Güclü və qüdrətli Azərbaycanın
sabahı gənclərdir
Əsası ulu öndər Heydər Əliyev
tərəfindən qoyulan gənclər siyasəti 2003-cü
ildən sonra daha uğurlu şəkildə davam etdirilibdir
Vətəndaş cəmiyyətlərinin
qurulmasında və demokratik proseslərin formalaşmasında gənclərin
rolu önəmli xarakterə malikdir. Yəni, firavan ölkənin gələcəyi,
xoşbəxt taleyi gənclərin əlindədir.
Bu gün tam əminliklə demək olar ki, Azərbayücan gəncələri öz intellekləri, bilik və bacarıqları ilə, nəinki regionda, ümumiyyətlə,
dünyada tanınan və qəbul olunan gənclikdir.
Bu da gəncərin
ulu öndərimiz Heydər Əliyevin görmək istədiyi intellektli, sağlam və vətənpərvər
gənclərimizin formalaşmasının
nəticəsidir. Məhz
buna görə də, demək olar ki, bu
gün Azərbaycan gəncliyi 2 Fevral Gənclər Gününü
böyük fəallıqla
qeyd edirlər. Söhbət etdiyimiz millət vəkilləri Azərbaycan gənclərinin
ulu öndərimiz Heydər Əliyev ideyalarının layiqincə
yerinə yetirilməsinə
çalışdıqlarını söylədilər.
Millət vəkili Rauf Əliyev : "Gənclərə göstərilən dövlət
qayğısı bir növ ölkənin gələcəyinə göstərilən
diqqət və qayğının göstəricisidir"
- Azərbaycanda gənc
nəslə göstərilən
qayğı və etimadın ilk təzahürü ulu öndər Heydər Əliyevin 1993-cü il iyun ayının 15-də
- Azərbaycan parlamentinin
Sədri seçildiyi
gündən dərhal
sonra gənclərin bir qrupunu qəbul
etməsi idi. Xaos və anarxiya içərisində boğulan,
vətəndaş müharibəsinin
bir addımlığında
olan ölkənin qanunverici orqanına sədr seçilən liderin fəaliyyətinin ilk günlərində gənclər təşkilatlarının
rəhbərlərini qəbul
etməsi, onlarla əhatəli müzakirələr
aparması gənclərimizə göstərilən
etimaddan xəbər verirdi. Azərbaycan gəncliyini daha
mütəşəkkil və
mütərəqqi bir
zümrəyə çevirmək
üçün atılan
ən böyük addım regionun ən perspektivli siyasətçilərindən olan
İlham Əliyevin Azərbaycan Milli Olimpiya Komitəsinin prezidenti (1997-ci il), Yeni Azərbaycan Partiyası Sədrinin müavini (1999-cu il) və Sədrin birinci müavini (2001-ci il) vəzifələrinə seçilməsi
idi. Yəni gənclərimiz bu liderin ətrafında
daha sıx birləşərək, müstəqil
Azərbaycanın qüdrətlənməsi
üçün möhtəşəm
uğurlara imza atdılar. Ölkədə
Gənclər və İdman Nazirliyinin yaradılması (1994-cü ilin
iyulu), Azərbaycan Respublikası Gənclərinin
1 Forumunun keçirilməsi
(1996-cı ilin fevralı), Gənclərin
II Forumu (1999-cu ilin martı), dövlət başçısının "Gənclər siyasəti haqqında" fərman imzalaması (1999-cu ilin iyulu), eləcə də, bu sahəyə
aid çoxsaylı qanunların qəbul edilməsi ulu öndər Heydər Əliyevin gənc nəslə göstərdiyi
qayğının nəticəsi
idi. Elə fevral ayının
2-nin hər il gənclər ünü kimi qeyd edilməsi
də ümummilli liderimizin bu zümrəyə ayırdığı
diqqətin təzahürlərindən
idi. 2003-cü ilin oktyabrından sonra da bu siyasət
davam etdirildi və üstəlik, yeni istiqamətlərlə,
variantlarla daha da genişləndirildi. Ölkə əhalisinin
31 faizini təşkil
edən gənclər
Prezident İlham Əliyevin qayğısını
hər gün, hər an hiss
etdilər. "Gənclər siyasəti haqqında" Azərbaycan
Respublikasının Qanununun
qəbul edilməsi,
2005-ci ildə "Azərbaycan
Gəncliyi Dövlət
Proqramı"nın
təsdiq edilməsi, gənclərin ümumrespublika
forumlarının keçirilməsi,
2007-ci ilin "Gənclər
ili" elan edilməsi, gənclər siyasətinin həyata keçirilməsi üçün 2008-ci ilin
dövlət büdcəsində
3 milyon manata yaxın vəsaitin nəzərdə tutulması
son 5 ildə bu zümrəyə göstərilən qayğının
bəzi məqamlarıdır.
