Prezident İlham Əliyev Jerar Depardyeni qəbul edib

Azərbaycan Respublikasının Prezidenti İlham Əliyev dekabrın 13-də məşhur fransız aktyoru Jerar Depardyeni qəbul edib.

Görüşdə J.Depardye ölkəmizə səfərindən məmnunluğunu bildirib. O, xalqımızın ümummilli lideri Heydər Əliyevin məzarını ziyarət etdiyini vurğulayıb.

Dövlətimizin başçısı ulu öndər Heydər Əliyevin müasir Azərbaycanın dövlət quruculuğundakı müstəsna rolunu qeyd edərək ölkəmizin inkişafı üçün çox böyük işlər gördüyünü bildirib. Görüşdə Azərbaycanda kinematoqrafiyanın inkişafı ilə bağlı məsələlər ətrafında fikir mübadiləsi aparılıb.

Səs.- 2010.- 14 dekabr.- S. 3.