Gürcüstan Mədəniyyəti Günləri davam edir    

 

Səttar Bəhlulzadə adına Mərkəzi Sərgi salonunda, Gürcüstan Mədəniyyət Günləri çərçivəsində, Gürcüstanın tanınmış rəssamı Rusudan Petriaşvilinin sərgisi açıq elan olundu. Açılış mərasimində Azərbaycanda səfərdə olan Gürcüstanın mədəniyyət abidələrin mühafizəsi idman nazirinin müavini Marine Çoqoşvili Azərbaycan Respublikası mədəniyyət turizm nazirinin müavini Ədalət Vəliyev çıxış edib, proqram haqqında söz açdılar.

Ədalət Vəliyev Gürcüstanın mədəniyyət, abidələrin mühafizəsi idman nazirinin müavini Marine Coqaşvilinin başçılığı ilə bu ölkənin mədəniyyət xadimlərindən ibarət nümayəndə heyətini salamladı.

O, Azərbaycan ilə Gürcüstan arasında mədəni əlaqələrin səviyyəsini yüksək qiymətləndirərək, vurğuladı ki, tədbir ölkələrimizin mədəni əlaqələrini genişləndirmək məqsədi daşıyır.

Gürcüstan nümayəndə heyətinin başçısı Marine Coqaşvili səmimi qəbula görə minnətdarlığını bildirərək, mədəniyyət günləri çərçivəsində tanınmış rəssam Rusudan Petriaşvilinin əsərlərinin sərgisinin açılışından başqa, Bakı Caz Mərkəzində gürcü caz kollektivinin, habelə, rəqs folklor ansambllarının çıxışları nəzərdə tutulduğunu bildirdi.

Şota Rustaveli adına Gürcüstan Dövlət Akademik Teatrının kollektivi Azərbaycan Dövlət Gənc Tamaşaçılar Teatrının səhnəsində öz tamaşasını təqdim edəcəkdir.

Eyni zamanda, Azərbaycan Dövlət Opera Balet Teatrında Gürcüstan Rəqs Ansamblının konserti olacaq.

Bakılılara təqdim olunmuş ekspozisiyanın müəllifi Rusudan Petriaşvili təkcə öz vətənində deyil, həm onun hüdudlarından kənarda yaxşı tanınır. Onun adı Kembric Bioqrafiyalar Mərkəzinin 2000-ci ildə nəşr etdirdiyi dünyanın ən tanınmış adamları siyahısına daxildir.

Daha sonra söz rəssam Rusudan Petriaşviliyə verildi:

"Bu mənim Azərbaycanda ilk sərgimdir. Bir neçə gün bundan öncə mənim Parisdə yaradıcılıq sərgim keçirildi. Bu yaradıcılıq nümunələri isə bu zamana kimi heç bir yerdə sərgilənməyib. Təqdim etdiyim əsərlərin ilk tamaşaçısı isə çox sevdiyim Azərbaycan sənətsevərləridir".

Gürcü rəssamının bu zamana kimi Vyana, Budapeşt, Madrid, London, Moskva, ABŞ İsveçrədə sərgiləri təşkil olunub.

 

 

Zümrüd

 

Səs.- 2010.- 24 iyun.- S. 12.