Diaspor quruculuğu Ulu Öndər Heydər Əliyevin adı ilə
bağlıdır
Gündəm
Azərbaycan müstəqillik əldə
etdikdən sonra dövlətin
qarşısında duran əsas vəzifələrdən
biri də xarici
ölkələrdə yaşayan azərbaycanlıların
təşkilatlanması, onların ölkəmizin ümumi maraqlarının müdafiəsi
işinə cəlb edilməsi olmuşdur.
1993-cü ildə Ümummilli Lider Heydər Əliyevin
hakimiyyətə gəlişi, digər sahələrdə olduğu kimi, diaspor quruculuğu
işində də əsaslı dönüş
yaratmışdır. Ümummilli Liderimiz bütün xarici səfərlərində Azərbaycan diasporunun nümayəndələri ilə görüşür, onların problem və qayğıları ilə
maraqlanır, həmvətənlərimizi yenicə
müstəqillik qazanmış respublikamızın tarixi mənafelərinin
reallaşdırılması prosesində fəal iştirak etməyə
çağırırdı. Zaman
keçdikcə diaspor quruculuğu
dövlət siyasətinin prioritet istiqamətlərindən
birinə çevrildi.
Hələ 1991-ci ilin 16 dekabrında Naxçıvan Muxtar Respublikasının Ali
Məclisinin Sədri Heydər Əliyev dünya
azərbaycanlılarının birliyini
yaratmağın əhəmiyyətini nəzərə alaraq, dekabrın 31-ni Dünya
Azərbaycanlılarının Həmrəyliyi Günü elan etdi. Beləliklə, bu gün bütün
azərbaycanlılar üçün əziz
olan 31 Dekabr Dünya Azərbaycanlılarının Həmrəyliyi
Günü bayram edilir.
Belə
bir tarixi günlə
bağlı “Səs” qəzetində dəyirmi masa
təşkil olundu. Tədbirdə millət
vəkili Aydın Mirzəzadə, Yeni Azərbaycan
Partiyası Gənclər Birliyinin sədr
müavini Aytac Əliyeva,
“Yeni Azərbaycan” qəzetinin baş redaktoru, politoloq Hikmət Babaoğlu,
Diasporla İş
üzrə Dövlət Komitəsinin şöbə müdiri Cavanşir Vəliyev
iştirak edirdilər.
“Səs”
qəzetinin əməkdaşı:
- Ümummilli
Lider Heydər Əliyevin 20 il bundan əvvəl irəli
sürdüyü təşəbbüs nəticəsində
təsis edilən 31 dekabr həmrəylik günü dünyanın bütün
ölkələrində yaşayan
soydaşlarımızın ən əziz bir
bayramıdır. Xalqımızın birlik və mütəşəkkiliyini, milli təəssübkeşlik və vətənə
sədaqət rəmzini ifadə edən bu
bayrama hər kəsin münasibətini
bilmək maraqlı olardı. Sizcə, vətənimizin
hüdudlarından kənarda yaşayan
soydaşlarımızın arasında Azərbaycançılıq
ideyasını və milli təəssübkeşlik
duyğularını qənaətbəxş hesab
etmək mümkündürmü?
HƏR
KƏS ÖZ UĞURLU NAİLİYYƏTLƏRİNDƏ
BİRİ-BİRİ İLƏ HƏMRƏY OLMALIDIR
Aydın
Mirzəzadə:
-
31 Dekabr Dünya Azərbaycanlılarının
Həmrəyliyi Gününün ifadə
etdiyi ad elə həmrəyliyin
nümunəsinin ifadəsidir. Azərbaycanlılar bu gün dünyanın
müxtəlif ölkələrində yaşayırlar. Hər
bir azərbaycanlının ümumi mədəniyyətə və ümumi tarixə söykənməsini istərdik.
