Ulu öndər Heydər Əliyev
tarixi şəxsiyyətdir
Naxçıvan Muxtar
Respublikası tarixinin böyük bir hissəsi ulu öndərin
adı ilə bağlıdır
Bu gün Azərbaycan
son əsr tarixinin 40 illik bir dövrünü qeyd edir. Bu,
sözün əsil mənasında, tarixə dönüş
hamımızın taleyindən keçmiş illərdir.
Bu gün biz Azərbaycan tarixinin unikal bir
dövrünü qeyd edirik. Bu dövrü
unikal edən, şübhəsiz ki, şəxsiyyətdir.
Heydər Əliyev şəxsiyyəti 1969-cu
ilin 14 iyulundan o, Azərbaycan Kommunist Partiyası Mərkəzi
Komitəsinə I katib seçildi. Elə
o dövrdən insanlar, xeyirxahlığına, şərəfli
əməyinə görə xalq arasında böyük
hörmət və məhəbbət qazanırlar. Həyatı boyu elə dərin iz buraxırlar ki,
dünyasını dəyişəndən sonra da ürəklərdən
silinmirlər. Belə şəxsiyyətlərdən
ümummilli liderimiz, ulu öndər Heydər Əlirza oğlu
Əliyevdir. Heydər Əliyev əvəzolunmaz
Prezident idi. Onun kimi müdrik insanlar, mənə
belə gəlir ki, həyata 100 ildən bir gəlir. Azərbaycan
Respublikasına hakimiyyətə gəldiyi ilk gündən 40 il keçir. 30 illik fasiləsiz
liderlik edən Heydər Əliyev artıq dünya
xalqlarına da məlum idi. Prezident kimi
dünyasını dəyişməsi Afrikadan-Amerikaya qədər
dünyanın hər bir tərəfində onu tanıyan
xalqlar Azərbaycan xalqı kimi mərhum Prezidentimiz Heydər Əliyevi
ürəklərində heykəlləşdirdilər. Azərbaycan və onun tərkib hissəsi olan
Naxçıvanın tarixinin, mədəniyyətinin,
ictimai-siyasi fikirlərinin tərəqqisində bir çox nəsillərin
əvəzsiz rolu olmuşdur. Belə nəsillərdən
biri də Şərur rayonunun Şaxtaxtı kəndində
dünyaya göz açanlardan Şaxtaxtınskilər, Kəngərlilər,
Rasizadələr, Mahmudovlarla yanaşı, Seyidovlar və bir
neçə tayfaların törəmələri olmuşlar.
Qədim Şaxtaxtı kəndində
dünyaya göz açmış şəxslərdən 50
nəfərdən çox elmlər doktoru, akademiklər,
professorlarla yanaşı, elmlər namizədləri, 5 nəfər
sosialist əməyi qəhrəmanları, 2 nəfər
general, 12 nəfər polkovniklər, xalq şairi, xalq
yazıçısı, mədəniyyət və incəsənət
xadimləri və bir çox peşə adamları ilə 200
ildən çoxdur ki, dünyanı heyrətdə
qoymuşlar. Onlardan akademik Məmmədağa
Şaxtaxtınski, akademik Zərifə Əliyeva, akademik Əhməd
Mahmudov, diplomat Behbud bəy Şaxtaxtınski, romantik şair
Hüseyn Cavid, xalq yazıçısı Hüseyn
İbrahimov və bir çox başqalarını misal
göstərmək olar. Bu gün ümummilli liderimiz Heydər
Əliyevin siyasi kursunu uğurla davam etdirən Azərbaycan
Respublikasının Prezidenti İlham Heydər oğlu Əliyevin
ardıcıl, məqsədyönlü siyasəti nəticəsində
müstəqil Azərbaycan Respublikası dünya dövlətləri
arasında öz layiqli yerini tutur, dayanmadan inkişaf edir və
getdikcə möhkəmlənir. Özümdə
qürur hissi duyuram ki, İlham Heydər oğlu Əliyevin
birinci və ikinci dəfə Prezident seçilməsi
münasibətilə təbrik edənlərdən olmuşam.
