“Birliyin mədəniyyət paytaxtları” adlı dövlətlərarası
proqram start götürüb
MDB məkanında
tarixi-mədəni irs ili elan edilmiş 2011-ci ildə
başlanan "Birliyin mədəniyyət paytaxtları"
adlı dövlətlərarası proqrama əsasən, hər
il birliyin mədəniyyət paytaxtları kimi
seçilmiş iki şəhərdə yaradıcılıq
resursları cəmləşəcəkdir. Bu statusa malik olan
ilk şəhərlər Belarusun Qomel və Rusiyanın
Ulyanovsk şəhəridir. Gələcəkdə MDB
üzvü olan bütün dövlətlərin bu proqramda
iştirak etməsi nəzərdə tutulur. Azərbaycan
öz şəhərləri arasından MDB-nin mədəniyyət
paytaxtı adlanmağa namizəd irəli sürəcək. MDB-nin
mədəniyyət paytaxtı adlanmağa namizəd kimi
öz xalq sənətləri və bənzərsizliyi ilə
ad çıxarmış kiçik şəhər təqdim
edilə bilər. Azərbaycanda belə namizəd Şəki,
Qafqaz Albaniyasının qədim paytaxtı Qəbələ,
yaxud başqa bir şəhər ola bilər. MDB-nin mədəniyyət
paytaxtları proqramının məqsədi dünya ictimaiyyətinin
diqqətini birlik üzvü olan ölkələrin müxtəlif
şəhərlərinə cəlb etməkdir. Bu şəhərlərin
problemlərini, xüsusən, MDB-də Tarixi-mədəni
irsin qorunub saxlanması ili elan edilmiş 2011-ci il çərçivəsində,
bütün birliyin diqqətini həmin şəhərlərə
cəlb etmək hesabına həll etməyə imkan
yaranacaqdır.
Səs.- 2011.- 5 aprel.- S. 12.