YEVLAX SABAHA İNAMLA ADDIMLAYIR

Müasir Azərbaycan dövlətinin memarı və qurucusu ümummilli liderimiz Heydər Əliyev tərəfindən müəyyən edilmiş, zəngin tarixi yol qət edən müstəqil Azərbaycan bu gün özünün iqtisadi inkişaf dinamikasına görə yüksək göstəriciyə malik bir dövlətə çevrilmişdir.

Tarix göstərir ki, böyük şəxsiyyətlər məhz irəli sürdükləri cəlbedici ideyalarla insanları konkret məram və məqsədlər ətrafında səfərbər etmək, milli birliyi qorumaq, möhkəmləndirmək imkanında olmuşdur. Belə fenomen liderlərdən biri olaraq tarixə öz möhürünü vurmuş ulu öndər Heydər Əliyevin də böyük siyasətdə dövlət idarəçiliyində qazandığı nailiyyətlər ilk növbədə xalqın dəstəyinə, ictimai insan amilinə söykənmiş böyük strateqin mənəvi bütövlüyə, birliyə və həmrəyliyə xidmət edən siyasətin məntiqi nəticəsi olmuşdur. Bu siyasi kurs Azərbaycan Prezidenti möhtərəm İlham Əliyev tərəfindən uğurla və müvəffəqiyyətlə davam etdirilir. Uzaqgörənliklə həyata keçirilən sosial–iqtisadi inkişaf strategiyası nəticəsində ölkəmizin tərəqqisinin yüksək dinamizmi təmin edilmişdir.

İqtisadiyyatın ardıcıl və dinamik inkişafı, həyata keçirilən islahatlar, iqtisadi sabitliyi təmin etməklə bərabər dövlətin sosial yönümlü siyasətinin daha da gücləndirilməsinə geniş yol açaraq əhalinin rifahını yaxşılaşdırmaq üçün möhkəm zəmin yaratmışdır.

Azərbaycan Prezidenti İlham Əliyev “Bizim vəzifəmiz xalqa xidmət etməkdir Biz—dövlət işində işləyən insanlar, Prezidentdən tutmuş, ən aşağı səviyyəli məmura qədər insanların xidmətində olmalıyıq. Əsas vəzifə odur ki, Azərbaycan xalqı yaxşı yaşasın. Bütün yerlərdə, bölgələrdə, ən ucqar kəndlərdə insanların yaxşı yaşaması üçün bütün şərait yaradılmalıdır” deyərək bir daha insan amilinə yüksək qiymət vermişdir.

Cənab Prezidentin daimi diqqət və qayğısını qiymətləndirən qədirbilən yevlaxlılar əvvəlki dövrlərdə olduğu kimi 2012–ci ildə də şəhərin hərtərəfli inkişafı üçün bütün qüvvələri səfərbərliyə alaraq quruculuq, abadlıq, tikinti işlərini yüksək fəallıqla davam etdirmiş, infrastrukturun yaxşılaşdırılmasına xüsusi fikir vermiş, insanların problemlərinin vaxtında həlli prioritet məsələlərdən biri olmuşdur.

Yevlax Rayon İcra Hakimiyyətinin başçısı Qoca Səmədov məruzəsində qeyd etdi ki, ötən illərdə olduğu kimi 2012–ci ildə də Yevlax rayonunun sosial–iqtisadi həyatında inkişaf dinamikası qorunub saxlanılıb və bir sıra sahələrdə yüksək göstəricilər əldə olunub.

Belə ki, 2012–ci ildə ümümdaxili məhsulun həcmi 383,1 milyon manat olmuşdur. Bu isə 2011–ci ilə nisbətən 42,1 milyon manat və yaxud 12,3 faiz çox olmuşdur ki, bunun da 98,5 faizi qeyri–dövlət sektorunda istehsal olunmuşdur.

Bu artım əsasən məhsul istehsalının, tikinti işlərinin və xidmətlərin həcminin artması hesabına olmuşdur.

