Dinamik inkişaf əhaliyə firavanlıq, kəndlərə abadlıq gətirir

Sosial siması gündən-günə dəyişən, gözəlləşən Tərtər rayonu tarixə çevrilmiş 2013-cü ili yüksək iqtisadi göstəricilərlə yola saldı. Baxmayaraq ki, 40 kilometrlik məsafədə erməni silahlı birləşmələri onun ərazilərini—əkin sahələrini, evləri, inzibati binaları tez-tez atəşə məruz qoyurlar. Nailiyyətlər onun sayəsində mümkün olur ki, əhali rayon rəhbərliyinin düşünülmüş və düzgün müəyyən etdiyi qərarların və tədbirlərin həyata keçirilməsində ona dəstək verir.

Tərtər Rayon İcra Hakimiyyətinin başçısı Ceyhun Cəfərov 2013-cü ildə görülmüş işlərlə bağlı verdiyi hesabatda bildirdi ki, görülən işlərin həcmi artmışdır. Yeni layihələr həyata keçirilmiş, iqtisadi göstəricilər xeyli yaxşılaşmışdır. Rayon iqtisadiyyatı erməni təcavüzkarlarının yaratdıqları süni çətinliklərə baxmayaraq yüksək templə irəliləmişdir.

RİH rəhbəri hesabat yığıncağındakı məruzəsində bildirdi ki, 2013-cü ildə Tərtər rayonunda iqtisadiyyatın bütün sahələrində nailiyyətlər əldə olunmuşdur. Möhtərəm Prezidentimizin bölgələrə olan diqqət və qayğısı rayonumuzun inkişafına xüsusi təsir göstərmişdir. Belə ki, tikinti, abadlıq və quruculuq işləri geniş vüsət almiışdır. Şəhərin Heydər Əliyev prospektində 4500 kvadratmetr Şıxəli Qurbanov küçəsində 1500 kvadratmetr, Rasim Mürsəlov küçəsində 1700 kvadratmetr sahəsi olan istinad divarları aqlay və digər bəzək daşları ilə üzlənmişdir. Adları qeyd olunan prospekt və küçələrdə kommunikasiya xətləri yeniləri ilə əvəz olunmuş, burada 230 ədəd müasir tipli işıq dirəyi quraşdırılmışdır. Dövlət Bayrağı meydanının ərazisi 1,7 hektar genişləndirilmiş, Bərdə-Tərtər istiqamətində əzəmətli giriş qapısı quraşdırılmışdır. Burada böyük fontan tikilmişdir. Sahəsi 180 kvadratmetr olan müasir memarlıq üslubunda panno tikilmiş və mərkəzində ulu öndər Heydər Əliyevin böyük portreti əks etdirilmişdir.

Yerli və respublika əhəmiyyətli yollarda və küçələrdə əsaslı təmir işlərinin aparılması diqqət mərkəzindəı saxlanılmışdır. Azərbaycan Respublikası Prezidentinin 31 iyul 2013-cü il tarixli Sərəncamı ilə 5 min nəfərdən çox əhalinin yaşadığı 4 yaşayış məntəqəsini əhatə edən, uzunluğu 13 kilometr olan Cəmilli-Dəmirçilər kəndlərarası avtomobil yolu yenidən qurulmuş və əsaslı təmir edilmişdir. Yolun girişində hündürlüyü 7 metr olan giriş qapısı tikilir.

Tərtər şəhərində 9 ədəd çoxmərtəbəli kommunal yaşayış evlərinin su və kanalizasiya sistemlərində 106,8 min manatlıq bərpa işləri görülmüşdür.

Hesabat ilində rayonda 109,4 milyon manat dəyərində ümumi məhsul, 5 milyon 155,9 min manat dəyərində sənaye, 44 milyon 795 min manat dəyərində kənd təsərrüfatı məhsulları istehsal edilmiş, əsas kapitala 19 milyon 607 min manat investisiya yönəldilmiş, nəqliyyat sektorunda 463 min ton yük daşınmış, 392 min manatlıq rabitə xidməti göstərilmiş, əhaliyə 108 milyon 128 min manat dəyərində mallar satılmış, 23 milyon 160 min manatlıq pullu xidmətlər göstərilmişdir. 2012-ci ilə nisbətən ümumi məhsul buraxılışının həcmi 0,8 faiz, sənaye məhsulunun həcmi 5,8 faiz, əsas kapitala yönəldilən investisiyalar 13,1 faiz, nəqliyyatda yükdaşımaların həcmi 2,9 faiz, sərnişin daşınması 5,8 faiz, yük dövriyyəsi 3,3 faiz, sərnişin dövriyyəsi 9,6 faiz, pərakəndə ticarət dövriyyəsinin həcmi 1,1 faiz, əhaliyə göstərilən pullu xidmətlərin həcmi 4,2 faiz artmışdır.

Cari ildə 6 milyon 357,3 min manat dəyərində əsas fondlar istifadəyə verilmiş, kapital qoyuluşunun 92,5 faizi tikinti-quraşdırma işlərinə yönəldilmiş, 50074 kvadratmetr yaşayış sahəsi istifadəyə verilmişdir.

Hesabat ilində sahibkarlarla aparılan ardıcıl işin nəticəsidir ki, rayonda kənd təsərrüfatı məhsullarının 97 faizi, sənaye məhsullarının 17,2 faizi pərakəndə-ticarət şəbəkəsində satılmış əmtəələrin və əhaliyə göstərilmiş pullu xidmətlərin 96 faizi özəl sektorun payına düşür. Əhaliyə göstərilən nəqliyyat və pullu xidmət 23 milyon 160,2 min manat təşkil etmişdir.

