Poçt rabitəsi müasir tələblər səviyyəsində

Son illər Azərbaycanda informasiya cəmiyyətinin bərqərar olması, İnformasiya–kommunikasiya Texnologiyalarının respublikamızda geniş tətbiqi məqsədilə ardıcıl, məqsədöynlü iş aparılır. Ölkə rabitə sisteminin müasir dünya standartları səviyyəsinə çatdırılması əsas məsələ kimi daim Azərbaycan Prezidenti cənab İlham Əliyevin diqqət mərkəzində olmuşdur. Onun rəhbərliyi ilə İKT–nin ölkəmizdə müasir tələblərə uyğunlaşdırılması üçün zəruri islahatlar aparılmışdır. Azərbaycan Respublikası Prezidentinin sərəncamı ilə Rabitə və İnformasiya Texnologiyaları Nazirliyinin yaradılması, onun yeni əsasnaməsinin təsdiq edilməsi, yeni struktur dəyişikliklərinin aparılması, akademik Əli Abbasovun bu sahəyə nazir təyin olunması, onun işə elmi yanaşma prinsipi və səriştəli rəhbərliyi sayəsində ölkə rabitəsinin dünya standartlarına uyğunlaşdırılmasına möhkəm əsas yaratdı. Artıq Azərbaycan rabitə və informasiya sahəsində regional mərkəzə çevrilib. Dövlətimizin apardığı uğurlu siyasi kurs nəticəsində bütün sahələrlə yanaşı, poçt rabitəsi sektorunda da beynəlxalq əlaqələrin qurulmasına və inkişafına nail olunmuşdur. Poçt İnfrastrukturunun yeni texnologiyalar əsasında modernləşdirilməsi, keyfiyyətli telekommunikasiya xidmətlərindən istifadə mühüm əhəmiyyət kəsb edir və bu məqsədlə Dövlət Proqramı qəbul olunmuşdur.

Azərbaycan Respublkiasının Prezidenti İlham Əliyevin sədrliyi ilə yanvarın 15–də Nazirlər Kabinetinin 2012–ci ilin sosial–iqtisadi inkişafının yekunlarına və 2013–cü ildə qarşıda duran vəzifələrə həsr olunmuş iclasında geniş məruzə ilə çıxış edən ölkə başçısı respublikamızda İKT–nin inkişafından danışaraq qeyd etmişdir ki, müstəqillik dövründə biz bu sahədə elə böyük uğurlara imza atmışıq ki, hər bir Azərbaycan vətəndaşı bununla fəxr edə bilər. Onların içində peykin buraxılması xüsusi yer tutur. Ölkə başçısı vurğulamışdır ki, bu hadisə gələcəkdə müasirliyə, inkişafa doğru atılan addımlarımızı artıracaqdır. Bu hadisəni və ümumiyyətlə, İKT sahəsinə verilən diqqəti və bu sahədə əldə edilmiş uğurları nəzərə alaraq mən 2013–cü ili “İnformasiya–kommunikasiya texnologiyaları ili” elan edirəm.

İclasda çıxış edən rabitə və İnformasiya texnologiyaları naziri, akademik Əli Abbasov qeyd etmişdir ki, İKT sektoru 2004–2013–cü illər üzrə hər üç ildə təxminən iki dəfə genişlənmişdir. 2012–ci ildə isə sektorun artım tempi təxminən 18 faiz olmuşdur. Bu isə ümumdünya orta artım tempindən 2,5 dəfə yüksəkdir. Dünya Bankı və Azərbaycan Mərkəzi Bankı ilə birlikdə poçt sisteminin müasir kompyuter şəbəkəsi qurulmuş, müasir idarəçilik və yeni iş prinsipləri üzrə fəaliyyəti təmin edilmiş, qeyri ənənəvi xidmətlərin, o cümlədən bank–maliyyə, elektron dövlət xidmətləri, logistika və digər xidmətlərin göstərilməsinə başlanmışdır.

O qeyd etmişdir ki, poçt sisteminin rəqabətlilik qabiliyyətini yüksəltmək və rentabelliliyini təmin etmək üçün işlər uğurla davam etdirilir. Çıxışında akademik Əli Abbasov Azərbaycanın ilk telekommunikasiya peyki haqda da ətraflı məlumat vermiş və qeyd etmişdir ki, BMT–nin uyğun komitəsində Azərbaycan kosmik ölkələr sırasına qəbul olunmuş, ölkəmiz kosmik fəzanın sülh məqsədilə istifadəsi üzrə öhdəliklər götürmüşdür.