Həmçinin, onu da qeyd edim ki,
dövlətin gənclərin
təhsil sahəsinə
daha çox diqqət və qayğısının nəticəsidir
ki, 2007-2008-ci tədris
ilinin əvvəlində
ölkənin 42 ali məktəbində 130 min
gənc təhsil alıb. Bu rəqəm 2003-cü ilin
göstəriciləri ilə
müqayisədə 7,3 faiz
çoxdur. Prezident İlham Əliyevin xüsusi tövsiyə və tapşırıqları
əsasında xarici ölkələrin ali məktəblərində təhsil
almaq üçün
göndərilən gənclərin
sayı ildən-ilə
artırılır. Son
5 ildə xaricdə oxuyan azərbaycanlı gənclərin sayı 56 faiz artıbdır. Bu zaman bir
məqamı, xüsusilə,
qeyd etmək zərurəti var. Belə ki, dünyanın
müxtəlif ölkələrində
dövlət xətti
ilə təhsil alan tələbələrin
41 faizi Azərbaycanın
regionlarını təmsil
edən gənclərdir.
Xarici ölkələrdə
təhsil almaq üçün göndərilən
gənclərin sayı
2003-cü ildə 885 nəfər
idisə, 2008-ci ildə
bu göstərici 1256
nəfərə çatdırılıbdır.
Dövlət başçısının
imzaladığı xüsusi
proqramın icrası nəticəsində 2013-cü ildə
bu rəqəm hər il üçün
1500 nəfərə çatdırılacaqdır.
Yeri gəlmişkən, layiqli gənc nəslin yetişdirilməsi
üçün 2008- 2013-cü illərdə həyata keçiriləcək tədbirlərin
siyahısı daha böyükdür. Dövlət rəhbərinin icrasını
gənclər və idman, iqtisadi inkişaf və maliyyə nazirliklərinə
tapşırdığı həmin layihələrdən
bəzilərinin adını
çəkməklə görüləcək
işlərin miqyası
barədə təsəvvür
yaratmaq istəyirik.
Azərbaycan Respublikası Dövlət
Statistika Komitəsinin
hazırladığı "Azərbaycan Respublikası
hökumətinin fəaliyyətinin
əsas nəticələri
və prioritet istiqamətləri" adlı
statistik icmalda
2003-cü ildən sonrakı
nəticələr və
2013-cü ilə qədərki
perspektivlər göstərilir.
"Perspektivlər" bölməsində
deyilir:
- Bakı şəhərində
"Gənclər sarayı"nın inşa edilməsi,
- regionlarda "Gənclər
evi" sosial xidmət müəssisələri
şəbəkəsinin yaradılması,
- gənclər üçün
Milli Tədris və Təlim Mərkəzinin yaradılması;
- Gənclər və İdman Nazirliyi nəzdində "Gənclər
siyasətinin inkişafına
dəstək Fondu"nun yaradılması,
- Dövlət "Gənclər
Mükafatı"nın
təsis edilməsi;
- Gənclərin intellektual inkişafına yönəlmiş
layihələrin həyata
keçirilməsi və
sairə.
