"Təhrir" Beynəlxalq Kitab Sərgisi

Bakı Şəhər Mədəniyyət və Turizm İdarəsindən qəzetimizə verilən məlumata görə, Qahirədə keçirilmiş "Təhrir" Beynəlxalq Kitab Sərgisi ndə ölkəmizin tarixi, mədəniyyəti, incəsənəti, musiqisi, Ermənistanın Azərbaycana qarşı hərbi təcavüzü, erməni terrorizmi, Ümummilli Lider Heydər Əliyevin həyatı və siyasi fəaliyyəti, Azərbaycanın iqtisadiyyatı, neft tarixi və müasir neft-qaz sənayesinin inkişafı və s. barədə ərəb, ingilis, fransız, rus və digər dillərdə olan kitab və digər çap materialları nümayiş etdirilib. Sərgidə 100-dən artıq çap şirkəti, Azərbaycan, ABŞ, İtaliya və Polşanın Qahirədəki səfirlikləri təmsil olunub. Sərginin açılışında iştirak edən Misirin mədəniyyət naziri Emad Əbu Ğazi Azərbaycan guşəsi ilə tanış olub. Səfirə Azərbaycan kitabları haqqında məlumat verilib. Sərgi çərçivəsində ölkəmizə aid mədəniyyət guşəsi yaradılmış və burada Azərbaycan xalçaları, musiqi alətləri və qədim məişət əşyaları nümayiş etdirilib. Sərgidə Azərbaycan barədə nümayiş olunan kitab və çap materialları sərgi iştirakçılarının xüsusi marağına səbəb olub. Sərgi çərçivəsində iştirakçılara Azərbaycan haqqında 200-dən artıq kitab, jurnal və digər çap materialları paylanıb.

Zümrüd

Səs.- 2011.- 9 aprel.- S. 11.