Ümumdaxili məhsulun 11,6 milyon manatını sənaye, 75,9 milyon manatını kənd təsərrüfatı, 32,0 milyon manatını tikinti, 215,1 milyon manatını ticarət, 5 milyon manatını nəqliyyat, 1,0 milyon manatını rabitə, 42,5 milyon manatını digər xidmətlər təşkil etmişdir. İstehsal olunmuş 3,5 milyon manatlıq sənaye məhsulu xaricə ixrac olunmuşdur. Bu, satılmış sənaye məhsulunun 29,9 faizini təşkil edir.

Eyni zamanda hər nəfərə 3122,0 manat ümumdaxili məhsul istehsal olunmuşdur ki, bu da 2011–ci ilə nisbətən 313,2 manat və yaxud 11,2 faiz çoxdur.

2012–ci ildə əhalinin pul gəliri 210,7 milyon manat olmuşdur. Bu, 2011–ci ilə nisbətən 23,1 milyon manat və yaxud 12,3 faiz çoxdur. Adambaşına pul 1717,1 manat olmuşdur. Bu da 2011–ci ilə nisbətən 172,3 manat və ya 11,2 faiz çoxdur.

2012–ci ildə pərakəndə əmtəə dövriyyəsi və pullu xidmətlərin ümumi həcmi 257,6 milyon olmuşdur. Bu da 2011–ci il illə müqayisə 9 faiz və yaxud 22,7 milyon manat çoxdur.

Yeni tikilən ticarət və xidmət obyektləri müasir dizaynla tikilərək şəhərin ümumi görkəminə uyğunlaşdırılmışdır. Hazırda rayonda mindən çox ticarət, iaşə və xidmət təşkilatı əhaliyə müxtəlif xidmətlər göstərir.

Hesabat dövründə ümumilikdə 75,9 milyon manatlıq kənd təsərrüfatı məhsulları istehsal olunmuşdur.

2012–ci ildə 8948 1 milyon 395, 1 min manat 2013–cü ilin məhsulu üçün 2486 nəfər buğda istehsalçılarında 582,6 min manat, cəmi 1 milyon 977,7 min manat dövlət yardımı verilmişdir. Torpaq mülkiyyətçilərinə 1573 tondan çox mineral gübrə güzəştli şərtlərlə satılmışdır. Nəticədə 2012–ci ildə 16655 hektar sahədə taxıl əkilmiş və 51,2 min ton taxıl istehsal edilmişdir. Bu da 2011–ci ilə nisbətən 8,8 min ton çox olur.

2012–ci ildə 2011–ci ilə nisbətən iribuynuzlu mal–qaranın baş sayı 56 baş, qoyunların baş sayı 484 baş, quşların sayı 91 baş artmışdır.

Rayonda 10 bank filialı fəaliyyət göstərir ki, 2012–ci ildə sahibkarlara, iş adamlarına 21 milyon 355, 1 min manat kredit verilmiş, əhalidən 4 milyon 882 min manat əmanət qəbul edilmişdir.

Rayon Əhalinin Sosial Müdafiə Mərkəzi tərəfindən 2012–ci ildə 6472 sosial müavinət alanlara 3 milyon 320 min manat vəsait ödənilmişdir.

2012–ci ildə 1793 iş yeri açılmışdır. Onlardan 1613–ü daimidir. Ümumilikdə 2004–2011–ci illərdə rayonda 14360 iş yeri yaradılmışdır ki, onlardan 8266–sı daimi iş yerləridir.

Rayonda 1 şəhər, 1 şəhər tipli qəsəbə, 2 qəsəbə, 46 kənd yaşayış məntəqəsi vardır. 20 inzibati ərazi dairəsi, 29 bələdiyyə fəaliyyət göstərir.

Keçən il ərazi nümayəndəlikləri bələdiyyələrlə birlikdə 109 iri sosial və infrastruktur layihələr həyata keçirmişdir.

Əhalinin içməli su ilə təchizatının normallaşdırılması üçün bir sıra işlər görülmüşlər.

—Belə ki, əsasən əhalini ekoloji cəhətdən içməli su ilə təmin etmək üçün rayonunun 21 kəndində 21 ədəd içməli su təmizləyici qurğuları quraşdırılmış, küçə su xəttləri çəkilmiş və bulaqlar tikilmişdir.