Belə ki, azərbaycanlılar tarixi vətənlərini,
yaşadıqları məkandan asılı olmayaraq,
unutmamalıdırlar. Hər kəs öz
uğurlu nailiyyətlərində bir-biri ilə həmrəy olmalıdır. Belə
bir ərəfədə hər bir azərbaycanlının Azərbaycan
dövləti ətrafında birləşib həmrəylik
göstərməsini arzulayardıq. Bu bayramın yaranma tarixi qısa olsa da, bütün
dünya azərbaycanlılarının böyük bir
bayramına çevrilib. İstər Azərbaycanın
daxilində, istərsə də, onun
hüdudlarından kənarda görüşlərimiz olarkən
həmyerlilərimizin 31 dekabr həmrəylik
günü ilə bağlı kifayət
qədər məlumatlı olduqlarını görürük.
Belə bir bayram
günündə “Səs” qəzeti tərəfindən həmrəylik
günümüzə həsr olunmuş dəyirmi
masanın təşkilinə çox şadam.
“Səs”
qəzetinin əməkdaşı:
-
Cavanşir müəllim, bu
il paytaxtımızda Dünya
Azərbaycanlılarının III Qurultayı keçirildi.
Maraqlıdır ki, Diasporla
İş üzrə Dövlət Komitəsi
dünya azərbaycanlıları ilə iş prinsipini hansı əsaslar
üzərində qurur?
MÜASİR
DÖVRÜMÜZDƏ BÜTÜN DÜNYADA 421 DİASPOR
TƏŞKİLATI
FƏALİYYƏT GÖSTƏRİR
Cavanşir Vəliyev:
-
Bakıda keçirilən Dünya Azərbaycanlılarının
III Qurultayında Azərbaycan Respublikasının Prezidenti cənab İlham Əliyev
çıxış edərək dünya
azərbaycanlıları qarşısında duran
əsas vəzifələri qeyd etdi. Qurultay dünya azərbaycanlılarının idarə
heyətinin şurasını seçdi və
cənab İlham Əliyev həmin
şuranın rəhbəri təyin olundu.
Bu ilin dekabr
ayının 22-də Prezident İlham Əliyev tərəfindən dünya azərbaycanlılarına müraciət
olundu və Prezidentimiz
onları həmrəylik günü
münasibətilə təbrik etdi. Müasir dövrümüzdə bütün dünyada 421 diaspor təşkilatı fəaliyyət
göstərir. Bizim əsas məqsədimiz
dünyada yaşayan
azərbaycanlıları təşkilatlandırmaq və bir sistem şəklində
onların fəaliyyətinə yönəltməkdən ibarətdir.
Dünyada yaşayan
azərbaycanlılar bizə sual edirlər
ki, diaspor təşkilatı
olaraq hansı əsaslar üzərində
fəaliyyətimizi qurmalıyıq ki,
bütövlükdə Azərbaycan dövlətinin məqsəd
və tələblərini ifadə edə bilək. Azərbaycana
xidmət ən böyük məqsəd olaraq onların məsuliyyətidir. Elm, idman, mədəniyyət,
incəsənət və digər sahələrdə yüksək
göstəricilər əldə etməklə Azərbaycana
xidmət etmiş olarlar.
Möhtərəm Prezidentimizin
ünvanladığı müraciətdə dünyada
yaşayan azərbaycanlıları təbrik
etməklə bərabər, “Eurovision -
2011” Mahnı Müsabiqəsində Avropa
ölkələri sırasında Azərbaycanın birincilik qazanmasında onların səmərəli
fəaliyyətini də qeyd edərək,
bundan sonrakı işlərində də
belə həmrəylik nümayiş
etdirmələrini vurğulamışdır.
“Səs”
qəzetinin əməkdaşı:
- Hikmət müəllim, bu günümüzün ən
aktual məsələlərindən biri olan dünya
azərbaycanlılarının həmrəylik sahəsində
görülən işləri və nailiyyətləri çağdaş mətbuatımızda
hansı formada öz əksini
tapır?