İl ərzində Bakı şəhərində keçirilən kənd təsərrüfatı məhsullarının satış yarmarkasına bələdiyyələr və sahibkarlar tərəfindən 416 ton meyvə-tərəvəz məhsullarının satışı təmin olunmuşdur.

2014-cü ilin məhsulu üçün 11 min 123 hektar sahədə taxıl, o cümlədən 6191 hektar sahədə buğda səpini aparılmış, 12 min 954 hektar sahədə şum qaldırılmışdır.

2013-cü ildə rayonda 2637,5 ton ət, 14258 ton süd, 7625 min ədəd yumurta, 123 ton yun istehsal olunmuşdur. 2012-ci illə müqayisədə ət istehsalı 2,4 faiz, süd istehsalı 3,1 faiz, yumurta istehsalı 3,6 faiz, yun istehsalı 3,9 faiz artmışdır.

Rayon rəhbəri vurğulamışdır ki, aqrar sahədə hələ də mövcud imkanlardan və ehtiyat mənbələrindən lazımınca istifadə edilmir. Torpaqlardan meliorativ tərkiblərinin yaxşılaşdırılması, suya olan tələbatın ödənilməsinə böyük ehtiyac vardır.

Mal-qaranın cins tərkibi yaxşılaşdırılmadığı və zoobaytar xidmət lazımi səviyyədə aparılmadığına görə heyvandarlıqda daha yüksək göstəricilər əldə edilməmişdir. Göstərilən nöqsanların aradan qaldırılması üçün rayon icra hakimiyyəti başçısının müvafiq şöbələri, yerli icra nümayəndələri, bələdiyyə sədrləri, idarə, müəəssisə rəhbərləri və digər aidiyyəti şəxslər prioritet istiqamətlərdən olan kənd təsərrüfatı məhsulları istehsalını artırmaq üçün konkret tədbirlər həyata keçirməlidirlər.

Hesabat ilində Əhalinin Sosial Müdafiə Mərkəzində 5862 nəfər vətəndaşa xidmət göstərilmişdir. Mərkəzdə 1249 ailənin 5231 nəfər ailə üzvünə ünvanlı sosial yardım təyin edilmiş, 1 milyon 435,7 min manat vəsait ödənilmişdir.

Hesabat ilində rayon əhalisinin elektrik enerjisi ilə təmin edilməsi məqsədilə Tərtər, Dəmirlər, İsmayılbəyli və Sarıcalı yarımstansiyalarında yağ açarları əsaslı təmir olunmuşdur. Əhalidən və digər sahələrdən enerji haqlarının yığımı 100 faiz icra olunmuşdur. Bununla belə, şəbəkə tərəfindən abonentlərə bildirişlər vaxtında paylanılmamış, bir sıra hallarda vəsaitlərin toplanması gecikdirilmişdir.

2013-cü il ərzində rayon əhalisinə təbii qazın verilməsi təmin edilmiş, 7123 əhali, 100 qeyri-əhali abonetlərinə xidmət göstərilmişdir. Rayonun Qaraağaçı, Qaradağlı, Qapanlı, Səhləbad, Əskipara, Düyərli kəndlərində 49 min 862 poqonmetr uzunluğuda küçə xətləri çəkilmiş, 1379 abonent təbii qazla təmin olunmuşdur.

Əhalinin içməli su ilə təmin olunması istiqamətində də xeyli işlər görülmüşdür. Həyata keçirilmiş tədbirlər nəticəsində şəhər əhalisi içməli su iilə fasiləsiz təmin olunmuşdur. Ümumi satışın ödənişi 102,8 faiz yerinə yetirilmişdir. Əhaliyə dəyəri 592,6 min manat olmaqla 11 min 100 kubmetr içməli su satılmış və suyun dəyəri vaxtında yığılmışdır.

2013-cü ildə Seydimli kəndinə içməli su xətti çəkilmiş, küçələrdə 19 bulaq quraşdırılmışdır. Borsunlu kəndində əhalinin içməli su ilə təminatını yaxşılaşdırmaq məqsədi ilə 1 ədəd içməli su üçün subartezian quyusu qazılmış və su xəttinin çəkilişnə başlanılmışdır.

İllərdən bəri fəaliyyətində durğunluq hökm sürən Elektromexanika zavodunda ötən il irəliləyişlər yaranmış, burada 420 min manatlıq istehsal proqnozuna qarşı 742,7 min manatlıq məhsul istehsal edilmişdir.

Hesabat dövründə Mənzil İstehsalat Təmir İstismar sahəsi 1143 mənzildə yaşayan 4308 nəfər şəhər əhalisinə xidmət göstərmişdir. Sahə üzrə 18 min manat kommunal xidməti yığılmışdır. Ə.Paşayev və N.Nərimanov küçəsindəki 4 binanın dam örtüyündə cari təmir işləri aparılmışdır.

Nizami küçəsindəki 4 çoxmərtəbəli yaşayış binasının 4260 kvadratmetr dam örtüyündə əsaslı təmir işləri aparılmış, mansar tipli yeni dam örtükləri keramika-dəmir materialı ilə vurulmuşdur.

Məruzə ətrafında müzakirələrdə Mərkəzi Rayon Xəstəxanasının baş həkimi Yaşar Hüseynov, Suvarma Sistemləri İdarəsinin rəisi Zahid İbrahimov, Telekommunikasiya Qovşağının rəisi Rüfət Qurbanov, Qapanlı kənd tam orta məktəbin direktoru Fitat Əliyeva və başqaları çıxış etdilər.

Hesabat yığıncağında Prezident Administrasiyasının məsul işçisi Rüfət Əliyev iştirak etmişdir.

Respublika.-2014.- 8 mart.- S.6.