Azərbaycan “Eurovision-2012”nin təmsilçilərinin təhlükəsizliyi və sərbəst fəaliyyətinin təminatçısıdır

Belə bir yarışmanı yaşamaq qisməti Azərbaycana nəsib olduğundan, əlbəttə ki, hər birimiz yarışmanın paytaxtımızda təşkilindən məmnunluq hissi keçiririk. Mahnı Müsabiqəsinin yüksək səviyyədə keçirilməsi üçün əhəmiyyətli işlər görülüb və bu proses davam etməkdədir. “Eurovision” Mahnı Müsabiqəsinin rəhbəri Yan Ola Sand paytaxtımızda yüksək səviyyədə hazırlıq işlərinin getdiyini bildirib. “May ayında insanlar əvvəllər görmədikləri yeni bir şou izləyəcəklər” deyən “Eurovision” Mahnı Müsabiqəsinin rəhbəri tamaşaçıların builki şousu ilə fəxr edəcəklərini vurğulayıb.

“Bakı Kristal Zalı”nda iştirakçı dövlətlər üçün hər cür şəraitin olacağını da qeyd etməliyik. Müsabiqənin keçirilməsi ilə əlaqədar olaraq “Eurovision” Mərkəzi fəaliyyət göstərəcək. Mərkəzə müsabiqə üçün nəzərdə tutulan 49 yerlik avtobuslar gətirilib ki, bu Azərbaycana gələn nümayəndə heyətlərinə xidmət göstərəcək. Müsabiqədə iştirak edəcək hər nümayəndə heyətinə bir avtobus ayrılmaqla yanaşı, ölkəyə yeni “shutlle avtobuslar”ın gətirilməsi də nəzərdə tutulub. Bunların sırasında fiziki imkanları məhdud insanlara xidmət edəcək avtobuslar da olacaq. Onu da vurğulayaq ki, “Eurovision” Mərkəzində yaradılan Azərbaycanın musiqi tarixi və milli musiqi alətlərinin sərgisi milli mədəniyyətimizin təbliğində önəm kəsb edir. Burada quraşdırılan elektron tablolarda “Eurovision” Mahnı Müsabiqəsi ilə əlaqədar istənilən məlumatların əldə edilməsi də mümkün olacaq. Eyni zamanda, “Eurovision” Mahnı Müsabiqəsində 1956-2011-ci illərdəki bütün qaliblərin səhnədəki çıxışları, Azərbaycanın “Eurovision” tarixinə dair videolar təqdim edilir. Müsabiqə zamanı müxtəlif mətbuat konfransları və görüşlər üçün nəzərdə tutulan konfrans zalı da fəaliyyət göstərəcək.