Rayonun tikinti–quraşdırma, abadlıq sahəsində böyük işlər görülmüşdür.

Məhz Respublika Prezidenti İlham Əliyev bu dinamikanı yüksək qiymətləndirərək demişdir: “Mən çox şadam ki, bu gün Yevlax Azərbaycanın ən qabaqcıl rayonlarından biridir və burada gedən işləri çox yüksək qiymətləndirirəm”. 2012–ci ildə Maliyyə İdarəsinin inzibati binası, Məhdud fiziki imkanlı insanlar üçün Regional İnformasiya Mərkəzinin binası, Avtovağzal kompleksi, “Azərtoxum” MMC Toxum emalı müəssisəsində saatda 15 ton yem istehsal edən sex tikilib istifadəyə verilmişdir. “Yevlax–Beton” ASC–də betin tökülməsi sexi əsaslı surətdə yenidən qurularaq istismara buraxılmışdır. Bu istehsalın həcminin 2 dəfə artırılmasını təmin etmişdir.

Qaraməmmədli, Rüstəmli kəndlərinin 1000 hektar torpaq sahəsinin suvarılmasını yaxşılaşdırmaq məqsədilə “Bakı” suvarma nasos stansiyası əsaslı surətdə yenidən qurulmuş, gücü artırılmış , 530 mm–lik boru ilə 200 poqonmetr təzyiqli xətt çəkilmişdir. Eyni zamanda Əlican çayı üzərində 260 metr istinad bənd divarı tikilmiş, əkin sahələrinin suvarılması üçün 350 metr beton kanal çəkilmişdir. Aran–1, Aran–2, Aran–6 nasos stansiyalarında da əsaslı təmir işləri görülmüşdür. Nəticədə 3000 hektar əkin sahələrinin suvarılması işi yaxşılaşdırılmışdır.

Hazırda 4 mərtəbəli 20 mənzilli yaşayış binasında, Kür çayı sahilində 5 ulduzlu hoteldə, “Azərbaycan Beynəlxalq Bankı” ASC–nin Yevlax filialının binasında, Uşaq Gənclər İdman Məktəbinin üzgüçülük hovuzunda, Səfərbərlik və Hərbi Xidmətə Çağırış üzrə Dövlət Komitəsinin Yevlax şöbəsinin, “Delfin” MMC–də istehsalat sexinin, Sənaye və Energetika Nazirliyinin Yevlax rayon Regional Qaz Nəzarəti idarəsinin, Yevlax Qaz İstismar sahəsinin, 11 saylı Vergilər İdarəsinin, Regional referans toksikologiya və karantin ekspertiza laboratoriyasının, İqtisadi İnkişaf Nazirliyinin Aran regional idarəsinin binalarının tikintisi aparılır.

Rayonun Kolanı kəndi ərazisində 188 hektar torpaq sahəsində kənd təsərrüfatı məhsulları istehsal edəcək müəssisənin tikintisi davam etdirilmişdir. Layihə üzrə istehsal sahəsi müxtəlif ölçüdə 61 ədəd istixanadan, heyvandarlıq üçün yem sexindən, anbarlardan, 2 ədəd qazanxanadan, inzibati və köməkçi binalardan ibarətdir.

Hazırda 4 ədəd istixana tikilib istifadəyə verilmişdir. Eyni zamanda istixanaları istilik ilə təmin etmək üçün 2 ədəd qazanxana tikilmişdir. 2 ədəd istixananın tikintisi isə davam etdirilir. Həmçinin heyvandarlıq üçün saatda 20 ton yem istehsal edən zavod tipli yem sexi də tikilmişdir.

Şəhərin Səməd Vurğun küçəsində, sahəsi 1,1 hektar olan Səməd Vurğun parkı tikilib istifadəyə verilmişdir. Parkda Səməd Vurğunun abidəsi ucaldılmış, əhalinin istirahəti üçün lazım olan bütün şərait yaradılmışdır.

Şəhər əhalisinin mənalı istirahəti üçün, ümumi sahəsi 8,2 hektar olan, Kür çayının Yevlax şəhərinin ərazisindən keçən hissəsinin sağ sahili boyunca 2500 metr uzunluğunda Bulvar istirahət mərkəzi salınmışdır.Bulvarın sahil boyunca bir hissəsi estakadalarda Kür çayının üzərində yerləşmişdir.

