Məslək vuruşunda,
səngər başında Kişi qeyrətindən doğulan
Vətən
27 sentyabr Azərbaycanda Vətən müharibəsinin başlandığı tarixi gündür. Bu gündə xalqımız Azərbaycan Prezidenti, Ali Baş Komandan, cənab İlham Heydər oğlu Əliyevin rəhbərliyi ilə erməni faşizminin torpaqlarımıza etdiyi basqınların qarşısını almaq və torpaqlarımızı işğaldan azad eləmək naminə ayağa qalxıb. Azərbaycan xalqı ayağa qalxıb. Burada milli, irqi, dini ayrı-seçkilik yoxdur. Hamı Azərbaycan naminə birləşib, hamı Azərbaycan deyir:
Lahıc da, ləzgi də, talış da, tat da,
Kürd,
udin, rutul da var-dövlətimdir!
Azərbaycanımın qucaqladığı,
Bağrına basdığı can sərvətimdir!
Fəxrim,
qol-qanadım, şan-şöhrətimdir!
Artıq
Ali Baş Komandan, cənab İlham Heydər oğlu Əliyev qürurla, inamla, heç kimə baş əymədən Azərbaycan
adından əmr edib: - Silahlan!
Bu günlər Milli
Ordumuz kinlə, topdan, tüfəngdən,
tankdan, raketdən güclü olan qeyrətilə silahlanıb. Alışan nəfəsilə Səttar
xanların, Xiyabanilərin
ruhunu alışdırıb.
Bu günlər Milli Ordumuzun gözləri qoşa lülə, kirpikləri güllə, oxdur!
Bu günlər şanlı
Ordumuz baxışıyla,
qanıyla, vicdanıyla,
Səməndər quşuna
dönən oduyla silahlanıb. Nəğməylə, marşla, nümayişlə
silahlanıb. Humanizm adlanan
ən böyük sərvətilə, bayrağıyla
silahlanıb. Dünyaya məhəbbəti,
eşqilə silahlanıb.
Bu döyüşdə aləm ona pənahdır.
O, qalib gələcəkdir!
Biz zəfər çalacağıq!
Bu günlər yer də, göy
də Azərbaycanımızın,
Milli Ordumuzundur. Qarabağ bizimdir! Qarabağ Azərbaycandır!
Xalqın
iradəsi
Bu günlər bizim azadlığımızın rəmzi,
simvolu Ali Baş Komandanla bərabər, Xalqın iradəsidir! Bu gün qəzəb
seli kimi coşan millət erməni faşizminin-cəmi
xainlərin axırına
çıxacaqdır. Ali Baş Komandanın sonsuz gücü, qüdrəti yalnız xalqın özüdür!
Bu günlər Ali Baş Komandan, məğrur xalqımız,
müzəffər Ordumuzun
işğaldan azad etdiyi şəhər və kəndlərimizi televiziya ekranlarından seyr etdikcə, fərəhdən gözləri
yaşarır.
Bəli,
düşmənlərimiz torpaqlarımızdan
qovulur: Göyçə
mahalında qan gölləri yaradanlar, Ələsgərin, Üzeyirin,
Bülbülün, Natəvanın,Vurğunun yaqut heykəllərini dağıdanlar,
göz çıxaranlar,
baş kəsənlər
indi avtomatla, pulemyotla, tankla, qovulurlar. Bu günlər
Azərbaycanın, Türkiyənin
sınırlarına toxunanlar,
tarixin təkərini daha geri döndərə
bilməzlər. Bu Milli
Ordumuz, Ali Baş Komandanın döyüş
planları, döyüşləri
yalnız ədalətə,
haqqa, azadlığa sığınıb qəsbkarlara,
fitnəkarlara ölüm
deyir! Ümumi səfərbərlik, bütün
yardımlar, könüllülər,
dəstələr cəbhəmiz,
Milli Ordumuz üçündür!
Bu sətirləri yazarkən
İstiqlal şairi Xəlil Rza Ulutürkün bu günlə səsləşən
bir şeirini xatırladım:
Biz Türküstan elləriyiz,
Qeyrət, qüdrət selləriyiz.
Daşnakları qovan bizik,
Dar gözləri ovan
bizik.
Yetər,
meydan suladılar,
Yurdumuzu
taladılar...
