Milli adət-ənənələrimizə dövlətimiz tərəfindən böyük hörmət və ehtiram mövcuddur

Daşkəsəndə Novruz bayramı ilə bağlı yüksək səviyyəli tədbirlər keçirilib

Dünən bolluq rəmzi olan Novruz bayramının gəlişini arzulayan daşkəsənlilər bu el bayramını böyük təmtəraqla və coşqu ilə qeyd ediblər. Rayonun ulu öndər Heydər Əliyevin adını daşıyan meydanıda təxminən 10 mindən çox daşkəsənli bayram tədbirinə qatılıb. Bayram şənliyinin iştirakçıları və Daşkəsən rayon icra hakimiyyətinin başçısı Əhəd Abıyev ilk olaraq ulu öndər Heydər Əliyevin adidəsini ziyarət edib, abidə önünə gül dəstələri düzüb.

Tədbirdə çıxış edən Ə.Abıyev qeyd edib ki, bu gün Azərbaycanda ictimai-siyasi sabitlik mövcuddur. Ə.Abıyev ölkəmizin paytaxtı və iri şəhərləri ilə yanaşı ucqar rayonlarımızın, kəndlərimizin bu gün öz inkişaf dövrünü yaşadığını bildirib. Bu gün respublikamızın hər bir bölgəsində yeni-yeni iş yerləri açılır, yollar salınır, məktəblər tikilir deyən Ə.Abıyev əhalinin rifah halının da, yaxşılaşdığını vətəndaşlarımızın həyat səviyyəsinin yüksəldiyini bildirib. Məhz ölkə Prezidenti İlham Əliyevin həyata keçirdiyi uğurlu daxili və xarici siyasətin təzahürü olaraq respublikamızın hər yerində olduğu kimi Daşkəsən rayonunda da, günü-gündən yüksələn inkişafın müşahidə edildiyini bildirən Ə.Abıyev bundan sonra daha böyük ğuruların təminatı üçün münbit şəraitin olduğunu dilə gətirib. "Bizlər bu el bayramını belə əmin-amanlıq və bol ruzi ilə qeyd ediriksə bu Ulu Öndər Heydər Əliyevin həyata keçirdiyi uzaqgörən siyasətinin nəticəsidir. Novruz bayramı bizə babalarımızdan yadigar qalıb. Sovetlər dönəmində bu el bayramı gizli şəkildə evlərdə qeyd edilib. Müstəqillik qazanıldıqdan sonra dahi siyasi xadim Ulu Öndər Heydər Əliyev xalqın milli mənəvi dəyərlərinin yaşadılmasının vaciblini önə çəkib. Novruz bayramı başda olmaqla digər el şənliklərimiz bu gün açıq və təntənəli şəkildə keçirilir. Burada mən ağsaqqaları, ağbirçəkləri, ziyalıları, Yeni Azərbaycan Partiyasının üzvlərini gördüm. Doğrudan da xalqımız öz dövlət başçısına sədaqətlidir və daim onu dəstəkləyir" deyə Ə.Abıyev əlavə edib.

Tədbirdə, həmçinin, hazırlanmış bayram təamları, sənaye və kənd təsərrüfatı məhsullarından ibarət sərgi də təşkil olunub. Eyni zamanda rayon pəhləvanlarının və idmançıların nümunəvi çıxışları nümayiş olunub, Novruz tonqalı qalanıb.

Daşkəsəndə bayram tədbiri yerli və paytaxtdan dəvət olunan mədəniyyət işçilərinin maraqlı konsert proqramalı lə davam etdirilib.

Ötən gün Daşkəsən rayon mərkəzində keçirilən tədbirlərin davamı olaraq Novruz şənliyi daha sonra "N" saylı hərbi hissədə davam edib. Daşkəsən rayon icra hakimiyyətinin başçısı və digər rəsmi şəxslər ön cəhbədə xidmət aparan Silahlı Qüvvələrimizin şəxsi heyyətini Novruz bayramı münasibəti ilə təbrik edib. Hərbiçilər qarşısında çıxış edən Ə.Abıyev qeyd edib ki, Azərbaycanda istər Silahlı Qüvvələrin maddi texniki təminatı, istərsə də peşəkar hazırlığı yüksək səviyyədədir. İndi Azərbaycan Ordusunun şəxsi heyyətini NATO və digər beynalxalq qurumların tərkibində ən ağır bölgələrdə görmək olar deyən Ə.Abıyev Azərbaycan Ordusunun ümumi büdcəsinin Ermənistanın ümumi büudcəsindən çox olduğunu bildirib. "Silahlı Qüvvələrimizdə nizam-intizam yüksək səviyyədə təşkil olunub. Əsgər və zabitlərimizdə döyüş hazırlığı var. Sizləri buradan, ön cəhbədən salamlamaqdan qürur duyuram. Bu gün hər bir azərbaycanlının orduya diqqət və qayğı ilə yanaşması vətəndaşlıq borcudur" deyə Ə.Abıyev əlavə edib.

Tədbirdə xidmətdə fərqlənən əsgər, gizir, zabit heyətinə mükafat və fəxri fərmanlar təqdim olunub və bayram sovqatları verilib.

Tapdıq Qurbanlı

Səs.- 2011 .- 19 mart.- S. 9.