Ümumilikdə, 20-dən çox
olan layihələrdən
6-sının adını çəkməklə
növbəti 5 ildə
bu istiqamətdə görüləcək işlərin
miqyası barədə
təsəvvür yaratmaq
olar. Beləliklə, təməli ulu öndər Heydər Əliyev tərəfindən
qoyulan gənc nəslə dövlət qayğısı göstərilməsi
sahəsində həyata
keçirilən siyasət
2003-cü ildən sonra
daha uğurlu şəkildə davam etdirilmişdir. Gələcəkdə
isə bu siyasətin xalqımıza
və dövlətimizə
verdiyi sərmayənin
indikindən qat-qat artıq olacağı gözlənilir.
Millət vəkili Tahir Süleymanov: "Ümummilli liderimizin əsasını qoyduğu
gənclər siyasəti
bu gün Prezident İlham Əliyev tərəfindən
uğurla davam etdirlir"
- Hər il 2 Fevral Gənclər
Günü kimi qeyd olunur. 14 il əvvəl ümummilli liderimiz Heydər Əliyevin imzaladığı sərəncama
əsasən, fevral ayının 2-si, Azərbaycanda
gənclər günü
kimi təqvimə salınıb. Müstəqil
Azərbaycanın gəncləri
ilk dəfə
1996-cı il fevralın
2-də, ulu öndərimiz
Heydər Əliyevin təşəbbüsü ilə
keçirilən I Forumda
bir araya gəldilər. Gənc nəslin problemləri
köklü şəkildə
birinci dəfə elə burada müzakirəyə çıxarıldı.
O vaxtdan artıq 14 il keçir. Ümummilli liderimizin əsasını
qoyduğu gənclər
siyasəti bu gün Prezident İlham Əliyev tərəfindən uğurla
davam etdirilərək,
keyfiyyətcə yeni bir mərhələyə qədəm
qoyub. Dövlət başçısı gəncləri aparıcı
qüvvəyə çevirmək
və onların sosial-iqtisadi problemlərinin
həllini təmin etmək məqsədi ilə təsdiq etdiyi və 2005-2009-cu illəri əhatə edən "Azərbaycan gəncliyi" dövlət
proqramı bunun bariz nümunəsidir.
Həmin qanun ölkədə gənclər
siyasətinin məqsədləri,
istiqamətləri, təşkilati-hüquqi
əsaslarını müəyyən
edir. Digər tərəfdən dövlət quruculuğunda
gənclərin iştirakına
şərait yaradılması,
gənc ailələrə
kömək göstərilməsi,
qaçqın və məcburi köçkün
ailələrindən olan
yeniyetmə və gənclərin hüquqlarının
qorunması, sosial problemlərinin həlli, ordu quruculuğu, hərbi vətənpərvərlik
tərbiyəsi də
gənclər siyasətinin
əsasını təşkil
edir. 2007-ci ilin gənclər ili elan olunması, gənclərlə bağlı
Dövlət Proqramının
qəbul edilməsi və digər məsələlər dövlətin
gənclərə
xüsusi diqqət və qayğısının
göstəricisidir. Təbii
ki, bu qayğı
bundan sonra da davam etdiriləcək.
2013-cü ilədək Bakıda
"Gənclər sarayı",
bütün bölgələrdə
isə "Gənclər
evi"nin inşa edilməsi nəzərdə tutulur. Bu gün tam
qətiyyətlə, demək
olar ki, Azərbaycan gənclərinin
son beş ildə əldə etdiyi nailiyyətlər region ölkələrindəki
gənclərin uğurlarına
nisbətən qat-qat böyükdür. Azərbaycan
dövlətinin gənc
nəslə göstərdiyi
qayğı və diqqət bizimlə eyni vaxtda dövlət
müstəqilliyi əldə
etmiş ölkələrin
gəncləri üçün
tamamilə əlçatmazdır.
Dövlət öz gənclərinin
elmi, intellektual və fiziki potensialını daha da inkişaf etdirmək üçün
çoxsaylı proqram
və layihələr
həyata keçirir,
gənclərimiz isə
bu qayğı və diqqətin cavabı olaraq, bütün sahələrdə
Azərbaycana üzağlığı
gətirir.
RƏFİQƏ KAMALQIZI
Səs.- 2010.- 3 fevral.- S. 3.