Mingəçevir: günbəgün gözəlləşən şəhər

Bu günlərdə Mingəçevir şəhər İcra Hakimiyyətində 2013-cü ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağı keçirilmişdir. Geniş hesabat məruzəsi ilə çıxış edən şəhər icra hakimiyyətinin başçısı Niyazi Bayramov ötən ildə şəhərin sosial-iqtisadi inkişafı ilə bağlı görülmüş işlərin geniş təhlilini vermişdir.

Natiq vurğulamışdır ki, şəhərimiz üçün ən əlamətdar hadisə 2013-cü ilin aprel ayının 16-da ölkə Prezidenti cənab İlham Əliyevin şəhərimizə səfəri olmuşdur.

Dövlət rəhbəri ümummilli lider Heydər Əliyevin abidəsini ziyarət etdikdən sonra, yeni inşa edilmiş Heydər Əliyev Mərkəzinin, “Gənclər evi”nin açılışında iştirak etmiş, “Dostluq” və “Sahil” parklarında aparılan yenidənqurma işləri ilə, Fövqəladə Hallar Nazirliyi xətti ilə yaradılmış Mingəçevir Su Elektirik Stansiyasının və su anbarının təhlükəsizlik sistemi ilə tanış olmuş, məcburi köçkünlər üçün inşa edilən yeni qəsəbədə, yeni salınmış Bayraq Meydanında olmuş və şəhərdə aparılan abadlıq və quruculuq işlərinə çox yüksək qiymət vermişdir. Səfərin nəticəsi olaraq aparılan yenidənqurma işlərinin genişləndirilməsi üçün şəhərə əlavə maliyyə yardımı olunması haqda müvafiq sərəncamlar vermişdir.

Ölkə rəhbəri şəhərimizə səfəri zamanı verdiyi göstəriş və tapşırıqlar Mingəçevir Şəhər İcra Hakimiyyəti və aidiyyəti qurumlar tərəfindən fəaliyyət proqramı kimi qəbul olunaraq il ərzində bu istiqamətlərdə işlər davam etdirilmişdir.

2013-cü ildə yuxarıda qeyd olunan abadlıq və quruculuq işləri ilə yanaşı, şəhərin Heydər Əliyev prospektində avtomobil yolu genişləndirilib, yeni asfalt örtük salınıb, işıqlanma sistemi tam yenilənib, yol kəsişmələrində yeni müasir rəqəmsal işıqforlar quraşdırılıb. Şəhərin əsas mərkəzi yolları olan Təbriz, Naxçıvan, Natəvan küçələri yenidən asfaltlanıb, səki daşları quraşdırıhb, səkilərə asfalt örtük çəkilib. Görülmüş asfalt işləri sahələrində 19,6 min metr səki daşları quraşdırılıb, 250 min kvadratmetr sahəyə yeni asfalt örtük salınıb. Park və xiyabanlarda görülmüş işlərə 6,7 min kvadratmetr dekorativ beton tavalar işlədilib, 2600 dekorativ ağac əkilib, 84 ədəd zibil qabı və 210 ədəd oturacaq quraşdırılıb, 2,5 min kvadratmetr sahəyə yaşıl ot örtüyü salınıb. İl ərzində 28 binanm dam örtüyü əsaslı təmir olunub və bu işlərə 22,3 min kvadratmetr rəngli metal kirəmit işlənib. Yaşayış məhəllələrində 69 binanın şifer və 120 binanın yumşaq dam örtüyündə 10 min kvadratmetr sahədə cari təmir işləri aparılıb, 200 ədəd yeni oturacaq quraşdırılıb, 120 ədəd oturacaq təmir olunub, 4 uşaq meydançası bərpa edilib, 9 binanın fasad hissəsi rənglənib.

