Bilik yeganə meyardır
YAP Gəncə şəhər təşkilatında
bu il tələbə adına layiq
görülənlərlə görüş keçirildi
Dünən
YAP Gəncə şəhər
təşkilatı və
şəhər icra hakimiyyətinin təşəbbüsü
ilə partiyanın şəhər təşkilatının
qərargahında 2009-2010-cu tədris ilində Gəncə şəhər
orta məktəblərinin yüksək balla respublikanın ali məktəblərinə
daxil olan məzunları ilə görüşü
keçirildi. Görüşdə
partiyanın idarə heyəti və şura üzvləri, şəhərin görkəmli
ziyalıları, məktəb
rəhbərləri, valideynlər
və gənclər iştirak etdilər.
Tədbiri giriş sözü ilə YAP Gəncə şəhər
təşkilatının sədri,
professor İsrafil İsmayılov açaraq
yüksək nəticələrə
nail olan tələbələri təbrik
etdi. O bildirdi ki, təhsil cəmiyyətdə ən
vacib prioritet sahələrdən biridir
və bu gün sosial xarakter daşıyır: "Fərəhlə qeyd etməliyik ki, indi Azərbaycan
dünyada digər sahələrlə yanaşı, təhsil sahəsində ən qabaqcıl ölkələr sırasındadır.
Ümummilli liderimiz Heydər Əliyev cəmiyyətin gələcək
inkişafının sağlam
gəncliyin yetişməsindən
asılı olduğunu
nəzərə alaraq,
90-cı illərdə Azərbaycan
mühitinə maarif işığı gətirmiş,
bütün pillələrdə
təhsil probleminin həllinə çalışmışdır.
Bu gün ulu öndərimizin müəyyənləşdirdiyi təhsil strategiyası Prezident İlham Əliyev tərəfindən
uğurla davam etdirilir. Heydər Əliyev Fondunun
prezidenti, YUNESKO və
İSESKO-nun xoşməramlı
səfiri, millət vəkili Mehriban xanım Əliyevanın diqqəti və köməyi sayəsində
yeni məktəb binaları inşa edilir, təhsil müəssisələrinin maddi-texniki
bazaları möhkəmləndirilir,
informasiya və kommunikasiya texnologiyaları
ilə təmin olunur, müxtəlif istiqamətlər üzrə ciddi islahatlar aparılır. Son illər respublikanın təhsil sistemində davamlı inkişafa yönəlmiş əsaslı
infrastruktur dəyişikliklərin
baş verməsi, inkişafyönümlü proqram
və layihələrin
həyata keçirilməsi
dövlətimizin başçısının
təhsilə müntəzəm
diqqət və qayğısı sayəsində
mümkün olmuşdur.
Prezidentin "Ən yaxşı ümumtəhsil
məktəbi" və
"Ən yaxşı
müəllim" müsabiqələri
qaliblərinin mükafatlandırılması
haqqında sərəncamları
təhsil işçilərinin
məsuliyyətini, daha
yaxşı işləmək
əzmini daha da artırmışdır".
İ.İsmayılov onu da bildirdi ki,
bu il 2786 məzundan 2386 nəfəri
attestat almış,
31,28 faizi ali məktəblərə qəbul
olunublar. Abituriyentlərdən
36 nəfəri ən
yüksək nəticələr
əldə edibdir:
"Bu il məktəbi bitirən
2786 məzundan ali məktəblərə qəbul
imtahanlarında 2202 nəfər
iştirak etmişdir.
Onlardan 689 nəfəri
ali məktəblərə
qəbul olmuş, 145 nəfəri 500-dən yuxarı,
36 nəfəri 600-dən çox
bal toplamışdır".
Tədbirdə görkəmli akademik,
AzETBMİ-nin direktoru Sidiqə Məmmədova, Gəncə Şəhər
Təhsil İdarəsinin
müdiri Mahal Əliyev, GDU-nun rektoru, professor Elman Məmmədov və başqaları çıxış edərək
elmə, təhsilə
göstərdikləri diqqət,
qayğıya görə
ölkə Prezidenti İlham Əliyevə, Heydər Əliyev Fondunun prezidenti,
YUNESKO və İSESKO-nun
xoşməramlı səfiri,
millət vəkili Mehriban xanım Əliyevaya dərin minnətdarlıqlarını
bildirdilər, tələbələrə
isə təhsillərində uğurlar arzuladılar.
Həmçinin, həmin gün
18 yaşı tamam olmuş və yüksək nəticələrə
nail olan tələbələrdən Nərmin
Mustafayeva, Abbas Ələsgərov, Turqut Əhmədov qüdrətli və güclü siyasi təşkilat olan YAP-ın sıralarına qəbul olunmaq haqqında müraciətlərini bildirdilər.
46 saylı məktəbin məzunu, Azərbaycan Prezidenti yanında Dövlət İdarəçilik
Akademiyasının hüquqşünaslıq
fakültəsinə 680 balla
daxil olan Qurbanova Aybəniz Elman qızına elmin çətin yollarında ona bələdçilik edəcək
ən qiymətli hədiyyə - noutbuk təqdim edildi.
RƏFİQƏ
Səs.- 2010.- 2 sentyabr.- S. 7.