Qusar rayon Mərkəzi Kitabxanasının veb-saytının təqdimatı keçirilib

 

Mədəniyyət Turizm Nazirliyindən verilən məlumata istinadən, Qusar rayon Mərkəzi Kitabxanasının veb-saytının (www.qusar-mks.az) təqdimat mərasimi keçirilib. Veb-saytda Qusar rayon Mərkəzləşdirilmiş Kitabxana Sistemi haqqında ətraflı məlumat verilib. Azərbaycan Respublikasının Prezidenti İlham Əliyevin Qusar rayonuna səfəri ilə bağlı fotoşəkillər oxucuların böyük marağına səbəb olub.

"Ən çox oxunan kitablar" linkində oxucuların daha çox maraq göstərdiyi kitabların siyahısı saytın qonaqlarına təqdim edilir.

Qusar rayonunun kitabxanalarında saxlanılan nadir qədim kitablar haqqında məlumat "Kitab abidələrimiz" başlığı altında öz əksini tapıb. Rayonun Tarix-Diyarşünaslıq Muzeyində nümayiş etdirilən XVIII-XIX əsrlərə aid olan qədim məişət, bəzək s. maraqlı eksponatlar haqqında annotasiyalı məlumat hazırlanıb. M.Y.Lermontovun 1837-ci ildə Qusarda olarkən istifadə etdiyi eksponatlar haqqında da məlumat verilib.

Saytın "Folklorumuz" linkində bu qədim diyarın folklorunu əks etdirən maraqlı fotoşəkillər nümayiş etdirilir. Şəhid olmuş qəhrəmanlıq zirvəsinə ucalan qusarlılara "Qəhrəmanlarımız" "Şəhidlərimiz" linkləri həsr edilib. Kitabxananın əməkdaşları rayonun abidələri, turizm gözəllikləri haqqında maraqlı məlumatlar toplamış saytda yerləşdirmişlər.

Yaxın vaxtlarda kitabxananın yeni yaradılan veb-saytına bir çox maraqlı materiallar daxil ediləcək.

 

 

Zümrüd

 

Səs.- 2010.- 29 iyul.- S. 12.