Click to enlarge image mingecevir01.JPGClick to open image!Click to enlarge image mingecevir02.JPGClick to open image!Click to enlarge image mingecevir03.JPGClick to open image!Click to enlarge image mingecevir04.JPGClick to open image!Click to enlarge image mingecevir05.JPGClick to open image!Click to enlarge image mingecevir06.JPGClick to open image!Click to enlarge image mingecevir07.JPGClick to open image!

“Azərbaycan Respublikası regionlarının 2009-2013-cü illərdə sosial iqtisadi inkişafı Dövlət Proqramı”nda Mingəçevir şəhərinə aid 11 bəndin hər biri uğurla icra olunmuşdur. Ümumiyyətlə, son 10 ildə Dövlət Proqramlarının icrası nəticəsində Mingəçevir şəhərində bir sıra istehsal, xidmət və emal müəssisələri yenidən tikilmiş və ya fəaliyyətini bərpa etmişdir. Bunlar aşağıdakılardır: yeni tikilən “Kür” Elektron Avadanlıqları istehsalı müəssisəsi və “İnterenerji”Yüksək Gərginlikli Elektrik Beton Dayaqları zavodu fəaliyyətlərini bərpa edən “Azneftemaş”, “Mingəçevir İzolit”, “Akkord maşınqayırma zavodu”ASC-lər əsaslı yenidən qurulmuş “Kür” Olimpiya Tədris-İdman kompleksi, Mingəçevir Dövlət Dram Teatrı, şəhər stadionu, bir sıra bank filialı açılmış, o cümlədən: “Muğanbank”, “Texnikabank”, “Atabank”, “Beynəlxalqbank”, “Accessbank”, “Xalqbank”, “Respublikabank”, “Unibank”, bir sıra iri şadlıq sarayı, supermarket, mehmanxana və xidmət sahələri yeni tikilmişdir. Son 10 ildə qeyd olunan obyektlərin hesabına şəhərimizdə 11623 yeni iş yeri açılmışdır ki, onun da 10829 daimi iş yerləridir. O cümlədən 2013-cü ildə 1010 yeni iş yeri açılmışdır.

Ötən il ərzində istehsal olunmuş sənaye məhsulunun 143,4 milyon manatı və ya 89,9 faizi elektrik enerjisi istehsal edən iki müəssisənin payına düşür. Hesabat dövründə bu müəssisələrdə 8 milyard 370 milyon kilovat/saat elektrik enerjisi istehsal olunmuşdur. Dövlət proqramlarına uyğun olaraq hər iki müəssisədə əsaslı yenidənqurma və modernləşdirmə işləri aparılmışdır. Belə ki, Azərbaycan İstilik Elektrik Stansiyasında mövcud 8 enerji blokunun hər biri əsaslı şəkildə yenidən qurulmuş, digər qurğu və avadanlıqların etibarlı və qənaətli iş rejimləri təmin edilmişdir. Mingəçevir SES silsiləsində əsas stansiyada mövcud 6 hidroaqreqatdan 4-ü modernləşdirilmiş, 1 və 3-cü hidroaqreqatlarda yenidənqurma işləri davam edir. Varvara SES-də hər üç hidroturbində əsaslı təmir işləri davam edir.

Bildiyiniz kimi, son illər fəaliyyətsiz olan bu müəssisələrin bazasında ölkə Prezidenti cənab İlham Əliyevin təşəbbüsü ilə bu il geniş profilli Texnoparkların yaradılması nəzərdə tutulur.

2013-cü il ərzində şəhər təsərrüfatı və kommunal xidmət göstərən müəssisələr şəhərdə aparılmış genişmiqyaslı quruculuq və abadlıq işlərində yaxından iştirak etməklə yanaşı, şəhər əhalisinə, müəssisə və təşkilatlara aidiyyəti xidmətlərin göstərilməsini təmin etmişlər.

