Azərbaycanda təhsil dünya
standartlarına uyğun
qurulur
Heydər Əliyev Fondunun
"Yeniləşən Azərbaycana
yeni məktəb"
Proqramına uyğun olaraq bölgələrdə
yeni məktəb binaları istifadəyə
verilir
Azərbaycanın sosial-iqtisadi inkişafı
əhalinin yaşayış
durumunun yaxşılaşmasına
ölkədə yenidənqurma-abadlıq
işlərinin genişlənməsinə
gətirib çıxarır. Bu inkişaf ölkənin bütün sahələrində
baş verən ciddi dönüşlərlə
xarakterizə olunur.
Səhiyyə, təhsil, mədəniyyət
və digər sahələrdə aparılan
məqsədyönlü siyasət
ölkənin imicinin artmasına, dünya dövlətləri sırasında
nüfuzunun yüksəlməsinə
gətirib çıxarıb.
Bu günlərdə
ölkə Prezidenti İlham Əliyevin
Bakı şəhərində
Nizami və Suraxanı rayonlarında ümumtəhsil məktəb
binalarının tikintisi
ilə bağlı imzaladığı sərəncamlar
da təhsilin inkişafına yönəlmişdir.
Hər iki məktəbin tikintisinə ehtiyat fondundan vəsait ayrılmışdır.
Azərbaycanın hər bir məkanında
təhsil sahəsində
aparılan dəyişikliklər
özünü büruzə
verir. Qeyd edək ki, Heydər
Əliyev Fondunun prezidenti, YUNESKO və
İSESKO-nun xoşməramlı səfiri, millət vəkili Mehriban xanım Əliyeva tərəfindən hazırlanmış
"Yeniləşən Azərbaycana
yeni məktəb"
proqramına əsasən,
respublikamızda təhsil
sahəsində böyük
nailiyyətlər əldə
olunub. Bu proqram
çərçivəsində ölkəmizdə gedən
yeniləşmə hər
kəsin diqqətindədir.
Son zamanlar həm
paytaxtımızda, həm
bölgələrdə görülən
işlər buna əyani sübutdur. Təhsil sistemində baş verən dönüş məhz Mehriban xanım Əliyevanın məqsədyönlü fəaliyyəti
ilə əlaqədardır.
Azərbaycanın gənc nəsli
biliyə, müasir texnologiyalara, elmə yiyələnərək, dünya
təhsil sisteminə inteqrasiya olunur.
Proqram çərçivəsində qısa zaman məsafəsində Azərbaycanın
kənd məktəblərinin
maddi-texniki bazasının
vəziyyəti yaxşılaşdırılaraq,
yeni təhsil ocaqları istifadəyə
verilib. Fond öz
vəsaiti hesabına məktəblərin bir hissəsini tikdirərək,
onları lazımi avadanlıqla təmin edir.
Təkcə Qəbələ
rayonunda ümumilikdə
ötən 7 il ərzində 22 kənddə yeni məktəb binası tikilib. Belə ki, şəhər 1 və 4 nömrəli, Çuxur Qəbələ,
Nic qəsəbə 4
saylı, Zalam, Böyük Pirəlli və Çarxana kənd məktəbləri
əsaslı təmir
olunaraq, təhsil ocaqları ən müasir avadanlıqla təchiz edilib. Hazırda rayonun Nic qəsəbəsində
3 saylı məktəb
üçün dövlət
vəsaiti hesabına
360 yerlik, Heydər Əliyev Fondunun dəstəyi ilə 2 saylı məktəb üçün 400 yerlik yeni binaların inşası davam etdirilir. Rayonun 24 məktəbi qazanxanalar
vasitəsilə qızdırılır.
Rayonun 40
məktəbində kompyuter
kabineti yaradılıb.
Qəbələ məktəbliləri, ümumilikdə, 450 kompyuterdən
istifadə edir. Hazırda rayonun məktəblərində çalışan
pedaqoji işçilərin
77 faizi ali
təhsillidir.
Regionların sosial-iqtisadi
inkişafı Dövlət
Proqramına və Heydər Əliyev Fondunun "Yeniləşən
Azərbaycana yeni məktəb" proqramına
uyğun olaraq son illər Ağdaş rayonunda da ümumtəhsil
məktəbləri üçün
yeni binaların inşası və əsaslı təmiri, onların maddi-texniki bazasının möhkəmləndirilməsi
sahəsində mühüm
tədbirlər həyata
keçirilir.
Ötən 3 ildə Heydər Əliyev Fondunun dəstəyi ilə Ağdaş rayon ərazisində Pirkəkə kənd məktəbi və Habil Əliyev adına Musiqi Məktəbi üçün
yeni binalar tikilərək, Maqsud Şeyxzadə adına Gimnaziya əsaslı təmir edilir. Bundan əlavə, dövlət
vəsaiti hesabına rayonun Kotavan, Kükəl, Yuxarı Ləki, Qaradeyin və Gürcuva kəndlərində yeni məktəb binaları tikilib istifadəyə verilib, M.İsayev adına Lisey, şəhər 3 saylı
və Ləki qəsəbəsindəki 6 saylı
məktəb binaları
əsaslı təmir
olunub. Həmçinin, şəhər 3 saylı orta, Güvəkənd, Dəhnəxəlil,
Mürsəl, Yuxarı
Ləki kənd tam orta, Yenikənd
və Nehrəxəlil
kənd ümumi orta məktəbləri üçün 840 şagird
yerlik 42 əlavə sinif otağı tikilmiş, 13 ümumtəhsil
məktəbində müasir
istilik sistemləri
quraşdırılıb. Bu
günədək rayonun
təhsil müəssisələrinə
480 kompyuter verilərək,
15 ümumtəhsil məktəbində
kompyuterlərin internetə
bağlantısı təmin
edilib. Rayonun ümumtəhsil məktəblərindən
ali və orta ixtisas məktəblərinə
daxil olmuş məzunların sayı
2003-cü illə müqayisədə
5 dəfə artıb.
2010-cu ildə rayonda məktəblərin ümumi
orta təhsil pilləsini bitirmiş
1.446 məzundan 271-i orta
ixtisas məktəblərinə,
tam orta təhsil pilləsini
bitirmiş 790 məzundan
400-ü qəbul imtahanlarında
iştirak etmiş, onların 201-i ali məktəblərə qəbul
olunub. Bu göstəricilər Azərbaycan
da təhsil səviyyəsin yüksəlməsinədə
fondun həyata keçirdiyi məqsədli
fəaliyyəti ilə
əlaqədardır.
Heydər Əliyev Fondunun təhsilə göstərdiyi bu diqqət Azərbaycanın
gələcək inkişafına
yönəlib. "Yeniləşən
Azərbaycana yeni məktəb" Proqramı
əsasında gerçəkləşən
layihələr Azərbaycan
gənclərinin dünyaya
inteqrasiya olunmasında
əvəzsiz xidmətə
malikdir.
NƏZAKƏT
ƏLƏDDİNQIZI
Səs.- 2011.- 5 aprel.- S. 4.