Uğurdan uğura, qələbədən
qələbəyə doğru
Parlament seçkilərində Yeni Azərbaycan
Partiyasının təmsilçiləri ən şanslı
namizədlərdir
Seçki
kampaniyasına hazırlıq, eyni zamanda, bu kampaniyanın
uğurla, müvəffəqiyyətlə həyata
keçirilməsi kifayət qədər böyük həssaslıq,
məsuliyyət tələb edir. Seçki taktikasının
adekvat şəkildə müəyyənləşdirilməsi,
seçicilərin arzu, istək və maraqlarının
dolğun şəkildə ifadə olunması, ən layiqli
namizədlərin seçilməsi baxımından, bu, ən
vacib, həlledici mərhələlərdən sayılır.
Bu mərhələdə seçki strategiyasının müəyyənləşdirilməsi
ilə bağlı atılan addımlar nəticə
etibarı ilə, seçki kampaniyasının gedişində
böyük əhəmiyyət kəsb edir. Başqa sözlə,
seçki kampaniyasının nə dərəcədə
uğurlu alınması bu mərhələdə görülən
işlərdən, həyata keçirilən tədbirlərdən,
atılan addımlardan əhəmiyyətli dərəcədə
asılıdır.
Seçki prosesində ən məsuliyyətli, həlledici
mərhələ
Yeni Azərbaycan Partiyası Sədrinin müavini, millət vəkili Əli Əhmədovun vurğuladığı kimi, seçki kampaniyasına start verilməsi seçki prosesində ən məsuliyyətli, həlledici mərhələnin başlanması deməkdir: "Təbii ki, daha məsuliyyətli mərhələ seçki kampaniyasının başlaması ilə start götürür. Namizədlər artıq elan olunandan sonra isə, ilk növbədə, onların xeyirinə imzaların toplanması, qeydə alınmaları, müvafiq sənədlərin hazırlanıb seçki komissiyalarına təqdim edilməsi mərhələsi başlayır". Layiqlilər sırasında ən layiqlilərini millət vəkili olmağa namizəd kimi müəyyənləşdirən Yeni Azərbaycan Partiyası imzatoplama və namizədlərinin qeydə alınması kampaniyasını böyük uğurla davam etdirir. İmzatoplama prosesində hər hansı çətinliklə üzləşməyən YAP artıq bu kampaniyanı müvəffəqiyyətlə tamamlamaqdadır. Ölkənin ən nüfuzlu, kütləvi siyasi təşkilatı olan Yeni Azərbaycan Partiyası üçün bu, tamamilə qanunauyğun və gözlənilən haldır. Aydındır ki, kifayət qədər böyük, uğurlu, pozitiv seçki təcrübəsi olan Yeni Azərbaycan Partiyası seçki prosesində hər bir məqamı bütün incəliklərinə qədər nəzərə alır. Bu cəhətdən, yarım milyondan çox üzvü, milyonlarla tərəfdarı olan YAP üçün imzatoplama kampaniyasını qısa müddətə, uğurlu şəkildə başa çatdırmaq heç də problem deyil. Partiyanın ölkənin bütün inzibati ərazi vahidlərində səmərəli fəaliyyət göstərən, böyük təcrübə toplamış yerli strukturların mövcudluğu bunu şərtləndirən mühüm amillərdən biridir. Odur ki, Yeni Azərbaycan Partiyasının yerli strukturları imzatoplama kampaniyasında fəal şəkildə iştirak edir, bu prosesin sürətlə və səmərəli şəkildə həyata keçirilməsi üçün böyük səy göstərirlər. Müvafiq kampaniya Seçki Məcəlləsinin tələblərinə ciddi riayət edilməklə həyata keçirilir. Bu səbəbdən, Yeni Azərbaycan Partiyasını təmsil edən namizədlərin qeydiyyatının böyük müvəffəqiyyətlə gerçəkləşəcəyini söyləmək mümkündür.
YAP - ən nüfuzlu, nümunəvi,
alternativsiz partiya
Bütün müsbət
meyarlara görə,
2010-cu il parlament seçkilərinin alternativsiz
lideri, favoriti sayılan Yeni Azərbaycan Partiyası ölkədə azad, şəffaf, demokratik, ədalətli seçki ənənəsinin bərqərar
olmasına mühüm
töhfələrini verib.
Bu mənada, partiya
bütün namizədlərə
yaradılan bərabər
şərait çərçivəsində
sivil rəqabətin tələblərinə qeyd-şərtsiz
riayət edir.
YAP seçki qanunvericiliyinin
tələblərinə əməl
etmək baxımından,
ən ciddi və ən nümunəvi partiya sayılır.
