Şair Oqtay Rza ilə görüş keçirilib

Beynəlxalq Mətbuat Mərkəzində şair, Prezident mükafatçısı, Respublikanın Əməkdar müəllimi Oqtay Rza ilə görüş keçirilib.

“Qafqaz Media” İctimai Birliyinin təşkilatçılığı ilə keçirilən görüşü Hacı Azadə Taleh açaraq, Oqtay müəllimin şərəfli ömür yolundan danışıb.

“Ulduz” jurnalının şöbə müdiri, şairə Fərqanə Mehdiyeva, “Xocalı Soyqırımını Tanıtma” İctimai Birliyinin sədri Şamil Sabiroğlu, “Beynəlxalq Qadın Hüquqlarının Müdafiəsi” İctimai Birliyinin sədri Təranə Namazova, “dyb.az” saytının baş redaktoru Almaz Əhmədova, “Həkəri” qəzetinin baş redaktoru Rauf İlyasoğlu, “Pillələr”qəzetinin baş redaktoru Şöhlət Abbas, “icxeberler.info” saytının baş redaktoru Nuranə Abdullayeva, tanınmış ictimai xadim Hacı Əlikram Amin, şairə Səriyyə Dumanlı və başqaları Oqtay müəllimi ad günü münasibətilə təbrik ediblər.

Oqtay Rza tədbir iştirakçılarına öz təşəkkürünü bildirərək, yeni şeirlərini oxuyub.

Rauf İlyasoğlu

Respublika.- 2017.- 16 dekabr.- S.11.