“Heydər
Əliyev Müstəqil Azərbaycanın memarı və qurucusudur"
Dünən YAP Gəncə şəhər
təşkilatında Ulu Öndər Heydər
Əliyevin anadan olmasının 88-ci ildönümü ilə əlaqədar olaraq "Heydər Əliyev müstəqil
Azərbaycanın memarı və qurucusudur"
mövzusunda elmi-praktik
konfrans keçirildi. Gəncə şəhər icra
hakimiyyəti və YAP Gəncə şəhər
təşkilatının birgə təşkil etdikləri konfransın
iştirakçıları, əvvəlcə Ulu
Öndərin şəhərin baş
meydanında ucaldılan əzəmətli abidəsini
ziyarət etdilər, abidə önünə əklil və
tər çiçək dəstələri qoyaraq, Onun
xatirəsini etiramla yad
etdilər. Şəhər ziyalılarının, elm, təhsil, mədəniyyət,
incəsənət, hüquq-mühafizə, sənaye və
nəqliyyat işçilərinin, ictimaiyyət
nümayəndələrinin iştirak etdiyi konfransı giriş sözü ilə Gəncə
şəhər icra hakimiyyətinin başçısı
Elmar Vəliyev açdı. Tədbir
iştirakçıları Ümummilli Liderin əziz xatirəsini bir
dəqiqəlik sükutla yad
etdilər. Sonra Azərbaycan
Respublikasının Dövlət Himni
səsləndirildi. Gəncə şəhər
icra hakimiyyətinin
başçısı Elmar Vəliyev
çıxış edərək qeyd etdi ki, Azərbaycan
müstəqilliyinin dönməzliyi və əbədiliyi, milli dövlətçilik
ideologiyasının formalaşması, siyasi
və iqtisadi sahələrdə
inkişafı yalnız Ümummilli Liderimiz Heydər Əliyevin adı ilə
bağlıdır: "Dahi
şəxsiyyət, uzaqgörən siyasətçi daim qədim Gəncə
şəhərinə, gəncəlilərə diqqət
və qayğı ilə yanaşmışdır. Onun siyasi kursunun həyata
keçirilməsi və Azərbaycan Prezidenti
cənab İlham Əliyev
tərəfindən uğurla davam etdirilməsi sahəsində
şəhərimiz inkişaf
edərək, respublikanın ikinci
sənaye və mədəniyyət mərkəzinə çevrilmiş, bu gün Avropa standartları
səviyyəsində tanınan gözəl bir şəhər olmuşdur".
"Heydər Əliyev müstəqil
Azərbaycanın memarı və qurucusudur"
mövzusunda çıxış edən
YAP Gəncə şəhər təşkilatının
sədri İsrafil İsmayılov bildirdi ki, Azərbaycan
xalqı müstəqillik uğrunda
mübarizəsində, Azərbaycanda müstəqil
dövlət quruculuğunda Ümummilli Lider Heydər
Əliyevin müstəsna xidmətləri vardır.
İ.İsmayılov onu da söylədi ki, Azərbaycanın öz tarixinin bütün mərhələlərində müstəqil dövlət quruculuğu uğurlara nail olmuşdur. Bu gün bu siyasi məktəbin layiqli davamçısı ölkə Prezidenti cənab İlham Əliyevin qətiyyəti, cəsarəti və rəhbərliyi ilə müstəqil Azərbaycan parlaq gələcəyə doğru inamlı irəliləyir. Gəncə şəhər təşkilatının sədri şəhərdə aparılan uğurlu işlərdən də danışdı. Bildirdi ki, bu nailiyyətlər və inkişaf ölkə Prezidenti İlham Əliyev cənablarının düzgün və məqsədyönlü siyasətinin nəticəsidir. İADAU- nun rektoru, professor Mirdamət Sadıqov "Heydər Əliyev və müstəqil Azərbaycanın iqtisadi inkişafının uğur modeli", Gəncə Regional Elm Mərkəzinin direktoru, professor Fuad Əliyev "Heydər Əliyev və Gəncə", ADAU-nun kafedra müdiri, dosent Məleykə Əlizadə "Heydər Əliyevin neft strategiyası Azərbaycanın hərtərəfli inkişafının əsasıdır" mövzusunda məruzə ilə çıxış edərək, Ümummilli Liderin hakimiyyəti dövründə Azərbaycanda əldə olunan uğurlardan danışdılar. Konfransda Ulu Öndər Heydər Əliyevin 88-ci ildönümü ərəfəsində Ulu Öndərə dərin məhəbbət və rəğbət ifadəsi olaraq, Yeni Azərbaycan Partiyası sıralarına qəbul edilmiş 700 nəfər gəncin bir qrupuna partiya vəsiqələri təqdim edildi. Elmi-praktik konfransda Ümummilli Lider Heydər Əliyevin anadan olmasının 88-ci ildönümünə həsr edilmiş ümumşəhər tədbirlərində fərqləndiklərinə görə, bir qrup fəal gənc YAP Gəncə şəhər təşkilatı tərəfindən diplom və tərifnamə ilə təltif olundular. Tədbirin sonunda elmi-praktik konfrans iştirakçıları tərəfindən bəyanat qəbul edildi.
RƏFİQƏ
Səs.- 2011.- 7 may.- S. 14.