"Səs" qəzeti ölkəmizin ikinci müstəqilliyi ilə yaşıddır

“Səs" qəzetini 20 illik yubileyi ilə əlaqədar hər şeydən əvvəl qəzetin yaradıcı kollektivini, redaksiya heyətini ürəkdən təbrik edirəm. Bu neçə illərdə "Səs" qəzetinin redaksiyasında, bu qəzetin kollektivində çalışan insanların fədakar əməyini yüksək qiymətləndirirəm. Düşünürəm ki, müstəqilliyimizdən keçən çox qısa bir müddət ərzində, dövlətçiliyimizin daha da möhkəmlənməsi, inkişaf etməsi və əbədi olması üçün Ulu Öndər Heydər Əliyev göstərmiş olduğu fəaliyyət çərçivəsində öz işini quran əsas məqsədini də bu ideyaların möhkəmlənməsinə Ümummilli Liderin siyasi kursun iştirakçılarının fəaliyyətinə həsr edən "Səs" qəzetini ürəkdən təbrik edirəm. Arzu edirəm ki, bu qəzet daha böyük yaradıcı uğurlara imza atsın. Çünki hər şeydən əvvəl "Səs" qəzeti bir yaradıcı və qələm əhlinin toplaşdığı bir təşkilat olmaqla yanaşı, eyni zamanda, siyasi bir təşkilatdır. Mən bunu belə dəyərləndirirəm. Çünki "Səs" qəzeti yaradıcı kollektiv olmaqdan daha çox, eyni zamanda, dövlətçiliyimizin qarşısında dayanan siyasi məqsədlərinin reallaşması istiqamətində öz səylərini göstərdiklərinə görə, həm də bu qəzetə siyasi uğurlar arzulayıram. Doğrudur, mətbuatın siyasiləşməsi daha çox siyasi mövqedə dayanması çox zaman müzakirə predmeti olur. Amma bunu hər kəs bilir ki, ayrı-ayrı ölkələr xalqlar öz müstəqilləklərini yeni əldə etdikdə dövlətlərini yeni qurmağa başladıqda, məhz mətbuat orqanlarının bir çoxu öz başlıca fəaliyyətindən daha çox buk imi məqsədlərin yerinə yetirilməsinə səfərbər olur. Hesab edirəm ki, "Səs" qəzetinin fəaliyyətini şərtləndirən ən birinci göstərici də məhz budur. Və bu illər ərzində "Səs" qəzeti bunun öhdəsindən ləyaqətlə gəlməyi bacarıb. Burada çalışan əməkdaşlar bir ziyalı, yazıçı, bir qələm əhli olmaqdan daha çox bir vətənpərvər insan, eyni zamanda, öz ölkəsinin, xalqının mənafeyini maraqlarını hər şeydən üstün tutan əsil vətəndaşlar kimi çıxış ediblər. Mən bir daha sizi ürəkdən təbrik edirəm və arzu edirəm ki, "Səs" qəzeti xalqımızın dövlətimizin uğurlarının səsini sədasını bütün dünyaya çatdırsın. Demək olar ki, "Səs" qəzeti ölkəmizin ikinci müstəqillyi ilə yaşıddır. Bu illər ərzində görülən bütün işlərdə qəzet bilavasitə yaxından iştirak edib. Amma hələ dövlətimiz və xalqımız üçün görüləsi işlər çox olduğu üçün hesab edirəm ki, "Səs" qəzetinin bu missiyası da uğurla davam edəcək.

Bahar MURADOVA

Səs.- 2011.- 11 yanvar.- S. 16.