AZƏRBAYCAN
MÜSTƏQİLLİK ƏLDƏ ETDİKDƏN SONRA
LOBBİÇİLƏRİN OLMASI,
AZƏRBAYCAN
DİASPORASININ TƏŞKİLATLANMASI ÖNƏMLİ MƏSƏLƏYƏ
ÇEVRİLDİ
Hikmət
Babaoğlu:
-
İlk olaraq onu deyim ki,
Dünya Azərbaycanlılarının Həmrəyliyi
Gününün yaradılması
ideyası Ul Öndərin adı ilə
bağlıdır. Bildiyiniz kimi, hələ Naxçıvanda olarkən Ulu Öndər belə bir
qərara gəlmişdir ki, Azərbaycan
xalqının həmrəyliyini, milli, siyasi ideoloji həmrəyliyini
təmin etmək üçün güclü dövlət yaratmaq
lazımdır. Nəticə etibarı ilə bu,
Azərbaycan lobbiçiliyini yaratmaq, diasporanı təşkilatlandırmaqdan
ibarət idi. Sonrakı zamanda
31 Dekabr Dünya Azərbaycanlılarının
Həmrəyliyi Günü kimi qeyd olundu.
Bu, müasir məsələ
deyildi. Bu, çağdaş dövlətçiliyin yetirdiyi tələb deyildi.
Bu məsələnin dərin tarixi kökləri var. Biz orta və ilkin orta əsrlərdə və daha
qədim dövrlərdə mövcud olmuş dövlətlərdə bu cür tendensiyaların
- lobbiçiliyin olduğunu
müşahidə edirik. İstənilən
bir ölkədə baş
verən hadisələrə təsir etmək üçün
o millətin nümayəndələri, yaxud milli-etnik
baxımdan o millətə aid
olmasa belə, sadəcə, onun maraqlarını müdafiə etmək üçün yaradılmış
ayrı-ayrı şəxslərin tarixi qərarlarının
təsirini görmüşük. Tutaq ki, Osmanlı
dövründə osmanlıların tarixi
yürüşünün
qarşısını almaq üçün sədrəzəmlərdən
birinin Avropada lobbiçilik etdiyini
müşahidə edirik. Bəzi hallarda bu məsələnin
üstü açılır, bəzi hallarda isə lobbiçilik
fəaliyyəti real nəticəsini verirdi. Ona görə də,
Azərbaycanın müstəqillik əldə etdikdən sonra, lobbiçilərin olması zərurətə
çevrildi. Azərbaycan diasporasının
təşkilatlanması önəmli məsələyə çevrildi. Bu, həm formal, həm də qeyri-formal
institutlar vasitəsilə həyata keçirildi. Sonradan Diasporla İş üzrə
Dövlət Komitəsinin yaradılması Ulu
Öndərin bu məsələyə nə
qədər böyük diqqət
ayırdığını göstərdi. Sonrakı mərhələlərdə
mətbuat bilavasitə bu məsələlərin
təbliğatçısı qismində öz
rolunu mənim qənaətimə görə
lazımi bir şəkildə yerinə yetirir. Mətbuat ötürücü
təbliğat, təşviqat vasitəsidir. Bütün
təşkilatlanmalar hüquqi, qeyri-hüquqi, leqal, qeyri-leqal və s. bu və ya digər şəkildə
mətbuatın iştirakı ilə baş
verir. “Səs” qəzetinin belə bir məzmunda dəyirmi masa
təşkil etməsi də onu sübut edir ki, Azərbaycan mətbuatı bu
əhəmiyyətli məsələni hər zaman
diqqət mərkəzində saxlayır.