Bulvar istirahət zonasında 22 ədəd fontan, 1 ədəd şalalə tikilmiş və müasir işıqlandırma sistemi quraşdırılmışdır.

Burada 3 xidmət obyekti, ana və uşaq otağı, uşaq əyləncə mərkəzi, 4 ədəd böyük ölçüdə karusellər, idman meydançaları yaradılmış, 1 ədəd monitor quraşdırılmış, çimərlik salınmışdır.

İstirahət zonasına gedən avtomobil yolu genişləndirilərək iki tərəfli yol çəkilmiş, yolda işıqlandırma dayaqları quraşdırılmış, nəqliyyat vasitələrinin dayanması üçün meydança salınmışdır. Yolun kənarında 920 metr uzunluğunda hasar çəkilmişdir. Hasar 2062 kvadratmetr aqlay plitəsi ilə üzlənmiş, sütunlar arasında metaldan hazırlanmış 362 ədəd məhəccər quraşdırılmışdır.

Şəhərin mərkəzindən keçən Bakı–Ələt–Qazax avtomobil yolunun (İpək yolunun) kənarında 735 metr uzunluğunda, Aran qəsəbəsində avtomobil yolunun kənarında 366 metr uzunluğunda istinad divarı və qala bürcləri tikilmişdir.

Heydər Əliyev, Nizami prospektlərində, Səməd Vurğun, Ceyhun Mustafayev, şəhid Məmməd Hüseynov küçələrində istinad divarları tikilmiş, aqlay, qayadaşı, kabancik üzlük daşları ilə üzləmə işləri aparılmış, səki daşları düzülmüş və dekorativ plitə və asfalt döşənmişdir.

Cəmi uzunluğu 5,4 km olan Səməd Vurğun, Ceyhun Mustafayev, şəhid Məmməd Hüseynov küçələrinin avtomobil yoluna asfalt salınmışdır.

Ümumiyyətlə 2012–ci ildə xiyaban və parklara səkilərə, istinad divarlarına, fontanlara 27218 kvadratmetr aqlay, 3820 kvadratmetr qayadaşı, 1070 kvadratmetr kabancik, 48800 kvadratmetr dekorativ plitə, 1397 kvadratmetr mərmər plitə döşənmişdir. Yollara, küçələrə və səkilərə 17931 poqon–metr səki daşları düzülmüşdür.

11 ədəd ictimai yaşayış binasının dam örtükləri əsaslı təmir olunaraq dəyişdirilmişdir. Həmin binaların 10122 kvadratmetr dam örtüyünə mansar formada metal kirəmit vurulmuşdur.

Heydər Əliyev, Nizami prospektlərində, şəhərin bir çox küçələrində, Sahil bulvarında, xiyaban və parklarda 572 ədəd yeni işıqlandırma dirəkləri və dirəklərdə 1306 ədəd işıq nöqtələri quraşdırılmışdır.

Yevlax–Bərdə avtomobil yolunun rayon ərazisindən keçən 15 km–i əsaslı surətdə təmir olunmaqla, genişləndirilərək asfaltlanmışdır. Həmin yolun şəhərə giriş hissəsinin 1500 metri 4 zolaqlı tikilmişdir.

Bakı–Şamaxı–Yevlax avtomobil yolunun Yuxarı Qarxun və Aşağı Qarxun kəndləri arasındakı 4.2km hissəsində tikinti işləri davam etdirilir.

Hazırda Dədə Qorqud parkının davamının tikintisi aparılır. Əraziyə torpaq və çınqıl daşınır. İnfrastrukturun yaxşılaşdırılması diqqət mərkəzində olmuşdur. Belə ki, içməli su ilə təmin olunması, nasos stansiyalarının, artezian və subartezianların istismarı nəzarətdə saxlanılmışdır.

Kür nasos stansiyasından Ceyhun Mustafayev küçəsi ilə suyu şəhərə nəql edən, korroziyaya uğramış 1400 metr metal boru 200 mm–lik plastik boru ilə əvəz edilərək, ikinci təzyiqli su xətti çəkilmişdir.

