Nərimanov rayonu: inkişaf tempi davam edir

Paytaxtın mərkəzində yerləşən və geniş əraziyə malik olan Nərimanov rayonunda son illər ayrı-ayrı sahələrdə müsbət dəyişikliklər baş vermiş, müxtəlif ərazilərdə geniş abadlıq və quruculuq işləri aparılmış və insanların həyat tərzi maksimum səviyyəyə çatdırılmışdır.

Bu günlərdə rayon icra hakimiyyətində 2013-cü ilin sosial-iqtisadi inkişafını yekunları və qarşıda duran vəzifələrə həsr olunmuş tədbir keçirildi. Yığıncaqda rayon ictimaiyyətinin nümayəndələri və qonaqlar iştirak edirdilər.

Tədbirdə hesabat məruzəsi ilə çıxış edən rayon icra hakimiyyətinin başçısı Aydın Fərzəliyev vurğuladı ki, 2013-cü ilin yekunlarına görə rayon iqtisadiyyatının əsasını təşkil edən sənayenin dinamik inkişafı davam etdirilmiş və bu müddət ərzində xidmətlər də daxil olmaqla 1 milyard 951,9 milyon manatlıq məhsul istehsal olunmuş, 2012-ci ilə nisbətən 100,6 faiz artım surəti əldə edilmişdir. 2013-cü ildə istehlakçılara 1 milyard 965,3 milyon manatlıq və ya bütün sənaye məhsulunun 104,4 faizi qədər sənaye məhsulu göndərilmişdir. İstehsal olunmuş sənaye məhsulunun həcmində dövlət sektorunun xüsusi çəkisi 83,7 faiz təşkil etmişdir.

Ötən dövr ərzində sənaye kompleksində işləyənlərin sayı 565 nəfər artaraq 9972 nəfər təşkil etmiş, onların orta nominal əmək haqqı 7,4 faiz artaraq 455,8 manata çatmışdır.

Yeni müəssisələrin yaradılması, mövcud müəssisələrin fəaliyyətinin bərpa edilməsi nəticəsində 2013-cü ildə 2911 daimi iş yerləri yaradılmışdır.

Tikinti təşkilatları tərəfindən öz gücləri ilə yerinə yetirilmiş işlərin həcmi 943,1 milyon manat təşkil edərək əvvəlki ilə nisbətən 1,1 faiz artım əldə edilmişdir. Bu sahədə işləyən işçilərin sayı 2097 nəfər artaraq 13943 nəfərə çatmış və onların orta aylıq əmək haqqı 4,7 faiz artaraq 502,2 manat təşkil etmişdir.

Click to enlarge image narimanov01.JPGClick to open image!Click to enlarge image narimanov02.JPGClick to open image!Click to enlarge image narimanov03.JPGClick to open image!Click to enlarge image narimanov04.JPGClick to open image!Click to enlarge image narimanov05.JPGClick to open image!Click to enlarge image narimanov06.JPGClick to open image!Click to enlarge image narimanov07.JPGClick to open image!

Əhalinin həyat səviyyəsini xarakterizə edən əsas göstəricilərdən biri olan pullu xidmətlərin həcmi 286,2 milyon manat təşkil etmişdir. Ticarət və nəqliyyat sahələri də xeyli inkişaf etmişdir. Belə ki, il ərzində ticarət üzrə pərakəndə əmtəə dövriyyəsinin həcmi 945,3 milyon manat olmaqla 9,4 faiz, əhaliyə göstərilən ictimai iaşə xidmətinin həcmi 78,8 milyon manat olmaqla 41,1 faiz artmışdır.

Əhaliyə göstərilən nəqliyyat və rabitə xidmətinin həcmi də artmışdır.

2013-cü ilin “Rabitə və İnformasiya texnologiyaları ili” elan edilməsi bu sahənin inkişafına çox böyük təkan vermişdir. Belə ki, rabitə xidmətlərinin həcminin 17,5 dəfə artması ilə yanaşı işçilərin sayı təxminən 2 dəfə və ya 935 nəfər artaraq 1834 nəfər təşkil etmiş, onların orta aylıq əmək haqqı 3.3 dəfə artaraq 1112.2 manata çatmışdır. Bu da iqtisadiyyatın digər sahələrinə nisbətən ən yüksək göstəricidir.