Onu da qeyd etməliyəm ki, digər ölkə vətəndaşları
kimi, Şaxtaxtı kəndinin nümayəndələrindən-generallardan
Eldar Mahmudov və Mirqafar Seyidov və bir neçələri də
məsul vəzifələrdə Azərbaycan naminə, vətən
naminə ləyaqətlə fəaliyyət göstərməklə
İlham Heydər oğlu Əliyevin rəhbərliyi
altında öz bilik və bacarıqlarını əsirgəmirlər.
Şaxtaxtı kəndində 3000-dən
artıq əhalisi və 800-ə yaxın ailəni birləşdirən
bir kəndin ağsaqqalı və Şaxtaxtı kənd
Müharibə Veteranlar Şurasının sədri kimi mənim
də mənəvi haqqım var ki, sadə bir insan kimi
ümummilli liderimiz haqqında söz açım. Böyük Vətən müharibəsindən sonra
Naxçıvan Kənd Təsərrüfat Texnikumuna daxil
oldum. Ərazisinə və tələbələrin
sayına görə, bu texnikum başqa təhsil müəssisələrindən
xeyli fərqlənirdi. 400 nəfərə
yaxın tələbəsi olan bu texnikum Kənd Təsərrüfatı,
Səhiyyə, Maarif-Mədəniyyət, Dövlət Təhlükəsizlik
Komitəsindən və polis orqanlarından texnikuma
vaxtaşırı nümayəndələr gəlir və tələbələr
qarşısında məruzə ilə çıxış
edirdilər. O zaman Dövlət Təhlükəsizlik
Komitəsinin gənc əməkdaşı, zabit formasında
çıxış edən Heydər Əliyevin
danışığı, forması başqa tələbələr
kimi mənim də marağıma səbəb olmuşdur. Bir neçə ay keçəndən sonra Heydər
Əliyev məruzə ilə təkrar çıxış
edəndə, tələbələr kimi mənə də
tanış olan gənc zabitin çıxışına diqqətlə
qulaq asdıq. Heydər Əliyev qeyd edirdi
ki, "5 illik" müharibə kənd təsərrüfatına
böyük zərər vurmuşdur. Siz tələbələr
biliklərə yiyələnin, əkinçilik və
heyvandarlıqla məşğul olun, bol taxıl məhsulu
yetişdirməklə insanların çörəyə olan
tələbatının daha da
yaxşılaşdırlması üçün sizin üzərinizə
böyük məsuliyyət düşür, əlaçı
tələbələr və idmançılar həvəsi
olarsa Dövlət Təhlükəsizlik şöbəsinə
işə daxil ola bilərlər. Çünki burada ali təhsilli, çalışqan kadrlara
ehtiyac var. Sonralar mən Dövlət Təhlükəsizlik
İdarəsinin əməkdaşı olmaq məqsədilə
çox çalışdım, lakin alınmadı. Qazandığım o oldu ki, Heydər Əliyevin
özünü tanımasam da, şəxsiyyətini öyrənə
bildim. Heydər Əliyevi tanıya -
tanıya 1969-cu ilə gəlib çatdım. 1969-cu il 14 iyul tarixində Heydər Əliyevin Azərbaycan
Kommunist Partiyasının Mərkəzi Komitəsinə I katib
seçilərkən sevincimin həddi-hüdudu yox idi. Elə həmin gün Naxçıvandan onu təbrik
edənlərin sırasına qoşulub mən də ona təbrik
teleqramı göndərdim. Sonralar Heydər
Əliyevin yubileyinin 70 illiyi, 15 iyun 1993-cü ildə hakimiyyətə
qayıdışı, 11 oktyabr 1998-ci ildə ikinci dəfə
Prezident seçilməsi münasibətilə onu təbrik
etdim. 1993-cü ildən oxucusu olduğum
"Yeni Azərbaycan" qəzetində liderin 30 illiyi