Balçılı, Meyvəli, Ərəbbəsrə kəndlərinin əhalisinin ekoloji cəhətdən içməli su ilə təmin etmək məqsədi ilə içməli su təmizləyici qurğular quraşdırlmış, kəndarası su xətləri çəkilmiş və bulaqlar tikilmişdir.

İl ərzində Ceyhun Mustafayev küçəsində 1400 metr, Mehdi Hüseynzadə küçəsində 310 metr , Füzuli küçəsində 360 metr, cəmi 2070 metr kanalizasiya xətlərinin yenidən qurulması işləri davam etdirlir. 125 binadan 70–ində işlər başa çatmışdır.

Malbinəsi su hövzəsindəki subartezian və artezianlardan vurulan içməli suyu şəhərə nəql edən birinci magistral su məkərinin şəhərinin girişində olan 650 metr hissəsi diametri 400 mm–lik olan plastik borularla əvəz edilmişdir.

Rayonda elektrik enerjisi təminatı diqqətəlayiqdir. Hazırda şəhər və kənd yaşayış məntəqələri 24 saat elektrik enerjisi ilə təmin olunur.

2012–ci il ərzində 2,8 km elektrik hava xətləri əsaslı təmir olunmuş, 26, 5 km elektrik verilişi hava xətlərində cari işləri aparılmış, 19 ədəd transformator cari, 2 ədəd transformator isə əsaslı təmir olunmuşdurş, 624 abonentə sayğaclar quraşdırılmışdır.

2012–ci ildə elektrik şəbəkəsi üzrə 7 milyon 915 manatlıq enerji istifadə edilmişdir ki, bunun da 7 milyon 564 min manatı, yəni 95,5 faizi yığılmışdır.

Əhali qrupu üzrə ödəmələr 96,0 faiz olmuşdur.

Əhalinin təbii qaz təminatı diqqət mərkəzində olmuşdur. Belə ki, əhalinin təbii qazla təminatının yaxşılaşdırılması gündəmdə olmuşdur.

Abonentlərin sayı 103 olan Bünyadabad kəndin də təbii qaz verilmişdir.

Şəhərin şərq hissəsini normal təbii qazla təmin etmək üçün Nizami prospektindən 31–ci məhəlləyədək 200 mm–lik boru ilə 3200 poqon metr qaz xətti çəkilmişdir.

Hazırda rayonun Aran qəsəbəsində daxili qaz xətlərinin yenidən qurulması, 370 təsərrüfatı əhatə edən 3 yaşayış məntəqəsinin, yəni İsmayılabad kəndinin, Qoyunbinəsi kəndindəki məcburi köçkünlər şəhərciyinin və şəhərin 32–ci məhəlləsində 210 evdən ibarət yeni salınmış yaşayış massivinin qazlaşdırılması işləri aparılır.

Yevlax rayonunun qazla təmin olunmayan Xaldan zonası adlanan ərazisində 21 kəndin qaz təminatının bərpası məqsədilə daşıyıcı qaz kəmərinin çəkilişi və qaz paylayıcı stansiyalarının tikintisi işlərinə başlanılmışdır.

Şəhərin 10 küçəsində 11000 poqonmetr qaz xətləri həyətlərindən küçəyə çıxarılmış, 20 küçədə isə 1800 metr qaz xətləri dəyişdirilmiş, əhali üzrə abonentlərin sayı 781 abonent artmışdır. 6 ədəd qaz təmizləyici şkaflar quraşdırılmışdır.

Bundan əlavə Səməd Vurğun və Ceyhun Mustafayev küçələrində yenidənqurma işləri ilə əlaqədar, 4065 poqonmetr orta təzyiqli qaz xətti çəkilmişdir.

İl ərzində 3800 abonentin qaz sayğacları yenisi ilə əvəz edilərək həyətlərdən küçəyə çıxarılmışdır.

2012–ci ildə abonentlər tərəfindən 3 milyon 342 min manatlıq təbii qaz istehlak olunmuş və istehlak olunmuş qazın dəyərinin 91,8 faizi ödənilmişdir. Əhalidən isə ödəmə 86,4 faiz olmuşdur.

