Azərbaycan qış turizmi ölkəsinə çevrilir
İlham Əliyev: "Şahdağ Turizm Kompleksi
ölkəmizdə dağ xizək və digər qış
idman növləri ilə məşğul olmaq
üçün geniş imkanlar yaradacaq"
Hazırda turizm planetar miqyasda sürətlə inkişaf
edən biznes sahələrindəndir. Dünya
üzrə ümumi milli məhsulun 10 faizi, ixracatın 8 faizi beynəlxalq turizmin payına düşür. Göstərilən
xidmətlərin təqribən
üçdə biri beynəlxalq turizm vasitəsilə həyata keçirilir. Dünyada əmək qabiliyyətli əhalinin 8,1 faizi turizm industriyasında və onunla bağlı iqtisadiyyat sahələrində məşğuldur.
Bəs Azərbaycanın
turizm imkanları necədir, qış turizmi hansı perspektivlər vəd edir. Bu yazımızda
bu suallara aydınlıq gətirməyə
çalışcağıq.
Zəngin mədəni-tarixi irsə
və əlverişli
təbii şəraitə
malik olan Azərbaycan turizm sahəsində böyük
inkişaf perspektivlərinə
malikdir. Ölkəmizdə
turizmin əksər növlərinin kənd, müalicə-sağlamlıq, ekoloji,
mədəni, sosial və s. inkişafı
üçün geniş
imkanlar mövcuddur.
Azərbaycanda 2002-2005-ci illərdə
turizmin inkişafına
dair Dövlət Proqramının həyata
keçirilməsi nəticəsində
turizmin inkişafı
üçün münbit
şərait yaradılıb.
Beynəlxalq turizm bazarına inteqrasiyanın
təmin olunmasının
əsası qoyulub, eyni zamanda, milli
turizm kompleksinin rəqabətə davamlılığı
yüksəlib.
2002-ci ildə ölkədə fəaliyyət göstərən
mehmanxana və mehmanxana tipli müəssisələrin sayı
94 olduğu halda ötən dövr ərzində onların sayı 4 dəfə artaraq 370-ə çatıb.
Bu obyektlərdə ümumi yerlərin sayı da 2002-ci illə müqayisədə
təxminən üç
dəfə çoxdur.
Bildiyiniz kimi, turizm sahəsində çalışanların peşə
hazırlığının artırılması məqsədi
ilə 2006-cı ildə
Turizm İnstitutu da yaradıldı. Onun nəzdində isə müxtəlif peşələr üzrə
daimi fəaliyyət göstərən kurslar açılıb.
Əvvəllər Azərbaycanda cəmi 3-4 turizm şirkəti var idi. Hazırda
isə 300-dən çox
turizm şirkəti fəaliyyət göstərir.
Onlar arasında artıq rəqabət də güclənir.
2002-ci ildən başlayaraq, hər il Azərbaycanda
beynəlxalq turizm sərgisi təşkil olunur. Görülən kompleks işlərin nəticəsi olaraq ölkəyə gələn
turistlərin sayı ilbəil artmaqla yanaşı, ölkədə
fəaliyyət göstərən
turizm şirkətləri
şəbəkəsi genişlənir.
Hazırda respublikada
123-dən çox turizm
müəssisəsi lisenziya
əsasında fəaliyyət
göstərir.
Bununla yanaşı, turizmin inkişafı və turizm sektorunun ölkə iqtisadiyyatının aparıcı
sahələrindən birinə
çevrilməsi bu gün Azərbaycanda ən mühüm vəzifə olaraq qarşıda durur. Son illər Azərbaycanda əldə olunan sosial-iqtisadi irəliləyiş bu vəzifənin yeni imkanlara adekvat səviyyədə həllinə
şərait yaradır.
"Azərbaycan Respublikasında
2010-2014-cü illərdə turizmin inkişafına dair Dövlət Proqramı" ölkədə
turizmin rastlaşdığı
problemlərin həll
olunması və turizm sahəsinin daha da inkişafının
təmin edilməsi üçün hazırlanıb.
Məlum olduğu
kimi, bu il Azərbaycanda
"Turizm ili" elan olunub. Hazırda xarici
ölkələrdən ölkəmizə
turistləri cəlb etmək üçün tədbirlər görülür.
