“Səs” qəzeti böyük bir ideologiya yolu keçmişdir

Müstəqil Azərbaycanda kütləvi informasya vasitələrinin sayı durmadan artmaqdadır. Mütaliəni sevən, onun mənəvi vacibliyini, zərurətini dərk edən insanlar KİV-lərdən istifadə etmədən yaşaya bilməz. KİV-lər içərisində iqtidaryönümlü qəzetlərin xidməti mənim üçün daha yüksək qiymətə layiqdir. Vaxtilə Üzeyir bəy Hacıbəyovun bir felyetonunda deyilirdi ki, məşədi, qəzetiniz bağlansa nə olar? O, öz cavabında bildirirdi ki, "lal, kar, kor olarıq". Bu baxımdan da Yeni Azərbaycan Partiyası yarandığı gündən "Səs" qəzeti bu partiyanın səsi, ürək sədası olub. Partiyanın mövqeyini, məramını, nizamnaməsini, məqsədini "Səs" qəzeti bütün dünya ictimaiyyətinə çatdırıb. Azərbaycan xalqının Ulu Öndəri Heydər Əliyev bildirirdi ki, mənim üçün ən əziz qəzet "Səs" qəzetidir. Bu gün böyük iftixar hissi ilə demək istəyirəm ki, Yeni Azərbaycan Partiyasının ovqatını cəmiyyətimizə çatdıran, Partiyanın mövqeyini geniş oxucu auditoriyasına təqdim etməyi bacaran "Səs" qəzeti, doğrudan da, böyük bir ideologiya yolu keçmişdir. İstər iqtidarın, cəmiyyətimizin tərəqqisi, inkişafı, insanlarımızın rifahı üçün atmış olduğu unikal addımları geniş ictimaiyyətə təqdim etməklə, istər gənclərimizə YAP-ın ideologiyasının təqdim edilməsində, istər müxalifətin iç üzünün təqdim edilməsində, istərsə də cəmiyyətimizdə baş verən ictimai-siyasi hadisələrin işıqlandırılmasında, Azərbaycanın mövqeyinin dünyaya çatdırılmasında "Səs" qəzetinin əvəzedilməz rolu mövcuddur. Bir oxucu kimi "Səs" qəzetində dərc edilən hər bir yazını oxuyarkən məndə bir əhval-ruhiyyə formalaşır ki, bu qəzetin əməkdaşları bütün varlıqları, ağılları, zəkaları, sədaqətləri ilə, Yeni Azərbaycan Partiyasının mövqeyində möhkəm dayanan, lazım gələndə bu partiyanın ideologiyası uğrunda həyatlarından keçən insanlardır. Bu qəzetin mövqeyi, əhval-ruhiyyəsi insanlara məhz bunları aşılayır. Cəmiyyətdə gedən ictimai-siyasi hadisələr bu günləri ən çox "Səs" qəzetində işıqlandırılır.

Ona görə də, qarşıdan gələn 20 illik yubileylə bağlı "Səs" qəzetinin əməkdaşlarına onun hər bir səhifəsini zəhmətlə diqqətdən keçirən insanlardan, onun hər kəlməsi, hər fikiri üçün əmək sərf edən ömür sərf edən insanlara təşəkkür edirəm ki, respublikamızın ən böyük siyasi qüvvəsi olan YAP-ın fəaliyyətini məhz bu cür təqdim edib işıqlandıra bilirlər.

Ulu Öndərimiz Heydər Əliyevin qurub yaratmış olduğu Yeni Azərbaycan Partiyası Onun ideoloji qanadları olan "Səs" qəzeti və bu qəzetin əməkdaşları bu günləri, doğrudan da, respublikamızın ən hünərvər, haqq arayan insanlarıdırlar. Mən bu haqq aramaq yolunda "Səs" qəzetinin hər bir əməkdaşına böyük dəyanət, qüvvət arzulayıram. Ağlınız, zəkanız, biliyiniz güclü olsun, qələminiz iti, ən əsası canınız möhkəm olsun ki, sizlər bu mühüm işlərin öhdəsindən layiqincə gələ biləsiniz.

Nurlanə Əliyeva

Səs.- 2011.- 11 yanvar.- S. 16.