın 37.1 faizi qədər, qeyri-dövlət sektorunda isə 190568.0 min manatlıq və ya ümumi istehsalın 62.9 faizi səviyyəsində sənaye məhsulu istehsal edilmiş və xidmətlər göstərilmişdir.

2013-cü ilin yanvar-sentyabr aylarında istehlakçılara 349510.3 min manatlıq və ya bütün sənaye istehsalının 115.3 faizi qədər sənaye məhsulu göndərilmişdir.

2013-cü il oktyabrın 1-i vəziyyətinə sənaye müəssisələrinin anbarlarında hazır məhsul qalığı 1885.9 min manat olmuşdur.

İnformasiya və rabitə müəssisələri tərəfindən hüquqi və fiziki şəxslərə faktiki qiymətlərlə 32970.8 min manatlıq və ya əvvəlki ilin yanvar- sentyabr ayları ilə müqayisədə 74.9 faiz çox rabitə xidməti göstərilmişdir. Xidmətlərin 91.2 faizi qeyri-dövlət rabitə müəssisələri tərəfindən göstərilmişdir.

2013-cü ilin yanvar-sentyabr aylarında nəqliyyat sektorunda fəaliyyət göstərən müəssisələr tərəfindən 327564.0 min manatlıq xidmətlər göstərilmişdir ki, bu da əvvəlki ilin müvafıq dövrünə nisbətən 7.4 faiz çox olmuşdur.

2013-cü ilin yanvar-sentyabr aylarında rayonda bütün maliyyə mənbələri hesabına 269870.7 min manat dəyərində əsas fondlar istifadəyə verilmişdir.

2013-cü ilin yanvar-sentyabr aylarında rayonun iqtisadi və sosial sahələrinin inkişafı üçün bütün maliyyə mənbələrindən əsas kapitala 494062.5 min manat məbləğində investisiya yönəldilmişdir ki, bu da əvvəlki ilin müvafiq dövrünə nisbətən 38.0 faiz artım deməkdir.

Qeyri-dövlət mülkiyyətinə məxsus müəssisə və təşkilatlar əsas kapitala 120147.2 min manat (24.3 faiz), dövlət mülkiyyətinə məxsus müəssisə və təşkilatlara isə 373915.3 min manat (75.7 faiz) sərmayə yönəltmişlər.

2013-cü ilin yanvar-sentyabr aylarında əsas kapitala yönəldilmiş investisiyadan 355574.9 min manatı tikinti-quraşdırma işləri yerinə yetirilməsinə sərf olunmuşdur ki, bu da əvvəlki ilin müvafiq dövrünə nisbətən 51.2 faiz çoxdur.

2013-cü ilin yanvar-sentyabr aylarında tikinti-quraşdırma təşkilatlarının öz gücləri ilə yerinə yetirdikləri podrat işlərinin həcmi 291767.9 min manat və ya əvvəlki ilin müvafiq dövrünə nisbətən 40.3 faiz artım deməkdir.

Podratçı təşkilatların gördükləri işlər (yeni tikinti, yenidənqurma, genişləndirmə, texniki vasitələrlə yenidən təchiz etmə) 2013-cü ilin yanvar-sentyabr aylarında 187960.6 min manat, əvvəlki ilin müvafiq dövrünə nisbətən 0.2 faiz artmışdır.

2013-cü ilin yanvar-sentyabr aylarında pərakəndə ticarət şəbəkəsindən əhaliyə 474.9 milyon manatlıq həcmində əmtəə satılmışdır. Əmtəələrin 24.7 faizi hüquqi şəxslərin müəssisələrində, 66.7 faizi hüquqi şəxs yaratmadan ticarət fəaliyyəti göstərən fərdi sahibkarların müəssisələrində, 8.6 faizi isə rayonun yarmarka və bazarlarında realizə olunmuşdur.

Pərakəndə ticarət dövriyyəsinin 99.8 faizi qeyri-dövlət mülkiyyətinə məxsus müəssisələrin və yarmarka, bazarların fəaliyyəti nəticəsində formalaşmış, bu sektorda 474.1 milyon manatlıq və ya 2012-ci ilin eyni dövrünün 99.1 faizi həcmində istehlak malları satılmışdır.

2013-cü ilin yanvar-sentyabr aylarında əhaliyə 16.7 milyon manatlıq və ya əvvəlki ilin eyni dövrünə nisbətən 3.2 faiz çox iaşə xidmətləri göstərilmişdir. İaşə dövriyyəsinin 21.9 faizi hüquqi şəxs statuslu müəssisələrin, 78.1 faizi isə hüquqi şəxs yaratmadan sahibkarlıq fəaliyyəti ilə məşğul olan fiziki şəxslərin iaşə fəaliyyəti nəticəsində formalaşmışdır.

Hüquqi şəxslərin fəaliyyəti sayəsində əhaliyə 3.7 milyon manatlıq həcmində iaşə xidmətləri göstərilmişdir.

Hesabat dövründə iaşə əmtəə dövriyyəsinin 100.0 faizi özəl müəssisələrin hesabına formalaşmışdır.

2013-cü ilin yanvar-sentyabr ayları ərzində pullu xidmətlərin həcmi 2012-ci ilin eyni dövrünün səviyyəsini 9.0 faiz üstələmiş və ya 314.9 milyon manat olmuşdur. Ümumi həcmin 70.5 faizi hüquqi şəxslərin müəssisələrində əldə edilmiş və bu müəssisələr tərəfindən əhaliyə 222.1 milyon manatlıq pullu xidmətlər göstərilmişdir.

Əhaliyə göstərilmiş xidmətlərin 10.5 faizi dövlət müəssisələrinin payına düşmüşdür.

Özəl sektorun müəssisələri tərəfindən əhaliyə 281.9 milyon manatlıq və ya 2012-ci ilin yanvar-sentyabr aylarına nisbətən 10.5 faiz çox pullu xidmətlər göstərilmişdir.

Əhaliyə göstərilən pullu xidmətlərin 14.1 faizini məişət xidmətləri təşkil etmiş, hesabat dövründə 44.3 milyon manatlıq və ya ötən ilin eyni dövrünün səviyyəsindən 1.8 faiz çox məişət xidmətləri göstərilmişdir. Məişət xidmətlərinin 86.4 faizi hüquqi şəxs yaratmadan sahibkarlıq fəaliyyəti göstərən fiziki şəxslərin müəssisələrində reallaşmışdır.

2013-cü ilin 9 ayında rayonda 1506 yeni iş yeri açılmışdır ki, bundan 148-i yeni yaradılan, 22-si mövcud müəssisə və təşkilatlar, 1336-ı fiziki şəxslər üzrə olmuşdur.

Şahverdi Şahverdiyev,

rayon statistika şöbəsinin rəisi.

Respublika.-2013.- 18 dekabr.- S.9.