İl ərzində şəhər Mənzil Kommunal Təsərrüfatı İB tərəfindən şəhərin sel sularından mühafizə kanalının 13,0 kilometrlik hissəsi həmçinin, Samux küçəsində köməkçi sel su kanalının 750 millimetrlik hissəsi lil və palçıqdan təmizlənərək kanalətrafı ərazi hamarlanmış, H.Əliyev prospektində, N.Nərimanov, M.Maqomayev və 20 Yanvar küçələrində avtomobil yolunun genişləndirilməsi ilə əlaqədar yeraltı sel-su xətlərinin 36 ədəd baxış quyusunun yeri dəyişdirilərək yenidən inşa edilmiş, şəhər çimərliyinə gedən yolda yardımçı sel-su kanalı təmizlənmiş, çimərlik ərazisində, Şəhidlər xiyabanında, Dövlət Bayrağı Meydanında, Samux küçəsində və digər xidməti ərazilərdə təmizlik və abadlıq-təmir işləri aparılmışdır.

Şəhər yaşıllaşdırma və sanitar təmizlik idarəsi tərəfindən hesabat dövründə gündəlik xidməti işlərlə yanaşı, yenidən qurulmuş “Sahil” parkının ərazisinə 356 ədəd dekorativ bəzək ağacları, 854 ədəd bəzək kolu, 4200 ədəd gül-çiçək əkilmiş, 20 min kvadratmetr əraziyə çəmən otu səpilərək yaşıllıq zolağı salınmışdır.

Hesabat dövründə şəhər sukanal İdarəsi tərəfindən şəhər əhalisinə və digər abonentlərə su-kanalizasiya xidməti göstərilməklə yanaşı, şəhərin bir sıra küçələrində müxtəlif diametrli 2160 poqonmetr yaşayış binalarının zirzəmilərində 110 poqonmetr su xətti yenilənmişdir. Yüksək mərtəbəli yaşayış binalarını içməli su ilə təmin edən su nasos stansiyalarında əsaslı və cari təmir aparılaraq zəruri avadanlıqlar yenilənmişdir. İl ərzində şəhərin su şəbəkəsində baş vermiş 4876 qəza aradan qaldırılmışdır. Q.Nəbi küçəsindəki kanalizasiya-Nasos Stansiyasında FQ-800/33 tipli yeni nasos qurğusu quraşdırılmış, şəhərin kanalizasiya şəbəkəsində baş vermiş 5842 qəza aradan qaldırılmışdır.

Şəhər istilik sistemlərinin istismarı sahəsi tərəfindən hesabat dövründə fəaliyyətdə olan qazanxanaların mövsümə hazırlanması nəticəsində Psixonevroloji Xəstəxana, Politexnik İnstitutu, 3 saylı orta məktəb, 1 saylı körpələr evi-uşaq bağçası, 13 saylı körpələr evi-uşaq bağçası, Gəncə şosesi 12 ünvanda yerləşən 16 mənzilli Əlillər üçün yaşayış binası, məcburi köçkünlər üçün şəhərcikdə 9 mərtəbəli 10 yaşayış binası və digər sosial obyektlər, 112-ci məhəllədə 16 yaşayış binasının hələlik 250 mənzili istiliklə təmin olunur.

Hesabat dövründə şəhər icra hakimiyyəti şəhərimizdə məskunlaşan 20273 nəfər üzvü olan 5443 məcburi köçkün soydaşlarımızın mənzil-məişət problemlərini daim diqqət mərkəzində saxlamış və yaranan problemlərin qısa müddətdə həlli istiqamətində müvafiq tədbirlər görmüşdür.

Şəhər rəhbərliyinin müraciəti əsasında “Dövlətqaçqınkom”tərəfindən məcburi köçkünlərin kompakt məskunlaşdıqları 5 tikilinin yumşaq dam örtüyü şifer dam örtüyü ilə əvəz olunaraq əsaslı təmir olunmuş, yaranan işıq, su, kanalizasiya problemləri qısa müddətdə aradan qaldırılmışdır.