Nərimanov rayonunun qısa zanıan kəsiyində geniş quruculuq məkanma çevrilməsinin ən ümdə səbəblərindən biri ölkəmizin bütün bölgələri kimi bu rayona da ölkə Prezidenti cənab İlham Əliyev tərəfindən xüsusi diqqət və qayğı göstərilməsidir. Fərəhləndirici haldır ki, Azərbaycan Respublikasının Prezidenti cənab İlham Əliyev 2013-cü ildə 6 dəfə Nərimanov rayonunda olmuş, obyektlərin açılış və təməlqoyma mərasimlərində iştirak etmiş, əsaslı təmir və yenidənqurma işlərindən sonra yaradılan şəraitlə, habelə inşası davam edən obyektbrdə işlərin gedişatı ilə tanış olmuşdur.

Hesabat dövründə rayonda genişmiqyaslı abadlıq və quruculuq işləri həyata keçirilmişdir.

İl ərzində metronun “Gənclik” stansiyasının ətrafında yerləşən binaların fasadlarının milli memarlıq üslubunda yenidən qurulması, Vaqif prospektinin genişləndirilməsi, Z.Bünyadov prospektinin yenidən qurulması, şəhərin baş planına uyğun digər layihələrin həyata keçirilməsi işləri davam etdirilmişdir.

Şəhərimizin ümumi görkəminə xələl gətirən H.Əliyev prospekti, Koroğlu Rəhimov, Ə.Əbdürrəhimov, akademik H.Əliyev küçələrində istismar müddətini keçmiş, yararsız hala düşmüş yaşayış binalarının, qeyri-yaşayış obyektlərinin sökülərək başqa ərazilərə köçürülməsi istiqamətində işlər davam etdirilirmişdir. Qeyd olunan binalarda yaşayan sakinlər üçün hazırda K.Rəhimov küçəsində 126 mənzilli, 7 mərtəbəli yaşayış binasının və Heydər Əliyev prospektində 167 mənzilli 7 mərtəbəli yaşayış binasının tikintisi davam etdirilir və yaxm müddətdə sakinlərin istifadəsinə veriləcəkdir.

H.Əliyev prospektinin yenidənqurulması ilə əlaqədar olaraq istismar müddətini keçmiş 8 ədəd yaşayış binalarının sökülərək yerində müasir, milli memarlıq üslubunda 4 ədəd yeni yaşayış binalarının tikintisi nəzərdə tutulmuşdur. Həmin binalarda yaşayan 320 nəfər sakin əvvəlcədən kirayə haqqı ödənilməklə köçürülmüş və söküntü işləri başa çatdırılmışdır. Binaların layihələndirilməsi işləri həyata keçirilərək tikinti işlərinə başlanılmışdır. Tikinti işləri yaxın gələcəkdə tam başa çatdırıldıqdan sonra sakinlərin əvvəlki mənzillərinin sahəsindən 3,0-40 faiz artıq olmaqla tam təmirli, geniş və yaraşıqlı mənzillər onların istifadəsinə veriləcəkdir.

K.Rəhimov küçəsində sökülmüş 7 ədəd yaşayış binasının yerində rayon sakinlərinin mənalı istirahət yerinə çevriləcək ən müasir parkın salınması davam etdirilir, artıq parkın birinci hissəsində işlər başa çatdırılmışdır. Öz füsünkar gözəlliyi ilə seçilən, Avropa istehsalı olan tikinti materiallarından istifadə edilməklə salınmış parkın birinci hissəsi artıq sakinlərin istifadəsinə verilmişdir. Parkın ikinci hissəsinin 2 mərətəbəli avtomobil dayanacağı ilə birlikdə yaxın gələcəkdə istifadəyə verilməsi nəzərdə tutulmuşdur.

Azərbaycan və Rusiya Federasiyasının Həştərxan vilayəti arasında əməkdaşlıq əlaqələri son zamanlar daha intensiv templə inkişaf edir. 2010-cu ildən başlayaraq bu günə qədər Azərbaycan Respublikasının Prezidenti cənab İlham Əliyevin göstəriş və tapşırığı ilə, Həştərxan şəhərində sosial sahəyə xeyli investiya cəlb edən bir sıra genişmiqyaslı layihələr həyata keçirilmişdir.

