Xocalı soyqırımı
XX əsrin soyqırımıdır
YAP Suraxanı rayon təşkilatında bu mövzuda
tədbir keçirildi
Dünən Yeni Azərbaycan Partiyasının
Suraxanı rayon təşkilatının qərargahında
"Xocalı soyqırımı
XX əsrin soyqırımıdır"
mövzusunda tədbir
keçirildi. YAP Suraxanı rayon təşkilatı 208 saylı
məktəb ilk partiya təşkilatı ilə birgə Xocalı soyqırımının
19-cu ildönümünə və milli qəhrəman
Mübariz İbrahimovun
xatirəsinə həsr
olunmuş tədbirdə
YAP Suraxanı rayon təşkilatının sədri
Vüqar Seyidov, YAP Siyasi Şurasının üzvü, "İki Sahil" qəzetinin baş redaktoru Vüqar Rəhimzadə,
YAP Nizami rayon təşkilatının sədri,
millət vəkili Sədaqət Vəliyeva, Suraxanı rayon icra hakimiyyətinin
başçısı İlqar
Abbasov, millət vəkilləri Sevinc Fətəliyeva və Fərəc Quliyev iştirak edirdi.
Dövlət
Himni səsləndikdən,
torpaqlarımızın və
ərazi bütövlüyümüzün
uğrunda canlarını
qurban vermiş şəhidlərimizin ruhu
bir dəqiqəlik sükutla yad edildikdən sonra tədbirdə çıxış
edən YAP Suraxanı
rayon təşkilatının
sədri Vüqar Seyidov tarix boyu
Azərbaycan xalqının başına
gətirilən bəlalardan
bəhs etdi. Bildirdi ki, Xocalı
soyqırımı da
Azərbaycan tarixinə
ən dəhşətli
və faciəli səhifələrdən biri
kimi daxil olub. V.Seyidov Azərbaycan xalqının
200 il ərzində erməni millətçi
- şovnistlərinin davamlı
olaraq soyqırım siyasətinə, etnik təmizləmə prinsiplərinə
məruz qaldığını
bildirdi. Qeyd etdi ki, Azərbaycan
xalqı zaman-zaman öz tarixi torpaqlarından məhz erməni qəsbkarları
tərəfindən qovulmuş
qaçqın və məcburi köçkünə
çevrilmişdir. Təşkilat sədri azərbaycanlıların
öz tarixi, etnik torpaqlarından ermənilər tərəfindən
çıxarılması prosesinin
hələ sovet dönəmində də baş verdiyini diqqətə çatdırdı.
O, 1948-1953-cü illərdə Ermənistandan 150 mindən
artıq azərbaycanlının
deportasiya olunduğunu,
eyni zamanda, 1988-ci ildən başlayaraq,
250 mindən artıq soydaşımızın dədə-baba
torpaqlarından məhz
ermənilərin məkrli
siyasəti nəticəsində
köçürüldüyünü də vurğuladı. V.Seyidov 1988-ci ildən Dağlıq Qarabağ ətrafında başlayan
hadisələrin məhz
erməni iddialarının
"dənizdən-dənizə
Ermənistan" adlı
sərsəm bir arzunun nəticəsini Azərbaycanın kənd və şəhərlərinin
on minlərlə günahsız soydaşlarımızın
ölümü ilə
müşahidə olunduğunu
söylədi. Amma bütün
bunlara baxmayaraq, beynəlxalq hüquq normalarına zidd olaraq, Ermənistan Dağlıq Qarabağı
özününküləşdirmək kimi yanlış bir niyyətindən də əl çəkməyərək, bu
yolda cinayət və vəhşiliklərə
də hazır olduğunu nümayiş etdirir deyən təşkilat sədri XX əsrin ən böyük faciəsi olan Xocalı soyqırımının
da bu aqressiv
cinayətkar siyasətin
nəticəsi olduğunu
bildirdi. "XX əsrin
sonunda baş vermiş bu faciə təkcə Azərbaycan xalqına deyil, insanlığa bəşəriyyətə qarşı
yönəlmiş ən
ağır cinayətlərdən
biridir. Elə buna görə
də, Xocalı soyqırımı əsrin
Xatın, Xirosimo kimi dəhşətli faciələri ilə bir sırada dayanır" deyən V.Seyidov ermənilərin soydaşlarımızın meyitləri
üzərində belə
təhqiredici hərəkətlərə
yol verməsinin bizlərdə düşmən
qarşı nifrət hissini daha da gücləndirdiyini
vurğuladı.
Amma bütün bunlara baxmayaraq, bu gün Milli Ordumuzun döyüşkən
oğulları, düşməndən
ən an qisas almağa pozulmuş ərazi bütövlüyümüzü təmin etməyə qadirdir - deyən V.Seyidov torpaqlarımızın
azad olunacağı günün çox da uzaqda olmadığını
bildirdi.
Azərbaycanın Milli Qəhrəmanı Mübariz
İbrahimovun timsalında
bu arzuların tezliklə gerçəkləşəcəyini
söyləyən V.Seyidov
onun qəhrəmanlığının
dövlətimiz tərəfindən
də yüksək qiymətləndirildiyini diqqətə
çatdırdı.
Tədbir məktəblilər
tərəfindən Xocalı
soyqırımına, milli
qəhrəman Mübariz
İbrahimovun xatirəsinə
həsr olunmuş bədii kompozisiya ilə daha yadda
qalan oldu.
Tapdıq Qurbanlı
Səs.- 2011.- 22 fevral.- S. 6.