20 YANVAR
ŞƏHİDLƏRİ AZƏRBAYCAN GƏNCLİYİ
ÜÇÜN QƏHRƏMANLIQ NÜMUNƏSİDİR
YAP YEVLAX RAYON TƏŞKİLATINDA 20 YANVAR
FACİƏSİNİN 21-Cİ İLDÖNÜMÜ
İLƏ ƏLAQƏDAR TƏDBİR
KEÇİRİLMİŞDİR
Qanlı 20 Yanvar faciəsindən bizi 21 illik bir
zaman ayırır. Amma üstündən
illər keçsə
belə xalqın milli oyanış tarixinin ən qanlı, həm də olduqca şanlı bir səhifəsi olan bu faciə unudulan
deyil. Hər il respublikamızda
20 Yanvarın ümumxalq
hüzn günü kimi qeyd edilməsi
bunun bariz nümunəsidir.
20 Yanvar faciəsinin ildönümü ilə bağlı, ölkəmizin
hər yerində olduğu kimi, Yevlax rayonunda da anım mərasimləri
keçirilir. YAP Yevlax rayon təşkilatı
qadınlar şurasının
və gənclər birliyinin birgə keçirdiyi tədbirdə
ictimaiyyətin nümayəndələri,
ziyalılar, təhsil
işçiləri iştirak
etmişlər. 20 Yanvar
faciəsində həlak
olmuş şəhidlərin
əziz xatirəsi bir dəqiqəlik sükutla yad edildikdən sonra giriş sözü ilə çıxış
edən rayon təşkilatının aparat
rəhbəri Əli Quliyev 20 Yanvarın Azərbaycan xalqının
tarixinə qanla yazılmış səhifələrdən
biri olduğunu bildirmişdir: "O müdhiş
gecə tariximizə təkcə faciə kimi yox, həm
də Azərbaycan xalqının mübarizlik,
qəhrəmanlıq günü
kimi daxil olub. Azərbaycan xalqı 20 Yanvarda
hərbi, siyasi və mənəvi təcavüzə məruz
qalsa da, öz tarixi qəhrəmanlıq ənənələrinə
sadiq olduğunu, vətənin azadlığı
və müstəqilliyi
naminə ən ağır sınaqlara sinə gərmək hətta şəhid vermək əzmini bu gecə bütün dünyaya nümayiş etdirdi. Bu faciəyə siyasi-hüquqi
qiymət verilməsi kimi böyük missiyanı yerinə yetirmək üçün,
sözün həqiqi
mənasında, bir qəhrəmanlıq nümunəsi
yaratmış Ümummilli
Lider Heydər Əliyevin fəaliyyəti
barədə ətraflı
məlumat verdi, bu cür tədbirlərin keçirilməsi yeni nəslin milli ruhda tərbiyə
olunmasında rolu böyükdür".
YAP Yevlax rayon
təşkilatının
qadınlar şurasının sədri Əminə
Əhmədova çıxış edərək, 20 Yanvar
faciəsinin Azərbaycan xalqına qarşı
törədilən böyük bir cinayət kimi dəyərləndirdi:
" O məşum gecədə qətlə
yetirilənlərin əksəriyyəti gənclər idi. Onları "Azadlıq"
meydanına öz ölkələrini müstəqil
və azad görmək arzuları gətirmişdi. Həyatlarının
çiçəklənən bir vaxtında şəhidlik zirvəsinə
ucalan həmyaşıdlarımızın
adı indi bütün xalqın and yerinə çevrilib".
YAP Yevlax rayon
təşkilatı gənclər birliyinin sədri Ariz
Mikayılov çıxışında xüsusi
vurğuladı ki, 20 Yanvar şəhidləri Azərbaycan
gəncliyi üçün bir qəhrəmanlıq
nümunəsidir.
Daha sonra gənclər
birliyinin sədr müavini Aynurə İsayeva, GEM-in direktoru
Tünzalə Şabanova, uşaq xəstəxanasının
baş həkimi Sədaqət Rəsulova, Gənclər və
İdman İdarəsinin baş məsləhətçisi
Etibar Məmmədov çıxış edərək, 20
Yanvar faciəsi qurbanlarının xatirəsinin hər zaman
belə əziz tutulmasını xalqın mənəvi
zənginliyinin və öz keçmişinə ehtiramla
yanaşmasının nəticəsi kimi
qiymətləndirdilər.
RƏFİQƏ KAMALQIZI
Səs.- 2011.- 22 yanvar.- S. 7.