Qadınlar hər bir ailənin dayağıdır
YAP Qax rayon təşkilatında 8 Mart Beynəlxalq
Qadınlar Günü ilə bağlı görüş
keçirildi
YAP Qax rayon təşkilatı
8 Mart Beynəlxalq Qadınlar Günü münasibətilə keçirilən
tədbirdə partiya fəalları, rayonun ictimai-siyasi həyatında
səmərəli işlərilə
fərqlənən qadınlar
iştirak edib.
Tədbir iştirakçıları
ilk öncə rayonun mərkəzində
ucaldılan Ulu Öndər Heydər Əliyevin abidəsi önünə tər gül-çiçək dəstələri
qoyublar. Tədbiri giriş sözü
ilə açan YAP Qax rayon təşkilatının
sədri Nizami Əhmədov qadınları
təbrik edərək
vurğulayıb ki, Azərbaycanda gender siyasətinin müasir dövrün tələblərinə
uyğun həyata keçirilməsinin hüquqi
əsasını məhz
Ulu Öndər Heydər Əliyevin təşəbbüsü
və rəhbərliyi altında
1995-ci il noyabrın
12-də qəbul olunmuş
müstəqil Azərbaycanın
Konstitusiyası təşkil
edir: "Beynəlxalq
hüquqi aktlarda və konvensiyalarda əksini tapmış əsas insan hüquq və azadlıqlarının geniş
şəkildə təsbit
olunduğu bu Konstitusiyada qadınların
cəmiyyət həyatındakı
yeri və rolu, qadın siyasətinin fundamental prinsipləri də əksini tapmışdır.
Bu gün Azərbaycan qadınının
həm ailədə, həm işdə, həm də cəmiyyətdəki layiqli
mövqeyi dövlətimizin
uğurlu, xoşbəxt
sabahına, xalqımızın
firavanlığına ən
ciddi təminatlardan biridir. Respublikamızda bərqərar olan demokratik mühit ölkə qadınlarının
zəngin potensialının
gerçəkləşdirilməsi üçün əlverişli
zəmin yaradır".
Tədbirdə YAP Qax rayon təşkilatı qadınlar şurasının
sədri Şəkər
Abdullayeva "Qadınlar
cəmiyyətin əsas
dayağıdır" mövzusunda
məruzə edib. Ş.Abdullayeva çıxışında bildirib ki, Azərbaycan
qadınının müasir
cəmiyyətdəki uğurları,
respublikanın ictimai-siyasi
həyatında qadınların
xüsusi çəkisinin
olması, dövlətimiz
tərəfindən qadınlara
göstərilən diqqət
və qayğının
olmasının təsdiqidir.
YAP Qax rayon təşkilatının qadınlar
şurasının sədri
onu da söyləyib
ki, rayon təşkilatının tərkibindəki
3362 nəfər partiya
üzvünün 1693 nəfəri,
yəni 50 faizi qadınlardır.
Ş.Abdullayeva onu da vurğulayıb ki, bu gün ölkəmizin
bütün qadınları,
o cümlədən, Qax rayonun qadınları
Yeni Azərbaycan Partiyasının Sədri,
ölkə Prezidenti İlham Əliyevin və hər bir azərbaycanlı qadın üçün örnək olan YUNESKO və İSESKO-nun xoşməramlı
səfiri, millət
vəkili Mehriban xanım Əliyevanın ətrafında sıx birləşərək, dövlətimizin
inkişafı naminə
fəaliyyətlərini davam
etdirəcəklər.
Tədbirdə gənc məktəblilər öz
şeir, mahnı və rəqsləri ilə qadınları təbrik etdilər.
Sonda YAP Qax rayon təşkilatı
tərəfindən qadınlar
arasında keçirilən
"YAP və Azərbaycanda
qadın siyasətinin
uğurları" mövzusunda
inşa yazı müsabiqəsinin və
"Mənim ailəm"
mövzusunda əl işi müsabiqəsinin qalibləri diplom və hədiyyə ilə təltif olunublar.
Həmçinin, tədbirdə
partiya sıralarına
yeni qəbul olmuş qadınlara üzvlük vəsiqələri
təqdim olunub.
RƏFİQƏ KAMALQIZI
Səs.- 2011.- 8 mart.- S. 6.