Ermənilər dini siyasət üçün
bir alətə çeviriblər
Qriqoryan kilsəsinin qəbul etdiyi qərarları erməni
diasporu hər zaman böyük həvəslə icra edir
Dünyada erməni kilsəsinin vermiş olduğu qərar,
erməni diasporası tərəfindən əmr kimi
qarşılanır. Terrorun, işğalın,
riyakarlığın da məhz bundan qaynaqlandığı bəllidir.
Erməni kilsəsinin dini pərdə altında terrorla məşğul
olmasına Azərbaycan cəmiyyətində birmənalı
fikir mövcuddur. Eyni zamanda, ölkə ziyalıları, cəmiyyətin
aktiv təbəqəsinin nümayəndələri, siyasi icmalçılar
da bu məsələyə konkret fikir bildirirlər.
Azəri-Türk Qadınları ictimai birliyinin sədri
Tənzilə Rüstəmxanlı: "Erməni kilsəsinin
dindarları bizim millətə qarşı düşmənçilik
siyasətinin başında dayanırlar"
- İlk öncə qeyd edim ki,
Türkiyə-Ermənistan, Ermənistan-Azərbaycan arasında
olan bütün münaqişələrin başında
və bu konfliktlərin mərkəzində
hər zaman erməni kilsəsi dayanıb. Eyni zamanda, bütünlüklə
fitnə-fəsadlı qərarlar
erməni kilsəsi tərəfindən verilib.
Bu, baxımdan da, erməni diasporasının ən çox eşitdiyi, sitayiş etdiyi və qərarlarına uyduğu erməni kilsəsidir. Bu hər zaman belə olub və bu gün
də, belədir. Yəni, erməni kilsəsinin qəbul etdiyi qərarları erməni diasporu hər zaman böyük həvəslə
icra edib. Məhz tarixə nəzər salsaq, görərik ki, bütün münaqişələr, Türkiyə
və Azərbaycan türklərinə qarşı
düşmənçilik, Qarabağda aparılan qırğınlar, 1905-1907-ci illərdə
soydaşlarımıza qarşı
həyata keçirilən
vəhşiliklərin başında
erməni kilsəsinin dayandığını
sübut edən kifayət qədər faktlar mövcuddur. Bu gün də,
erməni diasporu həmin fəaliyyəti yerinə yetirir. Onlar bizim millətin
əleyhinə, şər
və böhtanlarla, yalanlarla bağlı nə danışırsa,
bunların hamısı
erməni kilsəsinin
vermiş olduğu qərarlara bağlıdır.
Belə bir tendensiya isə nə müsəlman, nə də ki, xristian dinində mövcuddur. Amma başlıca fakt odur ki, erməni
kilsəsinin dindarları
bizim millətə qarşı düşmənçilik
siyasətinin başında
dayanırlar. Bu səbəbdən də, erməni diasporu, erməni Qriqoryan kilsəsinin əlində əsirə çevrilib. Onun vermiş olduğu qərarlar erməni diasporu tərəfindən proqram
şəklində həll
edilir. Elə qondarma erməni soyqırımı məsələsini
də məhz din adamlarının gündəmdə saxlaması
Qriqoryan kilsəsinin bu işdə rolunu açıq şəkildə büruzə
vermiş olur. Əslində isə, ermənilər dini siyasət üçün
bir alətə çeviriblər. Onların
diasporaları da bu işdə öndə getməyə çalışır.
Qriqoryan kilsəsinin
qərarı Ermənistan
dövlətinin qərarlarından
daha güclüdür
- "Ümumiyyətlə, erməni
Qriqoryan kilsəsinin vermiş olduğu qərarlar, Ermənistan dövlətinin vermiş olduğu qərar kimi qiymətləndirilə
bilərmi" sualına
T.Rüstəmxanlının mövqeyi birmənalı oldu. O bildirdi ki, bəlkə də, erməni Qriqoryan kilsəsinin qərarı Ermənistan dövlətinin
qərarlarından daha
güclüdür. Çünki
burada bir məqsədə xidmətin
mövcud olduğunu bildirən T.Rüstəmxanlı
bu baxımdan da Ermənistan dövlətinin üzdə
özünü bu məsələlərdən uzaq
kimi göstərməyə
çalışsa da,
gizlində bu işlərlə məşğul
olduğunu bildirdi:
"Bundan əlavə,
bu gün qondarma erməni soyqırımı məsələsinin
bir sıra Avropa dövlətlərinin
parlamentlərindən keçməsi
də, din faktoru ilə bağlı olan amillərdən irəli gəlir. Onlar bütün bunlarla yanaşı, xristianlığı
ilk qəbul edən millət görüntüsünü
də yaratmaq iddiasındadırlar".