münasibətilə "təbrik məktubu" dərc
etdirdim. Ümummilli liderimiz Heydər Əliyevin
ürəyimdə məhəbbəti
aşıb-daşdıqca öz-özümə çox tələbkarlıqla
yanaşdım. Bir də ona görə ki, kənd
ağsaqqalı kimi şaxtaxtılılar qarşısında
olan borcumu, eyni zamanda, Heydərsevərləri də sevindirmək
məqsədilə "Şərurun səsi" qəzetində
10 may 2003-cü ildə 80 illik yubileyi münasibətilə
çıxış etdim. Elə bu
çıxışdan sonra Şərur rayon kənd əhalisi
və eyni zamanda, Şaxtaxtı camaatı arasında öz
müqəddəs borcumu yerinə yetirdim. Müstəqillik
yolunda ilk kövrək addımlarını atan ölkəmizdə
hakimiyyətin səriştəsiz, təsadüfi adamların əlinə
keçməsi və 1993-cü ilə qədər bu səbəbdən
Azərbaycanda anarxiyanın, özbaşınalığın,
mənəm-mənəmliyin baş alıb getməsi, təbii
ki, xalqın onsuz da ağır olan vəziyyətini daha da
ağırlaşdırmışdır. Əhali
kütləvi yoxsulluğa doğru gedirdi və bunun ilk
ağır zərbələri, məhz cəmiyyətin aztəminatlı
təbəqələrinə dəyirdi. Belə
bir vaxtda, nəinki dövlətin hansısa sosial siyasətindən
danışmağa dəyməzdi, əksinə, bu müstəqil
dövlətin özünü belə sabahı qaranlıq
görünür, qardaş qanı axıdılmış məmləkətin
parçalanmaq təhlükəsi onu qarabaqara izləyirdi.
Azərbaycanın belə bir ağır
vaxtında xalq yeganə çıxış yolunu o vaxtlar
Naxçıvan Muxtar Respublikasında çalışan
xalqın böyük oğlu, müdrik şəxsiyyət,
möhtərəm Heydər Əlirza oğlu Əliyevə
üz tutmaqda gördü. Xalq təkidlə
onu Bakıya dəvət etdi, ölkənin taleyini Ona
tapşırdı. Heydər Əliyevin Azərbaycana
yenidən rəhbərliyə qayıtması ölkəmizin
yolunu yenidən işıqlı sabahlara doğru yönəltdi.
Məhz bu qayıdışdan sonra, Azərbaycanın
həyatının bütün sahələrində olduğu
kimi, müstəqil dövlətin sosial siyasət kursunda da
dirçəliş və canlanma özünü göstərməyə
başladı. Xalqın maddi və mənəvi
təbəqələrinin güzəranına
çevrilmiş bu məsələ daim ölkə
başçısının diqqət mərkəzində
olmuşdur. Prezidentimiz tərəfindən
aztəminatlıların rifahının
yaxşılaşdırılmasına istiqamətləndirilmiş
40-dan çox fərman və sərəncam
imzalanmışdır ki, "Vətəndaşların
pensiya təminatları haqqında" qanunun qəbulu da bu qəbildəndir.
Şəhid ailələrinin, əlillərin, Qarabağ
müharibəsi iştirakçılarının, Əfqanıstan
və Böyük Vətən müharibəsi
iştirakçılarının, həmçinin, arxa cəbhə
əmək veteranlarının, Çernobıl iştirakçılarının
qayğı və problemləri möhtərəm Prezidentimiz
Heydər Əliyev tərəfindən qoyulmuş bir çox
dövlət əhəmiyyətli qərarları onun varisi
möhtərəm Prezidentimiz İlham Əliyev tərəfindən
həyata keçirilir. Xalqına təmənnasız xidmət
etmək haqqında Heydər Əliyev demişdir: "Mən
bütün bunları xalqım üçün etmişəm".