Bu cür dinamik inkişafın göstəriciləri və iki dövlətin dostluq əlaqələrinin bariz nümunələri kimi, Həştərxan vilayətinin mərkəzində yerləşən 3,5 hektar ərazisi olan parkda nümunəvi abadlıq işləri aparılaraq, ümummilli lider Heydər Əliyevin əzəmətli abidəsi ucaldılmış, Bakı küçəsində yerləşən 11 nömrəli orta məktəbə ulu öndər Heydər Əliyevin adı verilmiş, Heydər Əliyev Fondunun təşəbbüsü və dəstəyi ilə həmin məktəbin əsas korpusu genişmiqyaslı rekonstruksiya olunmuş, müasir standartlara uyğun iki yeni korpus inşa edilmiş və şagirdlərin təhsilinin lazımi səviyyədə təşkil edilməsi üçün bütün şərait yaradılmış, mebel və texniki avadanlıqlarla təchiz edilmişdir.

Həyata keçirilən layihələrin davamı olaraq, 2012-ci ilin sentyabrın 12-də Həştərxan şəhərində Heydər Əliyev Fondunun dəstəyi ilə inşa olunmuş Azərbaycan və Rusiya Dostluq körpüsünün və Heydər Əliyev parkında yaradılmış “Arzu” uşaq əyləncə şəhərciyinin açılış, həmçinin Heydər Əliyev Fondunun növbəti layihələrindən biri olan Müqəddəs Knyaz Vladimirin məbədi önündə knyaz Vladimirin abidəsinin təməlqoyma mərasimləri keçirilmişdir.

Ötən il dekabrın 20-də Heydər Əliyev Fondunun vitse-prezidenti Leyla xanım Əliyevanın iştirakı ilə Müqəddəs Vladimir məbədinin önündəki meydanda Knyaz Vladimirin abidəsinin və abidənin yerləşdiyi ərazidə salınmış parkın təntənəli açılış mərasimi keçirilmişdir. Bundan başqa, həmin gün Heydər Əliyev Fondunun təşəbbüsü ilə Rusiyanın Həştərxan şəhərində tikilmiş “Meçta” uşaq kafesinin açılışı olmuş, həmçinin Həştərxan şəhərinin Bakinskaya küçəsində Heydər Əliyev Fondunun dəstəyi ilə tikiləcək yeni uşaq bağçasının təməlqoyma mərasimi keçirilmişdir.

Rayonun abadlaşdırılması, mənzil-kommunal obyektlərinin istismarı vəziyyətinin yaxşılaşdırılması sahəsində 2013-cü il ərzində müvafiq işlər görülmüşdür.

2013-2014-cü illərin payız-qış mövsümünə hazırlığı ilə əlaqədar olaraq 9200 kv.m. sahədə dam örtüyü təmir edilmiş, 170 ədəd qapı, 181 ədəd pəncərə, 970 p.m. uzunluğunda yağış suyu axıdan borular dəyişdirilmiş, yaxud təmir edilmiş, 470 kv.m. sahədə şüşələnmə işləri aparılmışdır.

Bakı Şəhər İcra Hakimiyyəti başçısının “Su ilə dolu zirzəmilərin qurudulması” haqqında müvafiq sərəncamının icrası ilə bağlı bütün yaşayış binalarının zirzəmiləri təftiş edilmiş və su aşkar edilmiş 5 binanın zirzəmisindən suyun təmizlənməsi istiqamətində zəruri işlər aparılmışdır.

Rayon icra hakimiyyətinin nəzdində, daimi fəaliyyət göstərən “Qanunsuz tikililərə qarşı mübarizə komissiyası”nın gördüyü tədbirlər nəticəsində 4 ünvanda qanunsuz tikilmiş ev, 1 ünvanda 1 ədəd köşk, 3 ünvanda 20 kv.m. sahəsi olan çardaq və 320 p/m uzunluğunda dəmir çəpər sökülərək ləğv edilmişdir.

Nərimanov rayon Enerji Təchizatı və Satış İdarəsi tərəfindən 2221 p.m. 0,4 kV-luq kabellər yenisi ilə əvəz olunmuş, investisiya proqramına əsasən 7 ədəd Transformator Məntəqəsində əsaslı təmir işləri aparılmış, avadanlıqlar yenisi ilə əvəz olunmuşdur.

Rayon Sukanal Departamentinin Su Şəbəkələri və Qurğularının istismarı Xidməti tərəfindən ötən il ərzində 188 ədəd nasos, 168 ədəd mühərrik və 171 ədəd siyirtmə təmir olunmuş, 3187 p.m. boru dəyişdirilmiş, 6 ədəd nasos və 4 ədəd elektrik mühərriki quraşdırılmış, 25 ədəd siyirtmə dəyişdirilmiş, 29 ədəd su anbarı yuyulmuşdur.