Yuxarıda qeyd olunan yeni inşa edilmiş yüksək mərtəbəli binalara orta məktəblərdə və Fin qəsəbəsində məskunlaşmış köçkünlərin köçürülməsi başa çatdırılmışdır. Hazırda şəhər ərazisində yeni qəsəbə tikintisi üçün torpaq sahəsinin ayrılması istiqamətində işlər aparılır.

Ölkə Prezidenti cənab İlham Əliyevin müəyyən etdiyi iqtisadi siyasətin əsas istiqamətlərindən biri də sahibkarlığın inkişafıdır.Bu sahədə mövcud problemlərin həlli üçün hüquqi bazanın yaradılmasına dövlət tərəfindən hərtərəfli dəstək verilir, vahid pəncərə sistemi tətbiq edilir, “2009-2015-ci illər üçün sahibkarlığın inkişafı “Dövlət Proqramı” həyata keçirilir. Hazırda bu sahədə qeydiyyat proseduru sadələşdirilmiş və 2013-cü ilin yekunu üzrə şəhərimizdə 236 hüquqi şəxs və 797 fiziki şəxs qeydiyyatdan keçərək sahibkarlar ordusuna qoşulmuşlar.

Şəhər icra hakimiyyəti 2013-ci il ərzində şəhər həyatının digər sahələri ilə yanaşı, təhsil, səhiyyə, mədəniyyət, gənclər və idman sahələrinin də inkişafına, maddi-texniki bazasının möhkəmləndirilməsinə lazımi diqqət yetirmişdir.

Hesabat dövründə şəhər təhsil şöbəsinin müəssisələrinə 353,6 min manatlıq bərk və yumşaq inventar, habelə avadanlıq alınmış, şöbənin 27 müəssisəsində 21,9 min manatlıq cari təmir işləri görülmüşdür.

Tədris ilində XI sinif məzunlarından 18 nəfər qızıl medala layiq görülmüş, IX sinif şagirdlərindən 9 nəfəri fərqlənmə şəhadətnaməsi almışlar.

XI sinif üzrə attestat alanların 80%-i ali məktəbə qəbul üçün sənəd vermiş, onlardan 408 nəfəri qəbul imtahanlarını müvəffəqiyyətlə verərək Respublikanın və xarici ölkələrin ali təhsil müəssisələrinə qəbul olmuşlar.

Ali məktəblərə qəbul olanların 2 nəfəri 700 bal, 32 nəfəri 600-dan yuxarı bal toplayaraq tələbə adı qazanmış, 3 nəfər Prezident təqaüdünə layiq görülmüşdür.

Məktəblilərin fənn olimpiadasının Respublika turunda 20 №-li məktəbin şagirdi Tamaşa Feyziyeva Ana dili və ədəbiyyatı fənni üzrə III yeri, 10 №-li məktəbin şagirdi Ülkər Əsgərova fizika fənni üzrə IV yeri tutmuşlar.

Ötən dövrdə şəhər mərkəzi xəstəxanasının şöbə və bölmələrində 286 min manatlıq əsaslı, 85,1 min manatlıq cari təmir işləri aparılmış, 247,4 min manatlıq ərzaq, 664,1 min manatlıq dərman preparatları alınmışdır.

Məlumat üçün qeyd edirik ki, Azərbaycan Respublikası Prezidenti cənab İlham Əliyevin 18 aprel 2013-cü il tarixli 2839 saylı Sərəncamına əsasən Mingəçevir Şəhər Mərkəzi Xəstəxanasında əsaslı təmir və yenidənqurma işləri apararaq, onu çoxprofilli tibb müəssisəsinə çevirmək məqsədilə Azərbaycan Respublikası Prezidentinin ehtiyat fondundan ilkin olaraq 3 milyon manat vəsait ayrılmışdır. Məlum sərəncamdan sonra şəhər Mərkəzi Xəstəxanası əsaslı təmirə dayandırılmış və hazırda təmir işləri sürətlə davam etdirilir.

