“Tour
d’Azerbaidjan-2014”də ilk mərhələnin
liderləri məlum olub
Dünən Azərbaycanda növbəti
iri idman yarışı - UCİ 2.1 kateqoriyalı
“Tour d’Azerbaidjan” beynəlxalq
veloturu start götürmüşdür. İlk belə veloyürüş
iki il
əvvəl yaşı
23-dən çox olmayan
gənc velosipedçilər
arasında keçirilmişdir.
Bir il
sonra qitə komandaları arasında
“Tour d’Azerbaidjan” keçirilmişdir.
Hər iki veloyürüşün
təşkilati səviyyəsi
UCİ tərəfindən yüksək qiymətləndirilmişdir.
Odur ki, “Tour d’Azerbaidjan” veloyürüşünə daha
yüksək 2.1 kateqoriyası
verilmişdir. Bununla əlaqədar
olaraq, budəfəki veloyürüşdə qitə
və milli komandalarla bərabər, qitə miqyaslı komandalar çıxış
edirlər. “Tour d’Azerbaidjan - 2014” yarışlarında
25 komandanın tərkibində
dünyanın 22 ölkəsindən
150 velosipedçi yarışır.
Dövlət Bayrağı Meydanının
dəstəyi ilə buradan start götürüb
Sumqayıtda başa çatan yürüşün
qalibi İtaliyanın
“Androni Giocattoli” klubunun üzvü, hollandiyalı Kenni van
Hummel olub. O, növbəti
mərhələdə liderin
daşıdığı göy
köynəklə çıxış
edəcək. Ən yaxşı
sprinterə verilən
yaşıl köynək
də ona qismət olub.
Ukraynanın “Kolss Cyclind Team” komandasının velosipedçisi
Vitali Buts 2-ci olub. Bu idmançı ən yaxşı dağ velosipedçisi kimi qırmızı köynəyə
də sahib çıxıb.
İspaniyanın “Caja Rural Seguros”
komandasında çıxış
edən italiyalı
David Viqano 3-cü olub.
“Synergy Baku” komandasında ən yaxşı göstəriciyə Maksim
Averin imza atıb - o, finiş xəttəni liderlə eyni vaxtda keçsə
də, 4-cü olub.
Ən yaxşı
gənc velosipedçi
isə Aleks Frey olub. İsveçin “Development Team Giant-Shimano” komandasının
üzvü ağ-bənövşəyi
köynəyə sahib çıxıb.
Sumqayıtın əsas meydanında qaliblərin mükafatlandırılması
mərasimində Azərbaycan
Velosiped İdmanı Federasiyasının vitse-prezidenti,
yarışın təşkilat
komitəsinin sədri
Sahib Ələkbərov və
Sumqayıt Şəhər
İcra Hakimiyyətinin
başçısı Eldar
Əzizov iştirak ediblər.
Sonra “Tour d’Azerbaidjan
- 2014” veloyürüşünün birinci turunun yekunları ilə bağlı mətbuat konfransı keçirilib. Veloyürüşün
1-ci mərhələsinin qalibi
Kenni van Hummel mətbuat
konfransında qələbəsini
belə şərh edib: “Yollarınız çox gözəldir. Fikrimcə, bu gedişlə yarış yalnız inkişaf edə bilər. Startdan əvvəl küləkdən
ehtiyat edirdim. Çünki güclü külək
əsirdi. Lakin 5
km qət edəndən
sonra bir az rahatlaşdım.
Hələlik özümü yarışın
deyil, mərhələnin
qalibi görürəm.
Sabah da eyni
uğuru qazanmağa çalışacam”.
Mətbuat konfransında iştirak
edən “Tour d’Azerbaidjan-2014” veloyürüşünün
fəxri qonağı,
2008-ci il “Tour de France”in
qalibi, ispaniyalı Karlos Sastre isə
idmançılar və
qonaqlar üçün
yaradılan imkanlara görə təşəkkürünü
bildirib.
Azərbaycan Velosiped İdmanı
Federasiyasının vitse-prezidenti,
təşkilat komitəsinin
sədri Sahib Ələkbərov
jurnalistlərin suallarını
cavablandırarkən bunları
deyib: “Bugünkü mərhələnin fərqlənənləri
çox çətin
şəraitdə mübarizə
aparıb qalib oldular. Azərbaycanda 11 iqlim qurşağından
9-u var. Bu gün də
bunlardan birini qonaqlara göstərdik...
İdmançılar səhra və yarımsəhra ilə tanış
oldular. Sabah isə
İsveçrə və
Avstriya iqlimlərini görəcəksiz. Növbəti mərhələlərdə başqa
bir gözəlliyin şahidi olacaqsız.
“Synergy Baku”nun üzvü Maksim Averinin göstəricisi yaxşıdır. Komandamız liderlər
qrupuna düşə
bildi. Düşünürəm ki, növbəti
mərhələlərdə velosipedçilərimiz özlərini
daha yaxşı göstərəcəklər. Sumqayıtda da hər şey
əla idi və buna görə
də şəhər
rəhbərliyinə öz
təşəkkürümü bildirirəm. Gələcəkdə də belə və hətta daha yaxşı olacaq”.
Yarışlara yüksək səviyyədə
hazırlaşdığına görə Sumqayıt rəhbərliyinə minnətdarlığını
bildirən S.Ələkbərov
idmançıları fəal
dəstəkləyən azarkeşləri
xüsusi qeyd edib.
Qeyd edək
ki, veloyürüşün
ikinci mərhələsi
bugün Bakıdan başlayıb İsmayıllıda
bitəcək. Velosipedçilər finiş xəttinə
çatmaq üçün
187 km məsafə qət
edəcəklər.
Ülvi QARAYEV,
Respublika.-2014.-8 may.-S.15.