Xarici ölkələrdə Azərbaycanın
turizm imkanları ilə bağlı ciddi təbliğat aparılır. Bunun, ilk növbədə,
ölkəmizin büdcəsinə
xeyiri var. Çünki
nə qədər çox turist gələrsə, bir o qədər çoxlu pul ölkəmizdə sərf olunar. Turistlər burada otellərə, restoranlara, mağazalara külli miqdarda pul xərcləyirlər.
Azərbaycan üçün
turizmdə ən böyük bazar Rusiya və keçmiş SSRİ respublikaları
ola bilər.
Cənub ölkələrindən isə
turistlər əsasən
qış turizminə
üstünlük verirlər. Azərbaycanda bu sahədən də gəlir götürmək üçün
böyük imkanlar
var. İndiyədək bizdə
qış turizmi yox idi, turizm
yalnız yay mövsümünə uyğun
qurulurdu. İndi isə,
Şahdağda böyük
bir qış turizm kompleksi yaradılır.
Yeri gəlmişkən, srağagün
Azərbaycan Prezidenti İlham Əliyev idmanın və turizmin inkişafı istiqamətində həyata
keçirilən geniş
infrastruktur layihələrindən
biri olan Şahdağ Qış-Yay
Turizm Kompleksinin 2 nömrəli kanat və xizək enişinin açılışında
iştirak edib.
Dövlət başçısının
da qeyd etdiyi
kimi, bu dağ-xizək kurortunun fəaliyyətə başlaması
nəticəsində burada
minlərlə yeni iş yerləri açılacaq, insanlar işlə təmin olunacaq, yaxşı maaş alacaqlar.
Gerçəkdən, şimal zonasının
inkişafı üçün
bu kurortun çox böyük önəmi var. Qusar, Quba və ətraf
rayonlarda yaşayan vətəndaşlar işlə
təmin olunacaq, burada ən yüksək xidmət təşkil ediləcək.
Kompleksdə müasir hotellər,
əyləncə yerləri
tikilir.
Prezident qeyd edib ki,
bu kompleksin yaradılma üçün
dünyanın ən qabaqcıl təcrübəsi
öyrənilib, ən
inkişaf etmiş ölkələrin dağ-xizək
imkanları araşdırılıb
və burada ən qabaqcıl texnologiyalar, ən gözəl təcrübə
tətbiq olunur.
Qeyd edək ki, Şahdağ
Qış-Yay Turizm Kompleksinin inşasına
2009-cu ilin sentyabrında
başlanılıb. Prezident
İlham Əliyevin birbaşa tapşırığı
ilə Qusar şəhərindən 30 kilometr
şimalda, rayonun Dağlıq Alayan kəndi ərazisində yerləşən Şahdağ
Qış-Yay Turizm Kompleksində inşaat işləri yüksək
standartlara uyğun olaraq həyata keçirilir. Tikinti işlərinin gedişinə
Mədəniyyət və
Turizm Nazirliyi nəzarət edir.
Şahdağ Milli Parkının ərazisində salınan
bu kompleksin tikintisi ölkəmizdə
dağ xizək və digər qış idman növləri ilə məşğul olmaq üçün geniş imkanlar yaradacaq. Kompleksdə tikinti
işlərini yerli və xarici mütəxəssislərdən ibarət briqadalar yerinə yetirirlər.
Qeyd edək ki, bu
ilin sonuna qədər artıq bu gözəl kurortun açılışı
gözlənilir. Əslində, bu, böyük
tarixi hadisədir.
İlk dəfə olaraq Azərbaycanda dağ-xizək
kurortu yaradılır.
Birinci mərhələdə bütün
investisiyalar dövlət
tərəfindən qoyulur.
Yollar, elektrik, qaz, su xətləri, infrastuktur, birinci mehmanxana dövlət tərəfindən yaradılır.
Şübhə yoxdur ki, gələcək illərdə
burada əlavə investisiyalar qoyulacaq. Nəticədə Azərbaycan dünyada
həm də qış turizmi ölkəsi kimi tanınacaq.
Elçin Bayramlı
Səs.- 2011.- 3 mart.- S. 3.