XX əsrin ən böyük faciəsi
Xocalı soyqırımının 19-cu
ildönümü Səbail rayonunda anıldı
Xocalı faciəsinin ildönümü, respublikamızın
hər yerində olduğu kimi, Səbail rayonunda da geniş şəkildə
qeyd olundu. Dünən Səbail rayon icra hakimiyyətində
faciənin ildönümü
ilə bağlı keçirilən tədbirdə
Xocalı şəhərindən
köçkün düşərək,
rayonda məskunlaşmış
23 ailənin nümayəndələri
ilə görüş
keçirildi. Mərasimində çıxış edən
Səbail rayon icra hakimiyyətinin başçısı Asif
Əsgərov Azərbaycan
xalqının qan yaddaşı olan Xocalı faciəsi, ermənilərin zaman-zaman
xalqımıza qarşı
törətdikləri vəhşiliklər
və bu soyqırımı ilə
bağlı həqiqətlərin
dünya ictimaiyyətinin
nəzərinə
çatdırılması üçün görülməsi
vacib olan işlər barədə ətraflı məlumat verdi.
Səbail rayon icra
hakimiyyətinin başçısı vurğuladı ki,
Xocalı faciəsinin geniş ictimaiyyətə
çatdırılması üçün Ümummilli Lideri
Heydər Əliyevin təşəbbüsü ilə
Azərbaycan Respublikasının Milli Məclisində ilk
dəfə bu məsələyə siyasi qiymət verildi,
faciənin dünya ictimaiyyətinin nəzərlərinə
çatdırılması məqsədi ilə
işlərə başlanıldı. Bu işlərin
nəticəsidir ki, hər il faciənin
ildönümü istər
respublikamızda, istərsə
də, onun hüdudlarından kənarlarda
geniş qeyd olunur, faciə qurbanlarının xatirəsi
yad edilir, dünya ictimaiyyətinə
ermənilərin əsil
iç üzü göstərilir. Bu gün ölkə
Prezidenti cənab İlham Əliyevin apardığı məqsədyönlü
siyasətin nəticəsində
Xocalının, həmçinin,
işğal altında
olan torpaqlarımızın
düşməndən azad
ediləcəyinə, ölkəmizin
ərazi bütövlüyünün
bərpa ediləcəyinə
əmin olduğunu, lazım gələrsə, ölkə
başçısı, Ali
Baş Komandanın əmri ilə silaha sarılaraq, müharibə yolu ilə toraqlarımızın
azad olunması üçün bütün
qüvvələrin səfərbər
ediləcəyini bildirdi:
"Cinayət cəzasız
qalmamalıdır. Ermənistanın
hərbi-siyasi təcavüzü
dünya ictimaiyyəti
tərəfindən ittiham
edilməlidir. Beynəlxalq
təşkilatlar, dünya
dövlətlərinin parlamentləri
Ermənistan Respublikasının
Azərbaycan torpaqlarında
törətdiyi hərbi
cinayətə - Xocalı
soyqırımına əsil
soyqırım hadisəsi
kimi beynəlxalq siyasi-hüquqi qiymət verməlidir".
Tədbirdə
çıxış edən Xocalı rayon icra hakimiyyəti
başçısının Xocalı şəhəri
üzrə nümayəndəsi Yavər Əzimov və
başqaları ölkə rəhbərliyinin səyləri
ilə Xocalının azad olunacağı günü
səbirsizliklə gözlədiklərini və bu
günün tezliklə gələcəyinə əmin
olduqlarını bildirdilər. Tədbirin
sonunda Səbail rayonunda məskunlaşmış
Xocalı köçkünlərinə
rayon icra hakimiyyəti tərəfindən
maddi və ərzaq yardımları təqdim olundu.
R.Hüseynova
Səs.- 2011.- 25 fevral.- S. 10.