Hesabat dövründə mədəniyyət müəssisələrinin maddi-texniki bazasının möhkəmləndirilməsi, yeni inventarlarla təchizi, binaların təmiri, kitabxana və muzey fondlarının komplektləşdirilməsi üzrə müəyyən işlər görülmüşdür. Şəhər Mədəniyyət və Turizm şöbəsi tərəfindən mədəniyyət müəssisələrinə 18,9 min manatlıq inventar, 11,77 min manat məbləğində avadanlıq alınmış və 15,3 min manatlıq cari təmir işləri aparılmışdır.

Mədəniyyət müəssisələrində tarixi və əlamətdar günlər, milli bayramlar, görkəmli şəxsiyyətlərin yubileyləri ilə əlaqədar təqvim planına uyğun olaraq tədbirlər təşkil olunmuşdur.

2013-cü il ərzində gənclər və idman sahəsində işin təşkili, gənclərin şəhərin ictimai-siyasi, mədəni, sosial-iqtisadi sahələrində yaxından iştirakının təmin edilməsi, gənclərin fiziki sağlamlığına diqqət artırılması, perspektivli idmançıların peşəkarlığının yüksəldilməsi, kütləvi idman tədbirlərinin təşkili, gənclərin yüksək vətənpərvərlik ruhunda tərbiyəsinə yönələn tədbirlər hazırlanıb həyata keçirilmişdir.

İl ərzində gənclərlə iş sahəsində “Azərbaycan Gəncliyi 2011-2015-ci illərdə” Dövlət Proqramının icrası diqqətdə saxlanılmış, “Zərərli vərdişlərin acı fəsadları”, “Reproduktiv sağlamlıq genefondumuzun zənginləşdirilməsidir”, “Sənin səsin-sənin seçimin”, “Heydər Əliyev və Azərbaycan məfkurəsi gənclərin gözü ilə”, “Azərbaycanı Dünyaya tanıdan dahi şəxsiyyət Heydər Əliyev”, “Vətəni qorumaq şərəfli peşədir” mövzularında “dəyirmi masa” inşa yazı, məqalə müsabiqəsi, milli və dövlət bayramları günlərində bədii-əyləncəli gecələr təşkil olunaraq keçirilmişdir.

Heydər Əliyev Mərkəzlərinin işinin təkmilləşdirilməsi ilə əlaqədar hazırlanmış konsepsiyaya əsasən şəhərdə fəaliyyət göstərən Heydər Əliyev Mərkəzinin işi gücləndirilmiş, mərkəzdə fəaliyyət göstərən tədqiqat qrupu və mərkəzin nəzdində yaradılmış “Heydər Əliyev siyasi xəttinin ardıcıllıqları” disskusiya klubunun fəaliyyətləri təkmilləşdirilmiş, əhalinin bütün təbəqələrini cəlb etməklə dövlət bayramları, anım günləri, ulu öndərin doğum günü ilə bağlı sistemli tədbirlər təşkil edilmiş, yetişməkdə olan gənc nəslin vətərpərvərlik, dövlətçilik ruhunda formalaşması istiqamətində görülən bu tədbirlər kültəvi informasiya vasitələri ilə işıqlandırılaraq geniş əhali kütlələrinə çatdırılmışdır.

2013-cü ildə şəhər icra hakimiyyətinə 3533 korrespondensiya daxil olmuşdur. Bunlardan 1741 ədədi rəhbər orqanlardan, şəhərin idarə, müəssisə və təşkilatlardan İHB aparatına daxil olmuş xidməti sənədlərdir. Rəhbər orqanlardan daxil olan xidməti sənədlər 644, şəhərin idarə, müəssisə və təşkilatlarından daxil olmuş xidməti sənədlər isə 1097 olmuşdur. Bunlardan 450-nə arayış yazılmış, 631-nə cavab məktubu göndərilmiş, 37-nə İcra Hakimiyyəti başçısının sərəncamı, 13-i barədə əmr verilmiş, 602-si ilə aparatın məsul işçiləri tanış olunmuş, 8-i isə icraatdadır.