Nərimanov Rayon Qaz İstismar Sahəsi tərəfindən 2013-cü il ərzində rayon ərazisində qaz təchizatı sistemində qazdan istifadə qaydalarının pozulması, onları doğuran səbəblərin və istehlakçılar tərəfindən və digər obyektlərdə təbii qazdan düzgün istifadə edilməsi qaydalarının gücləndirilməsi haqqında tədbirlər planına uyğun olaraq müvafiq tədbirlər görülmüşdür.

Nərimanov rayonunda 13 işğal olunmuş rayon və yaşayış məntəqəsindən olan 19025 nəfər məcburi köçkün məskunlaşmışdır.

Məcburi köçkünlərin mövcud sosial durumunun yaxşılaşdırılması ilə əlaqədar Qaçqınların və Məcburi Köçkünlərin İşləri üzrə Dövlət Komitəsi tərəfindən məcburi köçkün ailələrinin yeni mənzillərlə təmin olunması davam etdirilmişdir.

Hesabat dövründə Nərimanov rayonunda fəaliyyət göstərən 22 ümumi təhsil müəssisəsində 23747 şağird təhsil alıb, məktəbi bitirən 3634 nəfərdən 2037 nəfəri orta təhsil haqqında şəhadətnamə, 1597 nəfəri isə tam orta təhsil haqqında attestat almışdır. Rayonda təhsilin inkişafı sahəsində zəruri tədbirlər həyata keçirilir.

Rayonun 27 məktəbəqədər tərbiyə müəssisəsindən 19-u (1945 uşaq yerlik) əsaslı təmir olunaraq lazımi avadanlıqlarla təchiz olunmuşdur.

Vacib məqamlardan biri də təhsilin keyfiyyət göstəricilərinin yüksəldilməsinə diqqətiin artirilmasıdır. Bu məsələdə hər il kecirilən “Ən yaxşı ümumtəhsil müəssisəsi” və “Ən yaxşı müəllim” müsabiqələri daha çox əhəmiyyət kəsb edir. Hər il olduğu kimi Nərimanov rayonundan bu il müsabiqədə iştirak edən 1 məktəb (39 nömrəli tam orta məktəb) və 5 müəllim Azərbaycan Respublikası Prezidentinin Sərəncamı ilə mükafatlandırılmışdır.

Hesabat dövründə Nərimanov Rayon Gənclər və İdman İdarəsi tərəfindən bir sıra tədbirlər həyata keçirilmişdir.

Dövlət Sosıal Müdafiə Fondunun rayon şöbəsi sosial sahədə qəbul edilmiş dövlət Proqramlarının icrasını həyata keçirmişdir.

Azərbaycan Respublikası Prezidentinin 30 dekabr 2008-ci il tarixli Sərəncamı ilə təsdiq edilmiş “2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı”nda nəzərdə tutulan vəzifələrdən biri əmək pensiyalarının mütərəqqi üsullarla ödənilməsi sisteminin daha da inkişaf etdirilməsi olmuşdur.

Qüvvədə olan qanunvericiliyə uyğun olaraq vətəndaşların pensiya təminatı ilə əlaqədar müraciətlərə baxılması işi davam etdirilmiş, 2013-cü il ərzində qeydiyyatda olan 25078 nəfər pensiyaçıya hər ay 4 milyon 784 min manat vəsait ödənilmişdir.

2013-cü il ərzində Məşğulluq Mərkəzinə 467 nəfər qadın olmaqla 1322 nəfər işaxtaran vətəndaş müraciət etmişdir ki, onlardan da 930 nəfəri müxtəlif iş yerləri ilə təmin olunmuşdur. Bu dövr ərzində 115 nəfər işsiz və işaxtaran vətəndaşlar peşə hazırlığı kurslarına cəlb edilmiş, 98 nəfər işaxtaran vətəndaşa işsiz statusu verilərək işsizlik müavinəti təyin edilmiş, onlardan 3 nəfərinə təkrar müavinət təyin olunmuşdur.

Nərimanov Rayon Əhalinin Sosial Müdafiəsi Mərkəzi 2013-cü il ərzində Əhalinin Sosial Müdafiəsi sahəsində bir sıra işlər görmüşdür.

Yanvarın 15-dən Nərimanov rayonunda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 1 nömrəli “ASAN xidmət” mərkəzi vətəndaşlara xidmət göstərməyə başlamışdır.