Səs”
qəzetinin əməkdaşı:
-
Aytac xanım, Yeni Azərbaycan
Partiyası Gənclər Birliyinin də
üzərinə belə bir vəzifənin
həyata keçirilməsi məqsədilə böyük bir məsuliyyət
düşür. Çünki
gənclər çox böyük
qüvvəyə malikdir. Bu
istiqamətdə gənclər arasında hansı formada işlər görülməkdədir?
YAP
GƏNCLƏR BİRLİYİ İLƏ İSTƏR
QONŞU ÖLKƏLƏRDƏ, İSTƏRSƏ DƏ, ƏRƏB,
ASİYA, AVROPA ÖLKƏLƏRİNDƏ BEYNƏLXALQ
QURUMLARLA SIX ƏLAQƏLƏR YARADILIB
Aytac Əliyeva:
-
Yeni Azərbaycan Partiyası
yarandığı zamandan, bütün sahələrdə olduğu kimi, xaricdə yaşayan azərbaycanlı gənclərlə
də əlaqələrini genişləndirmiş və bu istiqamətdə işlər davam etməkdədir. Bu gün YAP Gənclər Birliyi
ilə istər qonşu ölkələrdə,
istərsə də, ərəb, Asiya, Avropa ölkələrində beynəlxalq qurumlarla sıx əlaqələr
yaradılmışdır. Siyasi qurumlar, beynəlxalq təşkilatlarla
yaradılmış əlaqələr
qarşılıqlı bir şəkildə
həyata keçirilir. YAP Gənclər Birliyi Türkiyənin “Ədalət və İnkişaf Partiyası”, Ukraynanın hakim Gənclər Partiyası, Rusiyanın “Molodaya Qvardiya”, eləcə
də, Avropanın bir sıra öndə gedən partiyaları ilə
sıx fəaliyyətdədir. Eləcə də, Rusiya-Azərbaycan
Gənclər Təşkilatının III Konqresində
partiyamızın Gənclər Birliyinin
nümayəndəsi iştirak etmişdir. Həmin konqresdə
çıxış edən nümayəndə dövlət
gənclər siyasətinin həyata keçirilən işləri
ilə bağlı məlumat vermişdir.
Avropanın ən böyük siyasi qurumlarından biri olan Avropa xalqlar
partiyasının Gənclər Qoruğu
ilə YAP Gənclər Birliyi çox yaxından əməkdaşlıq edir. Bu günlərdə Yeni Azərbaycan Partiyasının Gənclər
Birliyinin nümayəndə heyəti
Brüsseldə səfərdə oldu. Orada nəinki
Avropa Partiyasının rəhbərləri
ilə, eyni zamanda, bir sıra Avropa Birliyinin, Avropa Parlamentinin və s. təşkilatların
nümayəndələri ilə görüşlər
keçirərək, Azərbaycan həqiqətlərini onlara çatdırmışdır.
“Səs”
qəzetinin əməkdaşı:
-
Aydın müəllim, bu gün
Azərbaycan torpaqlarının 20 faizi erməni
qəsbkarlarının işğalı altındadır. Qələbəyə,
ədalətin təntənəsinə gedən yolu qısaltmağın vacib
şərtlərindən birinin də
birliyimizdən və həmrəylikdən keçdiyini
söyləmək olarmı?
DÜNYA
ÖLKƏLƏRİNDƏ YAŞAYAN AZƏRBAYCANLILARIN FƏALİYYƏTİ
İLƏ BAĞLI FAKTLAR ONU GÖSTƏRİR Kİ, HƏMYERLİLƏRİMİZ
GÜCLÜ, MƏQSƏDYÖNLÜ
FƏALİYYƏTDƏDİRLƏR
Aydın
Mirzəzadə:
-
Torpaqlarımızın bir hissəsinin
işğalı, çox təəssüf
ki, müstəqilliyimizin təməlinin
möhkəm olmadığı zamana təsadüf
edir. Bu gün Ermənistan tərəfindən
işğal olunan
torpaqların azad olunması istiqamətində
Azərbaycan Prezidenti cənab İlham Əliyev ardıcıl olaraq görüşlər keçirir,
bu məsələnin sülh
yolu ilə həll olunması istiqamətində
danışıqlar aparır. Bu məsələnin
həllində dünya azərbaycanlılarının
həmrəyliyi əhəmiyyətli faktorlardan
biridir. Dünya Azərbaycan
həqiqətləri haqqında lazımi dəlilləri bilməlidir.