“Azərpoçt” MMC–nin tabeliyində fəaliyyət göstərən 2 saylı poçt filialının əmək kollektivi də ölkədə yaradılan sürətli inkişaf, tərəqqi mühitindən yararlanır, öz işəlrini müasir tələblərə uyğun qurur, əhaliyə göstərilən poçt–rabitə xidmətinin keyfiyyətini daha da yüksəldir. Poçt filialının kollektivi 2012–ci ildə əzmlə çalışmış, “Azərpoçt” MMC–nin qarşımızda qoyduğu plan–tapşırıqların öhdəsindən gəlməyə çalışmışdır. Filialın poçt şöbələrində ənənəvi xidmətlərlə bərabər, müasir dövrün tələblərindən yaranan qeyri–ənənəvi xidmətlər, o cümlədən bank xidmətləri də göstərilir. 2 saylı Poçt filialı 2012–ci ildə görülmüş işlər və həyata keçirilən tədbirlər nəticəsində “Azərpoçt” MMC tərəfindən 12 aylığın yekunlarına görə ümumi gəlirlərin 1507,02 min manat proqnozuna qarşı 1507,3 min manat gəlir əldə etmişdir. Yəni plan 100 faiz yerinə yetirilmişdir. Əhaliyə göstərilən xidmətlərdən əldə olunmuş gəlir proqnozu da 1107,6 min manata qarşı 1252,7 min manat olmuşdur. Plan 113 faiz və ya 145,1 min manat çox gəlir əldə edilmişdir.

Poçt filialı üzrə ötən il ərzində proqnoz tapşırıqlarını 25 poçt şöbəsindən 19–u yerinə yetirmişdir. Gəlir itkilərinin aradan qaldırılması üçün poçt filialı tərəfindən müəyyən istiqamətlərdə təxirə salınmaz tədbirlər görülmüşdür. Belə ki, kart satışından gəlirləri artıraraq 135,8 min manat, pul baratları qəbulundan 39,1 min manat, bağlama qəbulundan 5,8 min manat, telefon abunə haqlarının yığımından 11,9 min manat, digər ticarət mallarının satışından 7,0 min manat artıq gəlir əldə edilmişdir.

Bütün poçt şöbələrində bank əməliyyatlarından olan valyuta mübadiləsi, fiziki şəxslər və təşkilatlar tərəfindən bank hesablarının açılması, elektron imza, WesterUio–17 poçt şöbəsində, CasriaMoey Trasfer–2 poçt şöbəsində, MİGOM–6 poçt şöbəsində, CONTAKT MDB–8 şöbədə olmaqla beynəlxalq pul köçürmələri aparılır. Atəşgah sığorta isə 23 poçt şöbələrində tətbiq olunmuşdur. Bundan başqa yol polisinin cərimələrinin yığılması, vergilərin rüsumlarının yığılması, avtomaşınların sığortası və digər xidmətlər poçt şöbələrində uğurla həyata keçirilir. Ötən ildə tikinti–quruculuq işləri də uğurla aparılmışdır. Tikintisinə başlanmış filialın yeni inzibati binasında işlər artıq yekunlaşmaq üzrədir. İl ərzində 138, 117, 141 saylı poçt şöbələri əsaslı, müasir üslubda təmir olunub. Yeni Yasamalda 70 saylı, Xocasəndə isə 144 saylı yeni poçt şöbələri tikilmiş, müasir texniki avadanlıqlar, mebel dəstləri ilə təchiz olunaraq istifadəyə verilmişdir.

Bu işlərin aparılması RİTN–i və “Azərpoçt” MMC–nin rəhbərliyinin filialımıza göstərdikləri diqqət və qayğının sayəsində mümkün olmuşdur. Filialın kollektivi bundan sonra da səylə çalışacaq, 2013–cü ildə də uğurlu nəticələr əldə edəcəkdir.

Arif MAQSUDOV,

“Azərpoçt” MMC 2 saylı poçt

filialının rəisi.

Respublika.- 2013.- 1 mart.- S. 13.