BÖYÜK
YOLUN BAŞLANĞICI
Hər bir xalqın tarixində elə hadisələr
baş verir ki, o hadisə xalqın mövcudluğuna, inkişafına, onun öz dövlətini
qurmasına imkan yaradan
şəraitin formalaşması üçün
çox böyük əhəmiyyət
kəsb edir. 42 il bundan əvvəl, Ulu
Öndər Heydər Əliyevin Azərbaycanda birinci şəxs kimi hakimiyyətə gəlməsi Azərbaycan
xalqının tarixində bu nöqteyi-nəzərdən
ən vacib hadisələrdən biridir. Hətta belə hesab
edirəm ki, ən vacibidir. 1969-cu il 14 iyul - Ümummilli Lider Heydər Əliyev bu tarixi gündə hakimiyyətə gəlməklə
gələcək müstəqil Azərbaycan dövlətinin əsasını
qoydu. Bu tarixi gündə Ulu
Öndər Heydər Əliyev böyük
bir yolun
başlanğıcını qoyub.
Bu yol güclü,
qüdrətli, zəngin
lider yolu deməkdir. 1969-cu il iyulun 14-də Ulu Öndər Heydər Əliyev Azərbaycan SSR-ə
rəhbər seçildi.
42 il bundan
əvvəl Azərbaycanda
hakimiyyətə gələn
Heydər Əliyev 2 ən vacib məsələyə
diqqət yetirmiş və bu məsələlərin
reallaşmasına əsas
yaradaraq onları reallığa çevirmişdir.
Bunlardan birincisi, Azərbaycan xalqının formalaşması,
Azərbaycan xalqının
öz xalq sifətinin bir millət kimi, bir xalq kimi
dünyaya çatdırılması
istiqamətində fəaliyyəti
olmuşdur. Digər bir
məsələ isə
Azərbaycan dövlətinin
yaradılmasıdır ki,
burada Dahi Öndər Heydər Əliyevin rolunu qeyd etmək mümkün deyil. Müstəqil dövlət kimi,
müasir dünyanın
iştirakçısı olan
dövlətlər arasında
ən layiqli yeri tutmaq üçün,
bir dövlətin formalaşması üçün
göstərdiyi fəaliyyət
Azərbaycanın işıqlı
gələcəyinə aparan
yolun ilk addımları
olmuşdur.
O vaxt Azərbaycan
Sovet İttifaqının
tərkibinə daxil olan müttəfiq respubikalar içərisində
geridə qalmış
respublikalardan biri idi. Ulu Öndərin hakimiyyətə
gəlişindən sonra
Azərbaycanda xalq təsərrüfatının bütün
sahələrində - sənayedə,
kənd təsərrüfatında,
mədəniyyət sahəsində,
incəsənət, kino,
teatr, rəssamlıq və digər sahələrdə də intibah dövrü başlandı. Bu, əlbəttə, Ulu Öndərin şəxsiyyəti,
titanik fəaliyyəti,
işgüzarlığı, dərin məntiqi, yüksək qabiliyyəti,
intellektual səviyyəsi
ilə bağlı idi. Azərbaycan Ulu Öndərin
ölkəmizə rəhbərlik
etdiyi 1969-1982-ci illərdə
sovet respublikaları içərisində öncül
yerə keçdi.
Bu isə sovet
dövrü üçün
çox böyük bir hadisə idi. Ulu Öndər Heydər
Əliyevin hakimiyyətə
gəlməsi ilə rüşvətxorluğa, korrupsiyaya
qarşı mübarizə
gücləndirildi, xalqımız
özünüdərk prosesində
böyük uğurlara
nail oldu. Çünki
Ulu Öndərimiz Azərbaycan dilinin, tarixinin, mədəniyyətinin,
milli adət-ənənələrinin
qorunması işlərində
dayanmadan çalışdı
və öz töhfələrini verdi. Ümumiyyətlə, elə Azərbaycanın
bütün sahələrinin
var olması, inkişaf etməsi Ümummilli Lider Heydər Əliyevin adı ilə bağlıdır.
Ulu Öndər Heydər Əliyevin hakimiyyətə gəlişi
ilə Azərbaycan qısa zaman kəsiyində ittifaq miqyasında iqtisadi-sosial baxımdan özünü
təmin etməyə
qadir olan respublikalar sırasına daxil oldu. 1993-cü ildə
Ümummilli Lider Heydər Əliyev hakimiyyətə gələndən
sonra separatçı
qüvvələri öz
yerlərində oturtdu,
insanlarda cəmiyyətə,
dövlətə, məmləkətə
inam yaratdı, insanlar küçədə
azad hərəkət
etməyə başladılar.
Azərbaycana uğur gətirən
müxtəlif layihələrə
imza atıldı.