Ümumiyyətlə, Azərbaycanda seçki praktikası seçkidən-seçkiyə
daha da təkmilləşir,
ölkədə keçirilən
bütün seçkilər
şəffaflıq və
demokratiklik baxımından,
ən yüksək beynəlxalq standartlara cavab verir. Mahiyyət etibarı
ilə, azad, ədalətli parlament seçkilərinin keçirilməsi
sivil dəyərlərə
sadiqliyin göstəricisidir.
Bu mənada, ölkəmizdə
demokratik seçki ənənəsinin formalaşması
və tam bərqərar
olması çox sevindiricidir. Xatırladaq
ki, ötən parlament seçkilərində
parlamentdə 125 yerə
qarşı namizədliyini
irəli sürən şəxslərin sayı
2000 nəfərdən çox
olmuş, onların böyük əksəriyyəti
Milli Məclis deputatlığına namizəd
kimi qeydə alınmışdı. 2010-cu il parlament seçkilərində də
iddialıların sayının
kifayət qədər
çox olması, ümumilikdə, seçkilərə
olan böyük ictimai maraqdan xəbər verir. Belə vəziyyət seçki prosesinin kifayət qədər gərgin və dinamik keçəcəyini, eyni
dairədən olan namizədlər arasında
ciddi rəqabətin yaşanacağını göstərir.
Bu mənada YAP-ın vahid namizədlər siyahısı
çox böyük maraq doğurur. Yeni Azərbaycan Partiyasının
vahid seçki siyahısı, öncə
qeyd edildiyi kimi, böyük, layiqli qələbəyə
hesablanıb. Bu siyahıda ənənəçiliklə
yenilikçiliyin harmoniyası,
vəhdəti özünün
əyani təzahürünü
tapıb.
Müvafiq seçki
siyahısı bütün
parametrlər üzrə
hərtərəfli təhlil
olunduqda, YAP-ın müsbət milli və dünyəvi dəyərlərə söykənən,
eyni zamanda, yeniləşməyə, gəncləşməyə,
intibaha, islahatlara xüsusi əhəmiyyət
verən bir partiya olduğu aydın görünür.
Prinsip etibarı ilə, Yeni Azərbaycan Partiyasının seçki
siyahısına təkcə
siyasi mənada deyil, eyni zamanda,
adi vətəndaş
mövqeyindən yanaşmaq
gərəkdir. Bu gün hər bir Azərbaycan vətəndaşı parlament
seçkilərinin mahiyyətini
və əhəmiyyətini
çox yaxşı dərk edir. Orta statistik Azərbaycan seçicisi iddialı şəxslər sırasından
kimi seçəcəyini,
hansı namizədə
səs verəcəyini,
millət vəkili seçilməyə kimin daha layiq olduğunu
dəqiq bilir. Başqa sözlə, bu gün dünyagörüşü,
təhsil səviyyəsi,
seçki təcrübəsi
kifayət qədər
yüksək olan Azərbaycan seçicilərini
radikal müxalifətin
iddialarının əksinə
olaraq, reallıqdan uzaq fikirlər, populist vədlərlə aldatmaq,
bu və ya digər namizədə
səs verməyə inandırmaq mümkün deyil. Bir sözlə, seçilmək
istəyən şəxsin
xalq arasında, xüsusən, müvafiq seçki dairəsində
kifayət qədər
tanınan, nüfuz qazanan şəxs olması işin yalnız başlanğıcıdır.
Bütün göstəricilərə görə, lider olan siyasi təşkilat
Bu mənada, Yeni Azərbaycan Partiyasının
namizədləri daha böyük məsuliyyətin
daşıyıcısıdırlar. Onlar bu prosesdə həm Yeni Azərbaycan Partiyasının etimadını
doğrultmalı, həm
də ən şanslı namizədlər
kimi seçicilərin
əksəriyyətinin inamını,
etibarını, səsini
qazanmağı bacarmalıdırlar. Burada seçicinin seçilmək
istəyən namizəddən
nə istədiyini, nə gözlədiyini bilmək olduqca vacibdir. Bu baxımdan,
müxalifətlə müqayisədə
iqtidarda olan Yeni Azərbaycan Partiyasının aşkar
üstünlüyü nəzərə
çarpır. Belə ki,
YAP həm siyasi təşkilat kimi, həm də namizədlər səviyyəsində
hər seçici ilə fəal ünsiyyət qurmağı,
seçicilərin istək,
arzu və maraqlarını yüksək
səviyyədə, dolğun
şəkildə ifadə
etməyi bacarır.
