Yeni Azərbaycan Partiyası və müasir Azərbaycan gəncliyi
YAP Sabunçu rayon təşkilatında bu mövzuda
tədbir keçirildi
Dünən yeni Azərbaycan
Partiyasının Sabunçu rayon təşkilatının qərargahında
"Yeni Azərbaycan Partiyası və müasir Azərbaycan gəncliyi"
mövzusunda gənclərin iştirakı ilə tədbir
keçirildi. Sabunçu rayon gənclərinin bir qrupunun və
ictimai-siyasi proseslərdə aktiv olan gənclərin
iştirakı ilə keçirilən tədbirdə
çıxış edən YAP Sabunçu rayon təşkilatının
sədri Mehriban Abasquliyeva İlaxır çərşənbəsi
və qarşıdan gələn milli bayramımız olan
Novruz bayramı münasibəti ilə gənclərə təbriklərini
çatdırdı.
M.Abasquliyeva
çıxışında ölkəmizdə gənclərin
aparıcı rolundan bəhs etdi. Bildirdi ki, müasir
düşüncəli Azərbaycan gəncliyi dövlətimizin
ayrı-ayrı strukturlarında, ictimai-siyasi proseslərdə,
vətəndaş quruculuğu sahəsində təmsil
olunurlar. Əsası Ulu Öndərimiz Heydər Əliyev tərəfindən
qoyulan milli müstəqilliyimizin bu gün özünün ən
yüksək inkişaf dövrünü
yaşadığını diqqətə çatdıran
M.Abasquliyeva gənclərin də bu uğurlu işlərdə
aparıcı qüvvə kimi iştirak etdiyini bildirdi. Qeyd
etdi ki, hələ Ulu Öndərimiz Heydər Əliyev tərəfindən
sovetlər dönəmində belə azərbaycanlı gənclərin
SSRİ-nin ayrı-ayrı ölkələrinə,
dünyanın ən qabaqcıl ali məktəblərində
təhsil almaq üçün göndərilməsi
bugünümüz üçün böyük örnəkdir.
M.Abasquliyeva Ümummilli Liderin ən layiqli
davamçısı olan Prezident İlham Əliyevin gənclərə
xüsusi diqqət və qayğı ilə
yanaşmasının yüksək təzahürlərinin də,
göz önündə olduğunu gənclərin diqqətinə
çatdırdı. Ölkəmizdə gənclər siyasətinin
aparıcı rolundan bəhs edən təşkilat sədri
idmana qayğının, təhsilin ən yüksək səviyyəyə
çatdırılmasının, mədəniyyətimizin
inkişafının təmin edilməsinin kökündə məhz
gənclərin gələcəyi naminə atılan
addımların dayandığını vurğuladı. Son
illər dövlət səviyyəsində gənclərin
ayrı-ayrı proseslərdə aktivliyini daha artırmaq
üçün görülən işlərin atılan
addımların əhəmiyyətinə də toxunan
M.Abasquliyeva təkcə Sabunçu rayonunun timsalında gənclərlə
iş sahəsində əldə olunan uğurların
sadalanmasının kifayət etdiyini söylədi.
Heydər Əliyev Fondunun prezidenti YUNESKO və İSESKO-nun xoşməramlı səfiri, millət vəkili Mehriban xanım Əliyevanın gənclərin elmi biliklərinin artırılması, onların ən intellektual dəyərlərə yiyələnməsi üçün görmüş olduğu işlərə də toxunan M.Abasquliyeva bütün bunların Azərbaycan gəncliyinin savadlı, intellektli, daha mütərəqqi ideyalara sahib olmaq, onların sosial problemlərini təmin etmək, asudə vaxtlarının səmərəli formada təşkilinə hesablandığını vurğuladı. Amma bütün bunların müqabilində bəzi maraqlı qüvvələrin Azərbaycan gəncliyinin potensialından, malik olduğu imkanlardan, xüsusiyyətlərindən özlərinin maraqları üçün istifadəyə cəhdlər etdiklərini söyləyən təşkilat sədri məhz belə xoşagəlməz hallara qarşı gənclərin özlərinin mövqe nümayiş etdirməsinin vacibliyini söylədi. Ölkəmizdə yaradılan yüksək səviyyəli texniki imkanlardan yararlanaraq, internet və digər şəbəkələrdə gənclərimizin xüsusi olaraq, fəallıq nümayiş etdirdiyini və onların bu imkanlardan daha doğru formada yararlanmasının vacibliyini də M.Abasquliyeva gənclərin diqqətinə çatdırdı.