Əvvəlki illərə nisbətən əhaliyə göstərilən rabitə və poçt xidmətlərinin səviyyəsi artmışdır. Belə ki, 2012–ci ildə abonentlərə 1 milyon 269 min manatlıq rabitə və poçt xidmətləri göstərilmişdir, bu da keçən ilə nisbətən 88 min manat və ya 6,9 faiz çoxdur. İl ərzində əhaliyə 572 telefon çəkilmişdir.

İnternet abunəçilərinin sayı 1527–yə çatdırılmışdır ki , bu da 2011–ci ilə nisbətən 4,1 dəfə çoxdur. Hazırda internet abunəçilərinin sayının artırılması məqsədilə Telekommunikasiya qovşağı tərəfindən yenidənqurma və genişləndirmə işləri aparılır.

Bu il şəhərin 32–ci məhəlləsində yerləşən məcburi köçkünlər şəhərçiyi telefonlaşdırılmışdır. Burada 590 nömrəlik elektron ATS tikilib istifadəyə verilmişdir.

Kənd yaşayış məntəqələri ilə rabitənin səviyyəsinin yüksəldilməsi məqsədi ilə 42 km uzunluğunda fiber–optik kabel xətləri çəkilmişdir.

Rayonda təhsil sistemində aparılan islahatlar prioritet məsələlərdəndir. Azərbaycan Prezidenti cənab İlham Əliyevin rəhbərliyi ilə həyata keçirilən təhsil islahatları, yeni məktəb binalarının tikintisi, məktəblərin maddi–texniki bazasının əsaslı surətdə inkişafı istiqamətində görülən işlər, məktəbdə təlim–tərbiyənin yüksəldilməsi üçün həyata keçirilən tədbirlər uğurlu olmuşdur.

15 sentyabr “Bilik günü” məktəblərdə yüksək səviyyədə qeyd edilmiş, 17 sentyabr 2012–ci il tarixdə, ilk dərs günündə şəhərdə 960 şagird yerlik 2 N–li tam orta məktəb, Salamabad kəndində 180 şagird yerlik tam orta məktəb istifadəyə verilmişdir. Bu məqsədlə keçirilən toplantılarda respublikanın hərbi prokuroru Xanlar Vəliyev, millət vəkilləri Əli Hüseynli, İlham Məmmədov iştirak etmişlər.

Dünya Azərbaycanlılarının Həmrəyliyi Günü ərəfəsində 360 şagird yerlik Aran qəsəbə 2 N– li tam orta məktəb istifadəyə verilmişdir.Hazırda şəhər 10 N–li tam orta məktəb üçün 240, Balçılı kənd orta məktəb üçün 180 , Aran qəsəbə 3 – li ümumi orta məktəb üçün 180 şagird yerlik məktəb binalarının, təhsil şöbəsi inzibati binasının tikintisi aparılır. Heydər Əliyev Fondu tərəfindən Kövər kənd orta məktəbi əsaslı təmir olunur.

2013–cü ildə rayonda 4 məktəb (Yuxarı Bucaq, Əcəmi kənd ümumi, Bünyadabad, Dəlləklər kənd ibtidai) üçün yeni binalar inşa olunacaqdır.

Ölkə başçısının 1 oktyabr 2012–ci il tarixli sərəncamı ilə şəhər 8 N–li tam orta məktəbin direktor müavini Azər Abdullayev “Tərəqqi” medalı ilə təltif olunmuşdur. Fənn olimpiadalarının respublika turunda şəhər 7 N–li tam orta məktəbin X sinif şagirdi Vüsalə İsmayılova biologiya fənni üzrə IV yeri tutmuşdur.

Tələbə Qəbulu üzrə Dövlət Komissiyası tərəfindən keçirilən imtahanlarda XI sinif şagirdlərindən 1158 nəfərdən 1013 nəfəri (87,4 faiz) IX sinif şagirdlərindən 1419 nəfərdən 1171 nəfəri (82,5 faiz) müvəffəq qiymətlər almışlar.

