Əbu-Dabi Beynəlxalq Kitab Sərgisi açılıb
Birləşmiş Ərəb
Əmirliklərində Yaxın
Şərqin ən böyük kitab sərgilərindən biri
olan Əbu-Dabi Beynəlxalq Kitab Sərgisinin təntənəli
açılışı olmuşdur. Azərbaycan Respublikası Mədəniyyət
və Turizm Nazirliyinin əməkdaşı,
respublikamızın sərgi
üzrə əlaqələndiricisi
Elbəy Əlinin Əbu-Dabidən verdiyi xəbərə görə
möhtəşəm kitab
bayramının kataloqunda
Azərbaycan da yer almışdır. 168 adda 265 nüsxə kitabla, ölkəmizi tanıdan çox sayda informatik bülletenlər, albomlar, büroşurlar, jurnallar və kataloqlarla tədbirə qatılan milli ekspozisiya ilk gündən böyük maraq doğurmuşdur.
Elbəy Əli
bildirmişdir ki, bu ilin sentyabr ayının 26-30-u arası II
Bakı Beynəlxalq Kitab Sərgi-Yarmarkasının
keçiriləcəyi nəzərə alınaraq, il ərzində
Azərbaycan kitab sənətinin uğurları dünyanın
ən nüfuzlu sərgi-yarmarkalarında nümayiş etdiriləcəkdir.
London, Moskva, Frankfurt, İstanbul, Minsk və digər şəhərlərdə
təşkil olunan ənənəvi sərgilər bu
sıradandır.
Zümrüd
Səs.- 2011.- 17 mart.- S. 12.