Azərbaycanın ümumi maraqları dünyaya təqdim edilməlidir. Dünya ölkələrində yaşayan azərbaycanlıların fəaliyyəti
ilə bağlı faktlar onu
göstərir ki, həmyerlilərimiz
dövlətimizlə bağlı güclü,
məqsədyönlü fəaliyyətdədirlər. Erməni
diasporunun apardığı təbliğata
qarşı daha güclü,
təsirli təbliğatın aparılması sevindirici
haldır. Azərbaycanın tarixi, mədəniyyəti,
dili və s. məsələlərlə
bağlı faktorları ortaya qoyurlar. Dünya ölkələrində
yaşayan azərbaycanlıların
yaşadıqları ölkənin ictimai-siyasi
həyatında rol oynamaları artıq Azərbaycanla
bağlı dəyərli fikrin
formalaşmasına gətirib çıxarır. Bütün bunlar əsasında,
həmrəyliyi gücləndirmək Azərbaycan
torpaqlarının işğaldan azad olmasına gətirib çıxaracaq.
MİLLİ
GÜCÜN KOMPONENTLƏRİ - MİLLİ GÜCÜN KƏMİYYƏT,
MİLLİ GÜCÜN KEYFİYYƏT KOMPONENTLƏRİDİR
Hikmət
Babaoğlu:
- Hər
bir xalqın milli gücü var. Bu milli gücü politoloqlar iki hissəyə ayırırlar.
Milli gücün komponentləri - milli
gücün kəmiyyət, milli gücün keyfiyyət
komponentləridir. Təbii resurslar, iqtisadi güc, hərbi sənayemiz
milli gücün kəmiyyət
komponentləridir. Milli gücü
keyfiyyət komponentləri isə milli əxlaq,
milli psixologiya, milli həmrəylik kimi milli dəyərlərdir. Azərbaycançılıq
bu milli gücün keyfiyyət komponentləri içərisində
ən aparıcısıdır. Dünya
azərbaycanlıları dedikdə, hesab
edirəm ki, təkcə milli-etnik
faktoru deyil. Bunu Ulu Öndərimiz daha geniş mənada düşünmüşdür. Mstislav Rostropoviç də
azərbaycanlıdır, Qusman da azərbaycanlıdır. Məsələyə
qlobal yanaşanda, bu, bizim milli
gücümüz, problemləri həll
etmək məsələmiz görün,
nə qədər artır?! Dünya azərbaycanlalarının
həmrəylik platformasını mən məhz bu cür görürəm.
Ulu Öndərimiz də bu
cür fikirləşmişdir. Biz bir yerdə olmasaq, həmrəylik göstərməsək, hansısa bir problemin həllini reallaşdıra bilmərik.
Əlbəttə ki, hər bir məsələnin həlli mümkündür.
Hesab edirəm
ki, mətbuat da bu məsələdə funksional
bir təchizat kimi rolunu oynaya bilər,
oynamalıdır. İstər xaricdə azərbaycanlıların
təşkilatlanmasında, həmrəylik ideyasının təbliğində,
diaspor təşkilatlarının
funksionallığının təmin olunmasında, onların
informasiya mübadiləsində, təmərküzləşməsində
və s. mətbuat öz
rolunu oynayır.
(Ardı
var)
ZÜMRÜD
BAYRAMOVA
NƏZAKƏT
ƏLƏDDİNQIZI
Səs.-2011.- 29 dekabr.-S.8-9.