Bu günlər müzəffər ordumuz Ali Baş Komandanın rəhbərliyi altında sarsılmaz inamla haqlı, ədalətli müharibə aparır. İndi düşmən bizi hərbçilər dəstəsi ilə hədələməyə qadir deyil. İndi Azərbaycanın Ali Baş Komandanı BMT-ni, AŞBA-nı, siyasiləri, havadarları danışıqlar masasına çəkir. Tələb edir, təkliflər verir. Xarici telekanallara müsahibələr verir. Azərbaycanın həqiqətlərini, haqq işimizi dünyaya bəyan edir.
Şuşa, Xankəndi, Laçın, Kəlbəcər, Ağdərə, Ağdam, Xocavənd, Füzuli, Cəbrayıl- Qarabağın neçə-neçə yurdu-yuvası hələ bundan sonralar nurlanacaq, güllənəcək. Qönçə-qönçə, çiçək-çiçək bəzənəcək. Yenə unudulmaz Ulutürkün misraları qulaqlarımda səslənir.
Qarabağ ürəyimdir, Şuşa gözüm giləsi
Gözlərimə tuşlanıb bu gün düşmən gülləsi.
Bircə
an əl saxlasa min-min Bakı fəhləsi,
Bizə
kəc baxanların kəsiləcək nəfəsi...
Darmadağın ediləcək yağı
düşmən, daşnak
erməni, faşist xunta rejimi, xunta
başçıları, terroristlər!
Erməni faşistlərinin
binalara, evlərə,
həyətlərə, mülki
əhaliyə atdığı
mərmilərdən, güllələrdən,
qradlardan, raketlərdən
qorxumuz yox! Allah ucadır! Allah böyükdür!
Biz qalib gələcəyik.
Qarabağ əzəli, əbədi
Azərbaycan torpağıdır.
Haqq-ədalət bizimdir. Zəfər
bizimdir! Qarabağ bizimdir, Qarabağ Azərbaycandır!
Müqəddəs yurdlarımız, kəndimiz,
şəhərimiz, dağımız-daşımız
dağıdılsa da,
çölümüz, çəmənimiz
al-qana bələnsə
də, tank tırtılları,
pulemyot lülələri
üstümüzə yerisə
də, biz qalib gələcəyik! Əlləri dəyənəkli, avtomatlı,
pulemyotlu min-min işğalçılar
yurdumuzdan qovulacaq.
Biz qalib gələcəyik!
Azadlığımız könül riqqətimizdir. Ali Baş Komandanın hünəri onun siyasi qüdrətidir.
Onun hünəri bu günlər qansoranların mənfur maskasını yırtmaq üçündür!
İndi
Prezident İlham Əliyev göylər boyda azadlığını
heç kəsə güzəştə getmək
fikrində deyil! Bu siyasi nüfuz sahibi Vətən havasına köks verib, sinə gərən Ali Baş Komandanımız dünyada
heç kəsə baş əymir! Dünya diplomatiyasını
danışıqlara, sülhə,
əmin-amanlığa səsləyir!
Dahi Heydər
Əliyev yeni Azərbaycanın simvolu, memarı, qurucusudur. Milli poeziyamızın
canlı, müdrik obrazıdır. Azərbaycanın baş qəhrəmanıdır.
Türkçülüyün dədəsidir!
Azərbaycan - Türkiyə! Atatürklə Dədə Heydər bütün qasırğalara
sinə gərən güc olub, birlik olub. Bu birlik qarşısında indi bütün düşmənlər tük
salır, məğlub
olur!
Dədə Heydər-Atatürk iki sahili birləşdirən
qüdrətdir. Bu günlər
bu inamın möhtəşəm rəmzi
İlham Heydər oğlu Əliyevlə Rəcəb Tayyib Ərdoğandır. Bu birliyə,
qardaşlığa eşq
olsun! Xəzan, zaval görməsin bu qadir birliyimiz!
Amin!
Milli Ordumuz!
Ümummilli lider Heydər Əlirza oğluƏliyev hakimiyyətə gəldiyi
gündən Milli Ordu quruculuğu ilə ardıcıl məşğul olub. Qəhrəman, rəşadətli Ordu yaradıb. Cənab Ali Baş Komandan
İlham Heydər oğlu Əliyev isə Milli Ordu quruculuğunu inamla inkişaf etdirib, onu daha
da möhkəmlədib.
Hazırda dünyada müasir silahlarla təchiz olunmuş müzəffər Milli Ordumuz var! Öz
müqəddəs yurdunu
xilas etməyə qadir Milli Ordumuz!
