Biz birlikdə güclüyük

Hamı bir nəfər kimi,

Bu gün qalxsın ayağa!

Gözlərindən intiqam,

Od-alov yağa-yağa!

Hamı bir nəfər kimi,

Köməyini göstərsin!

Şirə, pələngə dönsün!

Sinəsində Babəkin

İntiqamı döyünsün!

Hamı bir nəfər kimi,

Şahin olsun səmada!

Son qoyulsun savaşa,

Nə qan olsun, nə qada!

Hamı bir nəfər kimi

Öz Ana torpağının

Keşiyində dayansın!

Hamı bir nəfər kimi,

Vətəninin başına

Pərvanətək dolansın.

Hamı ildırım kimi,

Güc toplasın özündə,

Bu xalqın kimliyini

Tanıtsın yer üzündə!

Ordumuz qalib kimi,

Qələbə sorağını

Tez gətirsin bu elə!

Əjdər QİYASLI, şair.

Respublika.- 2020.- 9 oktyabr.- S.5.