Azərbaycan və Sloveniya arasında dostluq əlaqələri genişlənir
Azərbaycan və Sloveniya dövlətləri
arasında dostluq əlaqələri inkişaf
edir. Lyublyana Universitetinin fəlsəfə
fakültəsinin etnologiya
və mədəni antropologiya kafedrasında ölkəmizə həsr
edilmiş tədbir baş tutub. Tələbələr qarşısında
mühazirə ilə
məşhur fotojurnalist,
rəssam və tərcüməçi Vesna
Çrniveç çıxış
edib. O, Azərbaycanın
tarixindən, etnoqrafiyasından,
arxeologiyasından, qədim
mədəni irsindən,
erməni-Azərbaycan münaqişəsinin
ağır nəticələrindən
söz açıb. Tələbələrin və müəllimlərin
iştirak etdiyi tədbirdə Azərbaycanın
mədəni irsinə,
o cümlədən, Qobustan qoruğuna, İçərişəhərə, Şirvanşahlar Sarayı
kompleksinə, Atəşgah
məbədinə həsr
edilmiş bir sıra foto və videomateriallar nümayiş etdirilib.
Tədbirin iştirakçıları,
həmçinin, Vesna
Çrniveçin çəkdiyi
"Lahıca xoş gəlmisiniz" filmi ilə də tanış olublar.
Zümrüd
Səs.- 2010.- 14 oktyabr.- S. 12.