Yaradılan bu və ya digər şərait, Azərbaycanın tam təhlükəsiz bir ölkə olması iştirakçı dövlətlərin marağındadır. İştakçı dövlətlər beynəlmiləl məkanda çıxışı səbirsizlilə gözəyirlər. Dünyanın 42 ölkəsini təmsil edəcək yarışmaya ölkəmizdə olduğu kimi dünya məkanında da hazırlıq işləri görülməkdədir. Hər kəs böyük həyəcan keçirir. “Eurovision” Mahnı Müsabiqəsinin gücü ondadır ki, bu layihəyə bütün insanlar inanır. Eləcə də, onun yüksək keyfiyyətli layihə olması ilə razılaşır. “Eurovision 2012”-yə inamla gedirəm”. Bunu Slovakiyanın “Eurovision 2012” təmsilçisi Max Jason Mai deyib. Onlarla təmsilçinin ölkəmiz, yarışma ilə bağlı söylədikləri fikirlər bugünkü reallıqlara əsaslanır. Onu da qeyd edək ki, elə dost ölkələr var ki, müəyyən səbəblərdən bu yarışmada iştirakdan imtina ediblər. Belə ki, Polşa builki müsabiqədə iştirak etməyəcəyini 2012-ci il futbol üzrə Avropa Çempionatına hazırlıqla bağlı olduğunu açıqlayıb. Təbii ki, müsabiqədə hər bir dövlət iştirakına özü qərar verir. Amma Ermənistan ictimai yayımçısının Bakıdakı “”Eurovision”-2012” şousunda iştirakdan imtina etməsi heç bir əsasa söykənmir. Əksinə, Ermənistanın siyasi mövqeyini ortaya qoymuş olur. Ermənistan müsabiqədə iştirakını təsdiqləsə də, sonradan Bakıya gəlməkdən imtina etməsi birmənalı qarşılanmadı. İctimai Televiziya və Radio Yayımları Şirkətinin Baş direktoru İsmayıl Ömərovun qənaətinə görə, Ermənistan yaradılmış şəraiti obyektiv qiymətləndirib, bu böyük mədəniyyət layihələrində iştirak etsə, daha yaxşı olardı. Təəssüf hissi ilə qeyd etmək lazımdır ki, bu ölkənin müvafiq qurumları “Eurovision” şousuna hazırlıq işi ilə deyil, öz iştirakının olub-olmaması ilə bir şou yaratmağa çalışır. Onlar bunu bəhanə kimi fevralın 23-də cəbhə xəttində Ermənistan ordusunun əsgərinin öldürülməsini əsas gətirsələr də, yenə də heç bir dəlilə söykənən faktı diqqətə çəkə bilmədilər. Məlum olduğu kimi, Ermənistanın Müdafiə Nazirliyi cəbhə xəttində əsgər Albert Adibekyanın Azərbaycan ordusunun snayperi tərəfindən deyil, öz əsgər yoldaşı İqnat Eqibaryan tərəfindən öldürüldüyünə dair açıqlaması məhz gətirdikləri “dəlili” alt-üst etdi. Əsassız informasiyalarla çıxış edən və dünya ictimaiyyətində müxtəlif münasibələr formalaşdırmağa çalışan ermənilər, əksinə, bu addımları ilə Azərbaycana qarşı qərəzli mövqedə olduqların bir daha dünyaya göstərirlər. Beynəlxalq şoudan məqsədləri üçün yararlanmağa çalışan Ermənistan Bakıda keçiriləcək müsabiqəyə qarşı təbliğat kampaniyasını genişləndirməyə çalışsa da bu addımların məğzində duran həqiqətlərin nədən ibarət olmasını göstərir. “Eurovision”da iştirakdan imtina edən Ermənistan bununla kifayətlənmək niyyətində deyil. Belə ki, ermənilər “Eurovision”a qarşı Ramil Səfərovdan istifadə edərək, təxribatı davam etdirirlər. Ermənilər belə bir mötəbər şounun Azərbaycanda keçirilməsi ilə heç cür barışa bilmirlər. Mədəniyyəti, kökü, sənəti olmayan bir “xalq”ın belə addımını da təbii qarşılamaq lazımdır. Avropa ölkələrində müxtəlif fikirlər yaratmağa çalışsalar da, dünya mətbuatında ardıcıl olaraq, Azərbaycanda müsabiəqəyə hazırlıq işlərinin yüksək səviyyədə aparılması, ölkədəki abadlıq və quruculuq işlərinin görülməsi ilə bağlı dərc olunan məqalələr onların irəli sürdüyü fikirləri tamamilə alt-üst edir.

Bir məqama da diqqət edək ki, müsabiqənin qaydalarına uyğun olaraq, Azərbaycan rəsmi şəkildə AYB iştirakçıların təhlükəsizliyi və sərbəst fəaliyyəti ilə bağlı zəmanət məktubu təqdim edib. Bu, çox məsuliyyətli və ciddi sənəddir. Təbii ki, bu barədə bütün iştirakçı dövlətlər, o cümlədən, Ermənistan da məlumatlandırılıb. Eyni zamanda, medianın bu mövzuda təşkilatçılara ünvanladığı bütün suallar həmişə çox müsbət cavablandırılıb və bütün ölkələr üçün bərabər şəraitin yaradıldığı dəfələrlə vurğulanıb. Buna görə də, onların iştirakdan imtina etməyə heç bir əsası yoxdur. Ermənistanın müsabiqədən imtinası ilə bağlı açıqlama verən “”Eurovision”” Mahnı Müsabiqəsinin rəhbəri Yan Ola Sand belə deyib: “Avropa Yayımları Birliyi və ev sahibi yayımçının Ermənistanın mahnı müsabiqəsində rahat iştirakı üçün səylərinə baxmayaraq, bizdən asılı olmayan səbəblərdən bu təəssüf doğuran qərar verilib”. Qərarın dəyişməsi bunun siyasi qərar oluğunu təsdiqləyir.

Vurğulamaq lazımdır ki, ermənilər əvvəlcədən bilərəkdən bu cür seçim ediblər. Yanvar ayında Ermənistanın “”Eurovision”” Mahnı Müsabiqəsindəki nümayəndə heyətinin rəhbəri Qoar Qasparyan “Ermənistan təmsilçisinin kim tərəfindən və hansı prosedurla seçiləcəyi hələ müəyyənləşəcək” fikri artıq Ermənistanın “Eurovision - 2012”-də iştirak etməməyə qərarlı olduğunu göstərir.

Bütün bunlar Ermənistanın böyük mədəniyyət layihəsindən əsassız şəkildə imtina etməsi və məsələni siyasiləşdirmə cəhdindən irəli gəldiyini təsdiqləyir. Etiraf edək ki, Ermənistan bu qərarı ilə Avropa Yayım Birliyinə də münasibətini ifadə etmiş oldu.

Nəzakət ƏLƏDDİNQIZI

Səs.-2012.- 15 mart.- S. 8.