Erməni işğalçılarını
məhv etməyə qadir Milli Ordumuz!
Qan içində olan Qarabağımızda,
tufan içində olan Şuşamızda nifrəti şahə qalxan Milli Ordumuz
var! Müqəddəs
torpağımızı qorumaq
üçün yaradılan
xilaskar Ordumuz!
Ey müqəddəs analar, ey şəfqətli bacılar! Qurban gedən şəhidlərinizin
yeri-yurdu behiştdir, cənnətdir. Onların
müqəddəs ruhlarının
məkanı göylər
aləmidir! Onlar uca Allahın
dərgahındadır.
Dünya bilir ki, müdrik xalqımız nə qədər istiqanlı, mehribandır. İndi Azərbaycan bu sahildə Odlar Yurdu, o sahildə Türküstandır. İndi onun üzündəki nura xaçpərəst də, buddaçı da heyrandır. Bu gün Azərbaycan ildırımdan sürət, qasırğadan cürət alır. İndi Azərbaycan günəş taclı Şah Xətai, ulu Babək, Cavidandır. Bizə nəfəs, bəşərə can olan Azərbaycan haqq savaşındadır.
Ulu öndər Mustafa Kamal Atatürk demişdir: “Azərbaycanın kədəri bizim kədərimiz, Azərbaycanın sevinci bizim sevincimizdir”. Ümummilli lider Heydər Əlirza oğlu Əliyev isə belə demişdir: “Türkiyə və Azərbaycan bir millət, iki dövlətdir”. X.R. Ulutürk yazıb:
Birləşsə Türkuyğur, Türközbək, Tatar,
Əlim Aya, Marsa, Zöhrəyə çatar.
Haray, ey Qaqauz, Türkkazak,
Balkar,
Ey Başqırd, ey Türkmən, susursan niyə?
Qovuşsun Türküstan, Atatürkiyə!
Uzun illər
həyatımızı dar
bir səngərə yerləşdirmək cəhdində
olmuş erməni faşistləri, terroristləri
özlərini dünyaya
quzu cildində göstərib, əslində
kirli caynaqlarını
mərd-mübariz ürəklərimizə
uzadan vəhşilər
olub. Bəli, illərlə
vaxt olub, gücümüz çatmayanda
bəbəklərimizin qəzəb
gülləsini hədəfə
sıxmışıq... İndi zaman
yetişib, sellər-sular
durulub. İndi bizim azadlığımız
həyatımızın mənası
olub.
Şükürlər olsun uca Allaha! Bu gün düşmən tapdağı altında olan kəndlərimiz, şəhərlərimiz ordumuzun gücü ilə mənfur işğaldan azad olunur. Daha atəşkəs, daha təmas xətti, daha status-kvo yoxdur. Düşmən qarşımızda diz çökdürülür. İşğalda olan torpaqlarımız əsgərlərimizin cəsarəti, qüdrətilə geri alınır. Vətənimizin nəfəsi, köksü genişlənir, Vətənimiz böyüyür. Azərbaycan zəfərə doğru gedir.
Bu günlərin döyüş rəşadəti bizim ruhumuz, əzmimizdir. Bu günlərin döyüş qəhrəmanlığı Milli Ordumuzun qalibiyyət rəhnidir. Ali Baş Komandanın, cənab İlham Əliyevin Azərbaycan adından çağırışlarıdır!
Ali Baş Komandan belə bəyan edib. Biz müharibə istəmirik. Biz ermənilərin torpaqlarımızdan çıxmasını istəyirik. Erməni silahlı qüvvələrinin torpaqlarımızda nə işi var?! Ermənilər tamamilə torpaqlarımızdan çıxsın, danışıqlara oturaq. Biz sülh tərəfdarıyıq. Biz Yeni Azərbaycanın arzularıyla, istəklərilə nəfəs alırıq, onunla yaşayırıq.
Zəfər günü uzaqda deyil. Müzəffər ordumuz qələbəyə gedən yoldadır. Azərbaycanın haqq sorağı qələbəylə bitəcək. Yaşasın Azərbaycan! Qarabağ Azərbaycandır!
Əlizadə ƏSGƏRLİ,
AMEA Nizami Gəncəvi adına
Ədəbiyyat İnstitutunun elmi işlər üzrə
direktor müavini, filologiya elmləri
doktoru, professor.
Respublika.- 2020.- 22 oktyabr.- S.5.