Azərbaycana həsr olunmuş sərgi təşkil edilib

Ölkəmizin Cənubi Afrika Respublikasındakı (CAR) səfirliyi bu ölkənin ən böyük ali məktəblərindən olan Pretoria Universitetinin mərkəzi kitabxanasında Azərbaycana həsr olunmuş sərgi təşkil etmişdir. Sərgidə ölkəmizin və Bakının tarixinə, müasir dövrünə həsr olunmuş şəkillər nümayiş etdirilir. Sərgi iştirakçılarına, həmçinin, 20 Yanvar faciəsi, Ermənistanın Azərbaycana qarşı təcavüzü və onun acı nəticələrindən bəhs edən fotoekspozisiya da $2təqdim edilmişdir. Ekspozisiyaya ingilis dilində nəşr olunmuş Azərbaycanın tarixi, mə-dəniyyəti, milli və təbii sərvətləri, Qanlı Yanvar faciəsi, Xocalı soyqırımı, Ermənistan-Azərbaycan, Dağlıq-Qarabağ münaqişəsi və digər mövzulara aid kitablar, milli suvenirlər də daxil edilib. Sərgidə Heydər Əliyev Fondu tərəfindən nəşr edilmiş və yüksək poliqrafik keyfiyyətə malik kitablar xüsusi yer almışdır. Bundan başqa, tələbə və müəllimlər üçün ölkəmizə həsr edilmiş jurnal, fotoşəkillər, xəritələr, ölkəmizin tarixi və turizm imkanları ilə bağlı təbliğat materialları da sərgi iştirakçılanna təqdim edilir, Kitabxanada yerləşdirilmiş 5 monitorda Azərbaycanla bağlı film müntəzəm olaraq göstərilməkdədir. Qeyd edək ki, sərgi iki həftə davam edəcək. Sonra həm sərgidə nümayiş etdirilən, həm də əlavə materiallar kitabxanaya hədiyyə olunacaq. CAR-ın Pretoria Universitetində 50 mindən artıq tələbə təhsil alır, 140 departament və 85 elmi mərkəz fəaliyyət göstərir. Universitetin kitabxanası 40 min 800 bakalavr, 12 min 700 magistr və doktorluq tələbələrə və 4 min müəllim heyətinə müxtəlif xidmətlər göstərir.

Zümrüd

Səs.- 2012.-22 fevral.- S. 12.