BAXCP-nin sədr müavini, politoloq Elçin Mirzəbəyli:
"Erməni kilsəsi
dünyada, xüsusən
də, xristian kilsələri arasında
yeganə kilsədir ki, öz fəaliyyətində
terror və digər qeyri-insani ənənələri
əsas götürür"
- XIX əsrin
sonlarından başlayaraq,
erməni kilsəsi faktiki olaraq, dünyanın bir çox ölkələrində,
xüsusilə, Türkiyədə
ermənilərin türklərə
qarşı həyata
keçirdiyi soyqırım
siyasətinə rəhbərlik
edib. Qondarma böyük Ermənistan
ideyasının mənbəyində
də, məhz erməni kilsəsi dayanıb. Erməni kilsəsi dünyada,
xüsusən də, xristian kilsələri arasında yeganə kilsədir ki, öz fəaliyyətində
terror və digər qeyri-insani ənənələri
əsas kimi götürür. Bu baxımdan erməni kilsəsini, faktiki olaraq, terrorla məşğul olan bir qurum kimi
qəbul etmək tamamilə mümkündür.
Faktlar nəticəsində də,
bu hallar öz təsdiqini tapmış məsələlərdəndir.
Digər
tərəfdən ermənilərin
məhz kilsə tərəfindən idarə
olunması sübut edir ki, ermənilərin
azərbaycanlılara, türklərə
qarşı həyata
keçirdiyi soyqırım
siyasətində təkcə
milli faktorlar əsas kimi götürülmür. Eyni zamanda,
burada dini amillər də özünü açıq
şəkildə nümayiş
etdirir. Bu isə erməni Qriqoryan kilsəsinin başqa dinlərdən olan insanlara qarşı həyata keçirdiyi dini motivli soyqırım siyasətidir. Elə bu
səbəbdən də,
erməni Qriqoryan kilsəsinin terrorçu, aqressiv separatçı təşkilatları bir arada birləşdirən faktor kimi ortada
olması da danılmazdır.
Erməni kilsəsi terrorun,
təcavüzkar, aqressiv
siyasətin, separatçılığın
stimullaşdırıcı mənbəyidir
- Digər
tərəfdən erməni
kilsəsi, faktiki olaraq, bir millət
kimi deyil, dini zəmində başqa dinlərdən, millətlərdən olan insanlara qarşı birləşmiş aqressiv
siyasət yürüdən,
müasir dünyagörüşü
olmayan, sivil faktorlara söykənməyən
bir təşkilatdır.
Dünyanın bir sıra alim və siyasi
xadimləri erməniləri
bir millət kimi deyil, daha
çox təşkilat
kimi qəbul edirlər. Bu təşkilatın başında
isə erməni Qriqoryan kilsəsi dayanır. Beləliklə də, bir daha sübut olunur ki, erməni
kilsəsi terrorun, təcavüzkar aqressiv siyasətin və separatçılığın stimullaşdırıcı mənbəyidir.
Milli QHT Forumunun prezidenti Rauf Zeyni: "Erməni diasporu, erməni milləti öz qarşısına qoyduğu məqsəd və vəzifələr uğrunda mübarizədə
həmişə kilsə
faktorundan yararlanıb"
- Ümumiyyətlə,
erməni məhfumunun,
sindromunun texnologiyasjnı
öyrənən zaman
təbii ki, burada Qriqoryan kilsə faktorunun çox vacib bir yer tutduğunu
görmək mümkündür.
Erməni diasporu, erməni
milləti öz qarşısına qoyduğu
məqsəd və vəzifələr uğrunda
mübarizədə həmişə
kilsə faktorundan yararlanıb. Bu baxımdan da, diasporunu öz ətrafında birləşdirən,
birmənalı şəkildə
öz əmrlərinə
tabe etdirən erməni Qriqoryan kilsəsi həmişə
müsəlmanlara qarşı
böyük aqressiya ilə yanaşıb.