Azərbaycanda bugünkü inkişafın
təməlini qoyan Ulu Öndər Heydər Əliyev yolu var və
təbii ki, Onun qoyduğu yol hər bir
azərbaycanlı üçün
müqəddəsdir. Hər bir azərbaycanlının
borcudur ki, Azərbaycan dövlətinin
daha da yüksəlməsinə
öz töhfəsini
versin. Çünki Ulu Öndər
Heydər Əliyev hakimiyyətə gəlməmişdən
öncə, Azərbaycan
geridə qalmış
aqrar bir ölkə hesab olunurdu. Avqust plenumunda qarşıya
qoyulan əsas məqsəd və vəzifələr ondan ibarət idi ki, Azərbaycan sənaye-aqrar dövlətinə
çevrilməlidir. Ölkəmizin hərbi dövlət quruculuğunda da xeyli işlər görüldü. Cəmşid
Naxçıvanski adına məktəb
Ulu Öndərimizin xeyir-duası ilə açıldı. Eyni zamanda,
insanların sosial-iqtisadi
həyat tərzinin yaxşılaşdırılması, bir sözlə, Azərbaycanın yüksək
bir zirvəyə qalxması baxımından,
avqust plenumunda qarşıya qoyulan vəzifələrin çox
böyük rolu oldu. Ümummilli Lider Heydər
Əliyev bütün
bu işlərin öhdəsindən çox
böyük məharətlə
gəldi. Onun böyük
iradəsi sayəsində,
bu gün Azərbaycan xalqı ən yüksək zirvələri belə fəth etməyə qadirdir. Heydər Əliyev və
Azərbaycan adı bir-birinə sıx bağlıdır. Ümummilli
Liderimiz Azərbaycanı,
Azərbaycan xalqını
dünyaya tanıtdı.
Bu gün artıq Azərbaycan dövləti dünyanın
nüfuzlu dövlətləri
ilə rəqabət aparır, dünyanın ən inkişaf etmiş dövlətləri
ilə danışıqlara
gedir, münasibətlər
qurur. Azərbaycan dövlətinə müstəqil, hüquqi, beynəlxalq bir dövlət kimi yanaşırlar. Azərbaycanda gedən prosesləri yaxşı mənada qəbul edirlər. Xaricdən gələn qonaqlar Azərbaycanın inkişafını
dəstəkləyir və
Azərbaycanın, regionlarımızın,
eyni zamanda, Bakımızın çox
dəyişdiyini, güclü,
sürətli inkişaf
etdiyini söyləyirlər.
Ulu Öndər Heydər Əliyev ideyalarının
tərənnümçüsü olan Yeni Azərbaycan
Partiyası güclü
siyasi təşkilat olmaqla yanaşı, həm də Azərbaycan xalqının
istək və arzularının yeganə
təminatçısıdır. Bu gün Azərbaycan
cəmiyyəti inkişafın
ən yüksək mərhələsindədir. Ölkəmizin əldə etmiş
olduğu iqtisadi-siyasi
potensial imkan verir ki, istənilən
məsələdə ən
yüksək səviyyəli
nəticə əldə
edilsin. Azərbaycanda bütün seçki
prosesləri hər zaman azad və
açıq şəkildə
keçirilib. Bu gün Azərbaycanda söz, nüfuz sahibi olan Yeni
Azərbaycan Partiyası
iqtidar partiyasıdır
və bu partiyaya üzv olan gənclərin sayı həddən artıq çoxdur və YAP ölkənin ən aparıcı partiyasıdır. Ümumiyyətlə, YAP hər an öz işində çox ciddi olubdur. Çünki biz siyasi mübarizədəyik,
iqtidardayıq, üzərimizə
böyük məsuliyyət
düşür və
biz bu məsuliyyəti
dərk edirik.
Bu gün Ümummilli Liderimiz Heydər Əliyevin bizə qoyub getdiyi güclü, müstəqil və zəngin Azərbaycan var.
Bu ölkə artıq
bütün dünyada
özünə nüfuz
qazanıb və dünya millətləri arasında millətimizin də imzası var. Bu imza Ümummilli Liderimiz Heydər Əliyevə məxsusdur. Böyük Öndərin yaratdığı
müstəqil və güclü yeni Azərbaycanı bu gün ölkə Prezidentimiz İlham Əliyev idarə edir, inkişaf etdirir. Prezident İlham Əliyevin
Ulu Öndər Heydər Əliyevin müəyyənləşdirdiyi siyasəti uğurla davam etdirməsi ölkəmizin beynəlxalq
aləmdə mövqeyini
daha da gücləndirir.
ƏHƏD ABIYEV,
Daşkəsən rayon icra hakimiyyətinin
başçısı
Səs.-
2011.- 14 iyul.- S. 3.