Məlumat üçün bildiririk ki, dövlət agentliyinin və onun tabeliyində “ASAN xidmət” mərkəzlərinin yaradılması Respublika Prezidenti cənab İlham Əliyevin 2012-ci il iyulun 13-də imzaladığı fərmanla əsas vəzifə kimi qarşıya qoyulmuşdur. Bu qurumun yaradılmasında məqsəd vətəndaşlara birbaşa xidmət göstərəcək “ASAN xidmət” mərkəzlərinin vahid şəkildə idarə edilməsidir.

1 nömrəli “ASAN xidmət” mərkəzi pilot layihə olduğu üçün ilkin mərhələdə paytaxtın Nəsimi və Nərimanov rayonlarının sakinlərinə xidmət göstərir. Vətəndaşlar mərkəzin xidmətlərindən şəxsən, telefon və ya internet vasitəsilə ünvanladıqları müraciətlər əsasında istifadə edirlər.

“ASAN xidmət” mərkəzi Bakı şəhəri, akademik Həsən Əliyev küçəsi, 36 ünvanında yerləşir. “ASAN xidmət” mərkəzində 9 dövlət orqanı —Ədliyyə, Daxili İşlər, Vergilər nazirlikləri, Əmlak Məsələləri Dövlət Komitəsi, Dövlət Gömrük Komitəsi, Dövlət Miqrasiya Xidməti, Dövlət Torpaq və Xəritəçəkmə Komitəsi, Dövlət Sosial Müdafiə Fondu və Milli Arxiv İdarəsi tərəfindən 23 adda hüquqi xidmət həyata keçirir.

Azərbaycan Respublikası Prezidentinin gənclərin həqiqi hərbi xidmətə çağırışı barədə sərəncamlarına müvafıq olaraq 759 nəfər gənc həqiqi hərbi xidmətə çağırılaraq ordu sıralarına yola salınmışdır.

2013-cü ildə rayonun müəssisə və təşkilatları sahibkarları tərəfindən könüllü olaraq 3854 manat məbləğində Silahlı Qüvvələrin Yardım Fonduna vəsait köçürülmüşdür.

Nərimanov bələdiyyəsi yerli əhəmiyyətli məsələlərin həllində “Bir bələdiyyə-azı bir layihə” çərçivəsində rayonun sosial iqtisadi inkişafında və əhalinin maddi rifah halının yüksəldilməsi istiqamətində bir sıra zəruri işlər həyata keçirmişdir.

Belə ki, 2013-cü ildə Nərimanov bələdiyyəsi tərəfindən 32 ailə himayəyə götürülmüş və 90 ailəyə birdəfəlik maddi yardım edilmiş, daxil olmuş ərizələrə əsasən imkansız 8 ailəyə yas mərasiminin keçirilməsinə köməklik edilmişdir.

Nərimanov bələdiyyəsi tərəfindən 20 Yanvar Ümumxalıq Hüzn Günü münasibətilə 40 nəfər əlill və şəhid ailələrinin üzvlərinə maddi yardım edilmiş, xalqımızm milli bayramı Novruz Bayramı ilə əlaqədar 170 ailəyə bayram sovqatı paylanmış, alman faşizmi üzərində Qələbənin 68-ci ildönümü münasibətilə 12 nəfər Böyük Vətən Müharibəsi veteranına maddi yardım edilmişdir.

Nərimanov bələdiyyəsi rayonun abadlıq işlərində yaxından iştirak etmişdir. Rayonun ayrı-ayrı ünvanlarında məhəllədaxili ərazilərə 7679 kv.m asfalt örtüyü salınmışdır.

2013-cü ilin noyabr ayının 25-dən dekabr ayının 1-dək keçirilən yerli demokratiya həftəsi çərçivəsində rayonumuzun ayrı-ayrı məhəllələrində sakinlərlə bələdiyyə üzvlərinin görüşü keçirilmiş, sakinlərlə birbaşa canlı təmas qurulmuş, onların yerlərdəki problem və qayğıları öyrənilmiş, imkan daxilində mümkün olanları yerində həll edilmişdir.

Rayon rəhbərliyi tərəfindən 2013-cü ildə yerlərdə keçiriləcək qəbulların təsdiq olunmuş qrafikinə əsasən 25 səyyar qəbul və görüş keçirilmişdir. Qəbullar müəssisə və təşkilatlarda, məcburi köçkünlərin məskunlaşdığı yataqxanalarda, inzibati və inşası yarımçıq qalmış binalarda, habelə rayonun ayrı-ayrı yaşayış sahələrində, əhalinin mədəni-kütləvi tədbirlər otağında və s. yerlərdə keçirilmişdir. Keçirilmiş qəbullarda rayon sakinləri, əmək kollektivlərinin üzvləri, məcburi köçkünlər rayon rəhbərliyi tərəfindən qəbul edilmişlər. Ötən dövr ərzində keçirilmiş 25 səyyar görüş və qəbullarda 1919 nəfər vətəndaş iştirak etmişdir.