Müxalifət namizədlərinin əksər hallarda təhqirə çevrilən
qərəzli təbliğat
tezisləri isə bu gün seçicilərə
qətiyyən gərək
deyil. Əlbəttə, bərabər imkanlar
şəraitində, normal, sivil, demokratik rəqabət müstəvisində
bu və ya digər namizədin
səsləndirdiyi sağlam,
yaradıcı tənqid,
prinsipcə, gözlənilən,
qəbuledilən haldır.
Lakin bu, heç də müxalif namizədlərin tənqid
bəhanəsi ilə
Yeni Azərbaycan Partiyasının namizədlərinə
qarşı "qara piar" kampaniyası aparmasına əsas vermir. İstənilən halda, hər
bir namizəd öz siyasi rəqibinə hörmətlə
yanaşmağı bacarmalı,
seçkilərdə sağlam
rəqabət aparmaqla
qalib gəlməyə
səy göstərməlidir.
Əks-təbliğatla, Yeni Azərbaycan
Partiyasının seçki
təşviqatını, partiyanın
namizədlərini gözdən
salmağa yönələn
uğursuz səylərlə
millət vəkili seçiləcəklərini düşünənlər
yanılırlar və
böyük səhvə
yol verirlər. Çünki istənilən ciddi
namizəd nəticəsindən
asılı olmayaraq, seçkidə rəqibinin
hörmətdən, nüfuzdan
salınmasına deyil,
öz nüfuzuna və potensialına güvənməlidir.
Digər tərəfdən, müxalifət
partiyalarını nə
üzvlərinin sayı,
nə də seçici elektoratı baxımından, hər hansı şəkildə
Yeni Azərbaycan Partiyası ilə müqayisə etmək mümkün deyil. Bu gün əksər müxalifət partiyalarını
cəmlədikdə belə,
onların üzvlərinin
ümumi sayı Yeni Azərbaycan Partiyasının bir rayon təşkilatında təmsil
olunanların sayından
azdır. Bütün digər
göstəricilərə - kəmiyyət, keyfiyyət,
nüfuz, populyarlıq,
eləcə də, müvafiq namizədlərin
şansı və potensialı baxımından,
onlar Yeni Azərbaycan Partiyasına birmənalı şəkildə
uduzurlar. Belə olan
halda, radikal müxalifətin "qara piar"dan yararlanmağa səy göstərməsi
heç də uğurlu çıxış
yolu sayılmır.
Əksinə, bu, radikal düşərgənin normal seçki
təşviqatı aparmağa
qadir olmadığını,
məhz bu səbəbdən qərəzli
təbliğat üsullarına
istinad etdiyini təsdiqləyir.
Hər bir
seçicinin rəğbətini
qazanmağa yönələn
uğurlu təbliğat
Bütün bunlar onu göstərir
ki, YAP-ın rəqibləri olmaq istəyən bəzi müxalifət partiyaları
çox səmərəsiz,
gərəksiz və faydasız rəqabət üsullarını seçiblər. Hər bir
seçicinin səsini
qazanmağa iddialı
olan Yeni Azərbaycan Partiyası isə belə müxalif qruplardan fərqli olaraq, ciddi şəkildə öz seçki təbliğatını qurmaqla
məşğuldur. Yeni
Azərbaycan Partiyası
Sədrinin müavini,
millət vəkili Əli Əhmədovun qeyd etdiyi kimi,
belə partiyalardan fərqli olaraq, YAP məhz seçicilərin
rəğbətini qazanmaq,
seçkidə layiqli
qələbə əldə
etmək uğrunda mübarizə aparır:
"Bütövlükdə, YAP olaraq, bizim müxalifətdən
çoxsaylı fərqlərimizdən
biri də ondan ibarətdir ki, müxalifət YAP-a qarşı mübarizə
aparır,
Mahiyyət etibarı ilə,
insan amilinə xüsusi önəm verilməsi, bilavasitə seçkilərə, seçicilərə
yönəlmiş səmərəli
fəaliyyət YAP-ın
parlament seçkilərində
böyük qələbəsini
şərtləndirən mühüm
amillərdəndir. Ümumilikdə,
hər hansı şəxsə, təşkilata
qarşı mübarizəni
məqsəd hesab etməyən Yeni Azərbaycan Partiyası hər zaman müsbət meyarlarla dəyərləndirilən, ideal kimi seçilən ali hədəflərə
çatmaq uğrunda mübarizə aparır. Bu isə Yeni
Azərbaycan Partiyasını
uğurdan uğura, qələbədən qələbəyə
doğru aparır.
Naib NİFTƏLİYEV
Səs.- 2010.- 1 oktyabr.- S. 8.