Yeni Azərbaycan Partiyası regionun ən güclü siyasi qüvvəsidir
Gəncə şəhərində Yeni Azərbaycan Partiyasının rayon və
şəhər təşkilatlarının
ümumrespublika müşavirəsi
keçirilib
Ölkəmizin aparıcı siyasi qüvvəsi olan Yeni Azərbaycan Partiyası bu gün, nəinki regionda, eləcə də, beynəlxalq arenada özünün böyük nüfuzu ilə tanınan bir siyasi təşkilatdır. Ümummilli lider
Heydər Əliyevin müəllifi olduğu Yeni Azərbaycan Partiyası qarşısına
qoyulan vəzifələri
yerinə yetirir.
Ulu öndərimiz Heydər Əliyev tərəfindən
qurulan müstəqil Azərbaycan dövlətinin
bütün sahələrində
YAP-ın ideologiyası
özünü göstərməkdədir. Çünki
böyük ideyalarla zəngin olan YAP Azərbaycan dövlətçiliyinin
və xalqının rifahı, xoşbəxt gələcəyi naminə
çalışan və
konkret konsepsiyaya malik siyasi təşkilatdır.
Ulu öndər Heydər Əliyevin qurucusu olan
YAP Gəncə şəhər
təşkilatının yeni
inzibati binasının
açılışı olub
Gəncədə Yeni Azərbaycan Partiyasının (YAP) rayon və şəhər təşkilatlarının iştirak etdiyi ümumrespublika müşavirəsi öz işini yekunlaşdırıb. Müşavirənin sonuncu günü ilk olaraq YAP-ın şəhər və rayon təşkilatının sədrləri, ictimaiyyət və KİV nümayəndələri, Yeni Azərbaycan Partiyasının Gəncə şəhər təşkilatının təmirdən çıxan yeni binasında yaradılan şəraitlə tanış olublar.
YAP Gəncə şəhər
təşkilatının sədri
İsrafil İsmayılov
siyasi həmfikirlərə
binanın tarixi haqqında məlumat verib. Eyni zamanda,
təşkilatın yeni
binasında yaradılan
şərait və digər zəruri avadanlıqlar barəsində
də məlumat verilib və təşkilatın yeni binasındakı
sərgidə YAP-ın
keçdiyi yollu əhatə edən eksponatlar qonaqlara nümayiş olunub. Sərgidə YAP-ın müxtəlif illərdə
keçirdiyi görüşlərin
hesabatları, həmçinin,
ulu öndər Heydər Əliyevin həyat və fəaliyyətini
əks etdirən
fotoşəkillər də
qonaqlarda böyük maraq doğurub. YAP Gəncə şəhər
təşkilatının binasındakı
sərgidə möhtərəm
Prezident cənab İlham Əliyevin Gəncəyə səfərlərini
əks etdirən fotolar da nümayiş
olunub.
YAP Gəncə
şəhər təşkilatında
seminar keçirilib
Əsaslı təmirdən sonra istifadəyə verilən YAP Gəncə şəhər təşkilatının inzibati binasındakı şəraitlə tanış olan YAP nümayəndələri burada yaradılmış şəraitdən razılıqlarını ifadə ediblər və sonda xatirə şəkili çəkdiriblər. Eyni zamanda, Gəncədə keçirilən görüşlərin sonuncu günü isə iştirakçılar üçün seminar da keçirilib. Seminarda Yeni Azərbaycan Partiyası Gəncə şəhər təşkilatının iş təcrübəsinin təşkili və partiyanın qarşıdan gələn seçkilərə daxili hazırlıq işləri müzakirə olunub. YAP-ın Sədr müavini və İcra katibi Əli Əhmədov seminarda giriş sözü ilə çıxış edərək, Gəncədə təşkil olunan görüşlərin əhəmiyyətinə toxunub. İcra katibi bildirib ki, müşavirə partiyanın rayon təşkilatlarının işinin qurulmasında, YAP-ın proqramının həyata keçirilməsində və seçkilərə hazırlıq baxımından önəmli əhəmiyyət kəsb edir. Ə.Əhmədov onu da əlavə edib ki, xüsusi olaraq seçki öncəsi təcrübə mübadilələrinin aparılması, seminarların keçirilməsi mühüm əhəmiyyət daşıyır. "Gəncədə keçirilən müşavirəni YAP-ın qarşıdakı istiqamətlərinin müəyyənləşdirilməsi baxımından əhəmiyyətini yüksək qiymətləndirirəm. İnanıram ki, bu görüşdən sonra YAP-ın hər bir üzvü öz işini daha da gücləndirəcək" deyən Ə.Əhmədov qarşıdan gələn parlament seçkilərində YAP-ın namizədlərinin uğur qazanacaqlarına da əminliyini ifadə edib.
Qeyd edək ki, Yeni Azərbaycan Partiyasının Gəncə şəhəridə iki gün davam edən ümumrespublika müşavirəsində partiyanın strukturundakı yeniliklər barədə də məlumat verilib. Onu da əlavə edək ki, keçirilən müşavirədə YAP-ın 74 şəhər və rayon təşkilatının sədrləri və nümayəndələri iştirak edib.
Tapdıq QURBANLI
Səs.- 2010.- 18 may.- S. 8.