“Heydər Əliyev müasir Azərbaycan dövlətinin qurucusudur"

Bu mövzuda Yeni Azərbaycan Partiyası Xaçmaz rayon təşkilatının və rayon təhsil şöbəsinin ümumtəhsil məktəbləri arasında keçirilmiş inşa yazı müsabiqəsinin qalibləri mükafatlandırılıb

Dünən Yeni Azərbaycan Partiyası Xaçmaz rayon təşkilatı Xaçmaz rayon təhsil şöbəsi ilə birgə ümumtəhsil məktəbləri arasında "Heydər Əliyev müasir Azərbaycan dövlətinin qurucusudur" mövzusunda keçirilmiş inşa yazı müsabiqəsinin yekun mərhələsi keçirilmişdir.

Tədbiri giriş sözü ilə YAP Xaçmaz rayon təşkilatının sədri Nazim Ağayev açaraq, Ulu Öndər Heydər Əliyevin Azərbaycan dövlətinin dünəni və bugünü üçün həyata keçirdiyi daxili və xarici siyasətdən, apardığı islahatlardan, təhsilə, mədəniyyətə, səhiyyəyə və digər sosial sahələrə qayğısından danışmışdır.

Tədbirdə Xaçmaz rayon təhsil şöbəsinin müdiri Mədinə Nurməmmədova, valideynlər adından Ramazan Mədinov, İ.Qayıbov adına Xaçmaz şəhər 3 №-li məktəbin direktoru İslam Zahirov, Xaçmaz rayon təhsil şöbəsi YAP ilk təşkilatının sədri Məhərrəm Abasov müsabiqədə birinci yeri tutmuş Akademik Zərifə Əliyeva adına 8 №-li məktəb liseyin XI sinif şagirdi Aslanova Günay Arif qızı, III yeri tutmuş İ.Qayıbov adına 3 №-li məktəbin IX sinif şagirdi Allahverdiyeva Ayla Elxan qızı çıxış edərək, YAP Xaçmaz rayon təşkilatının həyata keçirdiyi bu layihəni alqışlayaraq, öz minnətdarlıq və təşəkkürlərini bildirməklə rayon gəncləri arasında Heydər Əliyev irsinin öyrənilməsi üçün mühüm əhəmiyyət kəsb etdiklərini söylədilər.

Sonda isə inşa yazı müsabiqəsinin qalibləri mükafatlandırıldı. Beləliklə, akademik Zərifə Əliyeva adına Xaçmaz şəhər 8 №-li məktəb liseyin X1 sinif şagirdi Aslanova Günay Arif qızı 1-ci yer - 300 manat və diplom, A.Məmmədov adına Qusarçay kənd tam orta məktəbin XI sinif şagirdi Məmmədsalahova Şahanə Dostəhməd qızı 2-ci yer və diplom, İsmət Qayıbov adına Xaçmaz şəhər 3 №-li tam orta məktəbin IX sinif şagirdi Allahverdiyeva Ayla Elxan qızı 3-cü yer - 100 manata və diploma layiq görülmüşlər. Eyni zamanda, müsabiqədə fəal iştirak etdiklərinə görə, M.Məmmədov adına Xaçmaz şəhər 4 №-li tam orta məktəbin IX sinif şagirdi İsmayılova Fəridə Akif qızı, Müqtədir qəsəbə tam orta məktəbin IX sinif şagirdi Əhmədova Nərminə Oruc qızı, C.Cabbarlı adına Xaçmaz şəhər 6 №-li tam orta məktəbin XI sinif şagirdi Xıdırova Günay Elçin qızı, N.Nərimanov adına Xudat şəhər 2 №-li tam orta məktəbin IX sinif şagirdi Novruzova Kafiyə Minhac qızı, K.Məhərrəmov adına Xudat şəhər 3 №-li tam orta məktəbin IX sinif şagirdi Niftəliyev Azad İmran oğlu, Qaraçı kənd ümumi orta məktəbin IX sinif şagirdi Ruhullayeva Mətanət Namiq qızı, R.İsrafilov adına Qobuqıraq kənd ümumi orta məktəbin IX sinif şagirdi Mustafayeva Tamilla Faiq qızı, Ə.Fətəliyev adına Bayoba kənd ümumi orta məktəbin IX sinif şagirdi Məmmədrzayeva İntizar Təbriz qızı, M.Qasımov adına Mehrəli qışlaq ümumi orta məktəbin IX sinif şagirdi Vəliyev İsrafil Fariz oğlu, Müqtədir qəsəbə tam orta məktəbin VIII sinif şagirdi Şıxəliyeva Tünzalə Güləhməd qızı, E.Məmmədov adına Bostançı kənd tam orta məktəbin X sinif şagirdi Quliyeva Mehri Mehrəli qızı qiymətli hədiyyə və diplomla təltif olunublar.

R.KAMALQIZI

Səs.- 2011.- 25 fevral.- S. 10.