Keçirilən səyyar görüş və qəbullarda qaldırılan məsələlər küçə və məhəllədaxili yolların təmiri, maddi yardım, dam örtüyünün təmiri, məhəllələrin abadlaşdırılması, işə düzəlmə, kommunal problemlər, təhsil, səhiyyə müəssisələrinin təmiri və tikintisi, mənzil şəraitinin yaxşılaşdırılması və sosial yönümlü məsələlərlə bağlı olmuşdur.

Ötən il rayon icra hakimiyyəti başçısı yanında şuranın keçirilmiş 30 iclasında 32 məsələ müzakirə olunmuş və məsələlərin icrası ilə əlaqədar aidiyyəti üzrə qərar və tapşırıqlar verilmişdir. Şura iclaslarında müzakirə olunmuş məsələlərlə bağlı irəli sürülmüş təklif və tövsiyələr əsasında qərarlar qəbul edilmişdir.

“Azərbaycan Respublikasının bəzi şəhər və rayonlarının inzibati ərazi bölgüsündə qismən dəyişikliklər edilməsi haqqında” qanuna əsasən Nərimanov rayonu inzibati ərazi vahidi tərkibində İHB-nın 1, 2 və 3 nömrəli Sahə İnzibati Ərazi Dairələri üzrə nümayəndilikləri yaradılmışdır. RİHB-nin müvafiq Sərəncamına əsasən sahə inzibati ərazi dairəsi üzrə nümayəndələr təyin edilmişlər:

Nümayəndəliklərin fəaliyyəti üçün lazımi şəraitin yaradılması, onların maddi-texniki bazasının möhkəmləndirilməsi istiqamətində müvafiq işlər həyata keçirilmişdir. Hazırda nümayəndəliklər kirayə tutulmuş ofislərdə yerləşdirilmişdir.

Nümayəndəliklər üçün daimi inzibati binaların tikilməsi üçün yerlər müəyyənləşdirilmiş, binaların layihələri hazırlanmış və təsdiq edilməsi üçün Bakı Şəhər İcra Hakimiyyətinə göndərilmişdir.

9 oktyabr 2013-cü il tarixdə ölkəmizdə müstəqil Azərbaycan Respublikasımn gələcəyi üçün böyük önəm kəsb edən Prezident Seçkiləri keçirilmişdir. Əvvəlki seçkilərdə olduğu kimi, bu seçkilərdə də Nərimanov rayonu seçiciləri fəallığı və mütəşəkilliyi ilə seçilmişlər. Nərimanov rayonu üzrə 108937 nəfər seçicinin 69601 nəfəri, yəni 63,89 faizi seçkilərdə iştirak etmişlər. Tarixi bir seçim edən Azərbaycan xalqının müəyyən bir hissəsi olaraq Nərimanov rayon sakinləri həmin gün üzərinə düşən müqəddəs missiyanı şərəflə yerinə yetirərək, sülhə, tərəqqiyə və sivil dünyaya inteasiyaınn tərəfdarı olduğunu təsdiqləyərək böyük səs çoxluğu ilə görkəmli və səriştəli dövlət xadiminə, liderə —cənab İlham Əliyevə səs verdi.

Ötən ilin yekunlarına həsr olunmuş yığıncaqda Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov, Prezident Adminstrasiyasının məsul işçisi Tağı Tağıyev, Milli Məclisin deputatı Rasim Musabəyov, rayon icra hakimiyyətinin başçısının 3 nömrəli sahə inzibati ərazi dairəsi üzrə nümayəndəsi Namiq Babayev, rayon gigiyena və epidemologiya mərkəzinin direktoru Nurulla Məmmədov və rayon gənclər və idman idarəsinin rəisi Nəcəf Novruzov çıxış etdilər.

Toplantını yekunlaşdıran icra hakimiyyətinin başçısı Abdin Fərzəliyev əminliklə qeyd etdi ki, rayonda inkişaf tempi uğurla davam etdiriləcək, sənaye ili olan 2014-cü ildə uğurlu nəticələrə imza atılacaqdır.

Qədir ASLAN,

Foto S.MƏmmƏdindir.

Respublika.-2014.- 13 fevral.- S.9.