Bütün məqamlarda isə
Qriqoryan kilsəsi erməni diasporunun işini tənzimləyən,
işğalçılığa terrora və tarixdə məlum olan digər əməllərə sövq
edən mərkəzi
rolunu oynayıb.
Elə bu səbəbdən də, hal-hazırda da, Eçmiəzdindən
bütün dünyaya
öz təsirini göstərən bir erməni kilsəsi mövcuddur. Məhz onlar
bu cür təsir vasitələri ilə digər dindən olan millətlər və xalqlara qarşı düşmənçilik siyasəti
həyata keçirirlər.
Bu sıradan onların
Azərbaycan türklərinə
qarşı həyata
keçirmiş olduğu
vəhşilikləri tarixi
xronologiya ilə qeyd etsək, Qriqoryan kilsəsinin tam məğzini açmış
olarıq.
Politoloq Qabil Hüseynli: "Erməni katolikosunun
verdiyi əmrlər bəzən, Ermənistan prezidentinin verdiyi
əmrlərdən daha təsirli olur"
- Bizim eradan əvvəl
95-ci ildən sonra erməni dövləti bütünlüklə
süquta uğradı. Elə bunun nəticəsi olaraq erməni
dövləti tamamilə dağıldı. Beləliklə də,
təxminən 2500 il ərzində ermənilərin dövlətçiliyi
olmadı. Bu müddətdə isə ermənilər
arasında dövlətçilik funksiyasını, hətta
bütün dünyaya səpələnmiş ermənilərin
bir-biri ilə əlaqəsinin qurulması funksiyasını
erməni Qriqoryan kilsəsi öz üzərinə
götürmüşdü. Həmin dövrlərdə erməni
kilsəsi vətəndaşlıqla bağlı qərarlar
çıxarır, insanların mal-mülkiyyəti
haqqında arayışlar verir, hətta notariat
funksiyalarını belə yerinə yetirirdi. Yəni, dövlətin
yerinə yetirə biləcəyi funksiyaları kilsələr
və onun yerlərdəki nümayəndəlikləri icra
edirdi. Bu nöqteyi-nəzərdən həm erməni millətinin
formalaşması, həm də, ona millətçilik
şüurunun aşılanmasında da, erməni kilsəsinin
çox böyük rolu olub. Bu gün də, erməni kilsəsinin
təsir dairəsindən danışırıqsa, onun hətta
dövlət üstü təsir imkanlara malik olması barədə
söhbətlər gedirsə, səslənən faktlar tamamilə
həqiqətə uyğundur. Çünki erməni
katolikosunun verdiyi əmrlər bəzən Ermənistan
prezidentinin verdiyi əmrlərdən daha təsirli olur. Xüsusilə,
bütün dünya miqyasında təmsil olunan ermənilər
üçün bu amil özünü təsdiq edib. Bu səbəbdən
də, bir sıra erməni terrorçu təşkilatlarının
yaranıb formalaşmasında erməni Qriqoryan kilsəsinin
böyük rolu olub.
XIX əsrin sonlarında başlayaraq, türklər və
azərbaycanlılara qarşı qırğınlar törətmiş
Daşnaksütunun gizli komitələrinə xeyir-dua verənlərdən
birincisi məhz erməni Qriqoryan kilsəsi olub
- XIX əsrin
sonlarında türklər və azərbaycanlılar
arasında böyük qırğınlar törətmiş
Daşnaksütunun partiyasının yaratdığı gizli
silahlı erməni komitələrinin yaranmasına xeyir-dua verənlərdən
birincisi məhz erməni Qriqoryan kilsəsi olubdur. Eyni zamanda,
XX əsrin 50-60-cı illərində olduqca fəallıq
göstərən ASALA, erməni terrorçu təşkilatının
ərsəyə gəlməsində və fəaliyyətində
erməni Qriqoryan kilsəsinin köməkedici rolu
danılmazdır. Bütün bunlar isə, onu göstərir
ki, erməni kilsəsi dünyanın hər yerində ermənilərə
münasibətdə bir növ dövlətçilik
missiyasını da öz üzərinə götürür.
Buraya dini hisslər də, əlavə edildikdə, erməni
kilsəsinin daha təsirli, daha nüfuzedici bir rola malik
olduğu tam təsdiqlənir.
TAPDIQ QURBANLI,
RƏFİQƏ KAMALQIZI
Səs.- 2011.- 15 yanvar.- S. 11.