Üzeyir Hacıbəyli adına Bakı Musiqi Akademiyasının məktəb-studiyası xüsusi təhsil ocağıdır

2011-ci ildən Bakı Musiqi Akademiyasının məktəb-studiyası gənc istedadların yaradıcılıq qabiliyyətlərini aşkar edən yeni və müasir metodları tətbiq edərək qəbul imtahanlarına başlayır.

Bakı Şəhər Mədəniyyət və ''Turizm İdarəsindən aldığımız məlumata görə, Bakı Musiqi Akademiyasının məktəb-studiyasına 2011-12-ci tədris illəri üzrə qəbul (müsabiqə üsulu ilə) aşağıdakı ixtisaslar üzrə aparılır: "Klaviş alətləri" (fortepiano, orqan, klavesin), "Simli alətlər" (Skripka, alt, violonçel, kontrabas, arfa), "Nəfəs alətləri" (Fleyta, klarnet, qoboy, faqot, truba, valtorna, trombon, tuba), "Zərb alətləri" (Azərbaycan xalq çalğı alətləri - tar, kamança), "Vokal", "Musiqişünaslıq".

Birinci sinfə altı yaşa çatmış uşaqların qəbulu yalnız nəzərdə tutulduğu kimi, "Fortepiano", "Skripka", "Violonçel", "Tar" və "Kamança" ixtisasları üzrə aparılır. Qəbul imtahanında musiqi qabiliyyətinin yoxlanmasından əlavə (qulaq, ritm| və yaddaş) imtahan verən, həmçinin, uşaq mahnısı və şeir də səsləndirməlidir.

Peşəkar səviyyədə musiqi təhsilini ikinci sinifdən səkkizinci sinfə qədər məktəb-studiyada davam etdirmək (əvvəlki və ya yenidən seçilmiş ixtisas üzrə) istəyənlər (musiqi məktəblərinin şagirdləri arasında) üçün ifaçılıq və nəzəri musiqi fənləri üzrə qəbul imtahanları keçirılır. Qəbul imtahanlarına müsahibədən (kollokvium) uğurla keçən tələbələr buraxılır.

Kollokviumda qəbul imtahanından öncə şagirdin təhsil aldığı bütün fənlərdən biliyi yoxlanılır. Buraya əvvəlki illərin proqramına daxil olan fraqmentlərin ifası, əsər və müəllifi haqqında qısa məlumatın verilməsi, notların oxunması və transpozisiya biliklərinin yoxlanması, Azərbaycan ladlarından tam kadensiyanın ifası daxildir.

Səs.- 2011.- 5 aprel.- S. 12.