Sağlam düşüncəli
Azərbaycan gəncliyi
gələcəyimizin qarantıdır
YAP Sabunçu rayon təşkilatının gənclər birliyinin sədri Rəşad Abasəliyev də çıxışında ölkəmizdə gənclərlə iş sahəsində əldə olunan uğurlardan bəhs etdi. Bildirdi ki, gənclik bu gün özünün sağlam düşüncəsinə, elmi təfəkkürünə və güclü dövlətinə arxalanır. Məhz dövlətimiz tərəfindən gənclər siyasətinə xüsusi önəm verilməsinin nəticəsi olaraq, azərbaycanlı gənclərin ən mötəbər idman və bilik yarışlarında böyük uğurlara imza atdığını qeyd edən R.Abasəliyev həyata keçirilən bütün uğurlu işlərin gənclərin yüksək həyat tərzi yaşamasına xidmət etdiyini söylədi. R.Abasəliyev Ulu Öndərəmiz Heydər Əliyevin uğurlu və möhtəşəm gənclər siyasətinin Onun ən layiqli davamçısı olan Prezident İlham Əliyev tərəfindən böyük əzmlə davam etdirildiyini vurğuladı. Son illərdə ölkəmizin öz inkişafında əldə etmiş olduğu ən yüksək göstəricilərin məhz gənclərin də, həyatından yan keçmədiyini onların müxtəlif proseslərdə daha aktiv formada iştirakını təmin etmək üçün zəruri addımların atıldığını da gənclərin diqqətinə çatdıran R.Abasəliyev bələdiyyə və parlament seçkilərində gənclərə verilən xüsusi önəmin bunun bariz nümunəsi olduğunu bildirdi. Çox təəccüb və təəssüf doğuran məqamlardan biri də odur ki, bu gün bir sıra dairələr gəncliyimizi yanlış istiqamətə yönəltməklə öz maraqlarını təmin etməyə çalışdıqlarını bildirən R.Abbasəliyev dövlətinə və xalqına sadiq olan müasir Azərbaycan gəncliyinin isə bu cür provakasiyalara qarşı iradə nümayiş etdirdiyini vurğuladı.
Azərbaycan gəncliyi dövlətinə və xalqına həmişə
sadiq olub
Tədbirdə gənclər adından çıxış edən Lamiyə Cəlilova Azərbaycan gəncliyinin böyük qüvvəyə malik olduğunu bildirdi. Qeyd etdi ki, Uca Tanrının insana bəxş etdiyi gənclik cığırından səmərəli formada istifadə edilməsinin zəruriliyini bildirdi. L.Cəlilova müasir gəncliyimiz milli ruhun ən böyük daşıyıcısı olduğunu və heç bir halda neqativ hallara, yanlış istiqamətlərə yönəlməyəcəyinə əminliyini ifadə etdi.
Sabunçu rayon gənclərinin digər təmsilçisi Emin Yusifov da gənclərin müasir elmi biliklərə sahib olduğunu, onların öz gələcəklərini artıq indidən möhkəm təməllər üzərində qurulduğunu bildirdi. Bu gün bir çox internet məkanlarında, sosial şəbəkələrdə müəyyən qrupların toruna düşmüş gənclərin doğru yola gəlməsi üçün YAP ətrafında cəmləşmiş gənclər olaraq, onların üzərinə mühüm vəzifənin düşdüyünü söyləyən E.Yusifov gələcəyin məhz onların əlində olduğunu da diqqətə çatdırdı.
Tədbirdə çıxış edən digər gənclər də ölkəmizdə gənclər siyasətinin əhəmiyyətinə toxundular. Sonda YAP sıralarına qəbul olmuş bir qrup gəncə partiya vəsiqələri təqdim edildi.
Tapdıq Qurbanlı
Səs.- 2011.- 6 mart.- S. 4.