2013-cü il ərzində Mingəçevir şəhər İcra Hakimiyyəti başçısı məhəllələrdə 44 səyyari görüş keçirmişdir. Səyyari görüşlərdə sakinlər 364 müraciət etmişdir.

Nazirlər Kabinetində keçirilən müşavirədə yekun nitqində dövlət başçısı 2013-cü ilə yekun vuraraq qeyd etmişdir ki, 2014-cü ildə qarşıda daha böyük işlər durur. Ölkə Prezidenti 2014-cü ilin “Sənaye ili” elan edilməsi ilə bağlı müasir texnologiyalara və innovasiyalara əsaslanan sənayeləşmə siyasətinin sürətləndirilməsini tapşırmışdır.

Cənab İlham Əliyevin tapşırıq və göstərişlərini əsas götürərək 2014-cü ildə şəhər miqyasında aşağıdakı işlərin icrasına diqqət artırılmalıdır:

-Mingəçevir şəhərində sənaye müəssisələrinin bazasında texnoparkların yaradılması prosesinə köməklik göstərilməsi;

-şəhər ərazisində əsaslı təmir olunan məktəb və bağçaların yüksək keyfiyyətlə başa çatdırılması;

-Mərkəzi şəhər xəstəxanasının əsaslı yenidən qurulmasına nəzarətin gücləndirilməsi;

-Heydər Əliyev meydanının, parkın və ətrafdakı binaların fasadlarının əsaslı təmiri və yenidən qurulması;

-Gəncə şosesinin genişləndirilməsi, səki daşlarının dəyişdirilməsi, yeni asfalt örtüyün salınması, işıqlanma sisteminin əsaslı yenidən qurulması;

-su və kanalizasiya şəbəkəsində başlanmış əsaslı yenidənqurma işlərinin sürətləndirilməsi və işlərin icrasına nəzarətin gücləndirilməsi;

-istilik təchizatı sahəsində başlanmış iş

lərin əhatə dairəsinin genişləndirilməsi;

-şəhərin bütün ərazisində qaz təminatının başa çatdırılması;

-sahibkarlığın inkişafına bütün istiqamətlərdə lazımi köməklik göstərilməsi;

-Kür çayının sağ sahilində yeni inşa olunan istirahət kompleksinin tikintisinin başa çatdırılması, ərazidə abadlıq işlərinin görülməsi, çayın üzərindən çəkilən asma yolun istismara verilməsi;

-köçkün soydaşlarımız üçün tikiləcək yeni qəsəbə üçün torpaq ayrılmasının həlli və tikintiyə lazımi köməkliyin göstərilməsi;

-yaşayış massivlərində aparılan abadlıq və yenidənqurma işlərinin davam etdirilməsi;

-şəhərin daxili küçələrinin asfalt örtüyünün yenilənməsi;

-dam örtüklərinin əsaslı təmiri, yumşaq dam örtüklərinin metal-keramik örtüklərlə əvəz edilməsi işlərinin davam etdirilməsi

-20 Yanvar küçəsinin genişləndirilməsi, işıq sisteminin əsaslı yenidən qurulması, ərazidəki Güllü bağ sahəsini əhalinin istirahəti üçün hazırlanması.

-Fasad hissələri əsaslı təmir olunan və yeni müasir örtük çəkilən 2 doqquz mərtəbə və 2 beş mərtəbə binada işlərin yekunlaşdırılması nəzərdə tutulmuşdur.

Hesabat yığıncağında Prezident Administrasiyasının məsul işçisi Əlibaba Əliyev, millət vəkili Aydın Mirzəzadə iştirak və çıxış etmişlər.

İlham PƏNAHOV,

Respublika.-2014.- 19 fevral.- S.4.