Beynəlxalq Mistislav Rostropoviç Festivalı

Heydər Əliyev Fondunun, Mədəniyyət və Turizm Nazirliyinin və Mstislav Rostropoviç Fondunun birgə təşkilatçılığı ilə Bakıda keçirilən Beynəlxalq Mstislav Rostropoviç Festivalı çərçivəsində Müslüm Maqomayev adına Azərbaycan Dövlət Filarmoniyasında “Tanqo gecəsi" adlı konsert proqramı təqdim olunubdur.

Konsertdə Maristella Patutsinin (İsveçrə), Lida Çen Argetixin (İsveçrə), Xorxe Bossonun (İtaliya), Leonardo Terugginin (Fransa) daxil olduğu simli kvartetin ifasında N.Markoninin, A.Piasollanın, E.Hubertin, L.Bakalovun, K.Qardelin, Q.Viyoldonun əsərləri səslənibdir.

Solistlər pianoda Luis Bakalov (İtaliya) və Eduard Hubert (İtaliya), violində Maykl Quttman (Belçika), bandoneonda Xuanxo Mosalini (Fransa) olubdur.

Kainatın gözəlliyini və ülvi duyğuları tərənnüm edən əsərlər tamaşaçılar tərəfindən böyük maraqla qarşılanıbdır.

Zümrüd

Səs.- 2011.- 10 dekabr.- S. 16.