Bütün qurub yaratdıqlarım Azərbaycan
üçündür. Vaxt ötəcək, 100 il tamam olacaq böyük öndərimiz ürəklərdən
silinməyəcək. 1982-ci ildə Heydər Əliyev
o zaman SSSR Nazirlər Soveti sədrinin 1-ci müavini təyin
edilməsi onun Kommunist Partiyası Siyasi Bürosunun
üzvü kimi Azərbaycan xalqının sevincinə səbəb
olmuşdur. Elə o zaman müttəfiq
respublikaların əhalisi arasında, əslində, Heydər
Əliyevin şəxsiyyətinə verilən qiymət idi.
Elə bu vəzifədə müstəqil Azərbaycanın
gələcəyi və onun yenidən qurulması yolunda
arzularına 1993-cü ildə ulu öndər öz əli ilə
qurulmasına nail oldu. Bir faktla əsaslandırmalıyam
ki, 1993-cü ildən Heydər Əliyevin yaratdığı
partiyanın üzvü kimi, deyə bilərəm ki, bu
gün Yeni Azərbaycan Partiyasının yarım milyon
üzvü böyük öndərimiz Heydər Əliyevin
ideyalarını həyata keçirir. 40 il
tamam olur ki, ümummilli liderimiz Heydər Əliyevi təbliğ
edirəm. Naxçıvan Muxtar Respublikası Müharibə
Veteranlarının bir hissəsi olan Şaxtaxtı kəndi
Müharibə Veteranları böyük öndərimiz
2003-cü il 13 dekabr tarixində
dünyasını dəyişməsi xəbərini eşidəndə,
böyük sarsıntı keçirdilər. Kənd
əhalisi veteranlarla birlikdə kənddə tikilmiş yeni məsciddə
yas mərasimi keçirdilər. Ulu öndər
Heydər Əliyevin böyük portreti qarşısında
onun ruhuna dualar oxudular. Üzümü
bütün Şaxtaxtı kəndinin ziyalı insanlarına
tutub deyirəm ki, ulu öndərimiz Heydər Əliyevsevərlər
cərgəsinin ön sırasında getsinlər. Azərbaycan
Respublikası rayon və kəndlərində ahıl,
yaşlı nəsillərin nümayəndələri arasında
nadir insanlar tapılar ki, ulu öndər Heydər Əliyevin
60 il bundan əvvəl tanıyıb və 40 il rəhbərlik
etdiyi dövrü təbliğ etməklə onun yubileylərini,
hakimiyyətə gəlməsini 1969-cu ilin iyul ayının
14-dən 1999-cu ilin iyul ayına qədər 30 illik liderlik
dövrünü mətbuatda işıqlandırıb, onu dərc
etdirsin. Belə bir xoşbəxtlik mənə nəsib
olmuşdur. Belə ki, "Yeni Azərbaycan" qəzetində
14 iyul 1999-cu il tarixli nömrəsində
liderin 30 illik rəhbərliyi və 10 may 2003-cü ildə isə
"Şərurun səsi" qəzetində təbrik məktublarım
dərc olunmuşdur. Bütün bunlar, əlimdə
əsas tutaraq, qədim Şaxtaxtı kəndinin və
ümumilikdə, Azərbaycanın gənc Heydərsevər
ziyalılarına məsləhətim budur ki, Prezident kimi
dünyasını dəyişən Heydər Əliyev irsini
öyrənsinlər. Hələ ki,
dünyasını dəyişməyən yaşlı nəsildən
istifadə edib böyük əsərlər yaratsınlar.
Heydər Əliyev özü bir əsərdir.
Ulu öndər elə bir şəxsiyyətdir
ki, o, xalqa təmənnasız xidmət göstərmişdir.
100 illər ötsə də, bu dahi şəxsiyyət
yaşayacaq.
Eşq olsun Heydər Əliyev
irsini öyrənib, onu davam etdirənlərə!
Adil Zeynalov
Səs.-2010.-10 fevral.-S.6.