Şagirdlərin ali və orta ixtisas məktəblərinə qəbulunun nəticələri ötən illə müqayisədə xeyli yüksək olmuşdur.

Tam orta məktəbi bitirən 1013 nəfər məzundan 311 nəfəri müxtəlif ali məktəblərə qəbul olmuşdur ki , bu da 9 N–il ərzində ən yüksək göstəricidir və 2003–cü illə müqayisədə 194 nəfər, yəni 66 faiz çoxdur.

Məzunlardan 5 nəfəri 600–dən, 24 nəfəri 500–dən çox bal toplamış, şəhər 9 –li tam orta məktəbin şagirdi Könül Mehdiyea 692 bal toplayaraq Prezident təqaüdünə layiq görülmüşdür.

Ölkəmizdə səhiyyə sistemində aparılan islahatlar rayonda da geniş vüsət almışdır. Hazırda şəhərdə 180 çarpayılıq mərkəzi şəhər və 50 çarpayılıq Ağ çiyər xəstəlikləri xəstəxanasının tikintisi davam edir. İl ərzində 1624 nəfər uşaq doğulmuş, 1 yaşa qədər uşaqlar arasında ölüm halı 1 nəfər olmuşdur.

Yoluxucu xəstəliklərə qarşı mübarizə tədbirləri gücləndirilmiş, il ərzində 10372 nəfər uşağa peyvəndlər edilmiş, səhiyyə maarifi işinə diqqət artırılmışdır. Ötən ilin müvafiq dövrü ilə müqaisədə vərəmə yoluxma hallarının sayı azalmışdır.

Rayon icra hakimiyyətinin başçısı cənab Qoca Səmədov rayon sakinlərinin asudə vaxtının, əhalinin mədəni kütləvi istirahətlərinin səmərəli təşkilindən geniş söhbət açdı.

Son illər olduğu kimi 2012–ci ildə də əhaliyə göstərilən mədəni–maarif xidmətinin səviyyəsinin yüksəldilməsi məqsədi ilə Şəhər Mədəniyyət və Turizm şöbəsi tərəfindən geniş tədbirlər hazırlanmış və müvəffəqiyyətlə həyata keçirilmişdir.

Kür çayının bulvar kompleksində əhalinin istirahətinin təşkili üçün yeni karusellər, atraksionlar, süni örtüklü idman meydançaları, “Ana və uşaq” kafesi tikilib istifadəyə verilmişdir.

Bayram münasibətilə el şənlikləri, respublikanın tanınmış incəsənət ustalarının iştirakı ilə böyük konsert proqramları, kinofilmlər, teatr tamaşaları, şəhərin xalq kukla teatrının tamaşaları təşkil edilmiş, bu tədbirlərdə minlərlə yevlaxlı iştirak etmiş və böyük maraqla qarşılamışdır.

Azərbaycan Respublikası Prezidentinin sərəncamı ilə Mədəniyyət işçiləri Həmkarlar İttifaqının Rayon Komitəsinin sədri Zöhrə Adıgözəlova “Əməkdar Mədəniyyət işçisi” fəxri adına layiq görülmüşdür.

Rayon qəzetinin baş redaktoru Əminə Əhmədova Respublika Mətbuat Şurasının təsis etdiyi ali media və Kütləvi İnformasiya Vasitələrinin İnkişafına Dövlət Dəstəyi Fondunun mükafatına layiq görülmüş, qəzetin əməkdaşları Afaq Bayramoa və Xanım Nəsibova Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi fərdi jurnalist yazıları müsabiqəsinin qalibi olmuş, qaliblərin hər biri diplom və 1000 manat pul mükafatına layiq görülmüşdür.

Sonda rayon icra hakimiyyətinin başçısı Qoca Səmədov bir daha əminliklə bildirib ki, Azərbaycan Respublikasının Prezidenti İlham Əliyevin verdiyi göstəriş və tapşırıqları öz fəaliyyətində rəhbər tutan yevlaxlılar 2013–cü il ərzində də qarşıda duran bütün vəzifələri tam həcmdə yerinə yetirilməsi üçün bütün qüvvələrini səfərbər edəcəkdir.

Zabit Xəlilov

Respublika.- 2013.- 22 fevral.- S. 5.