Heydər
Əliyev Azərbaycan xalqının böyük
xilaskarıdır
Gədəbəy
Dünən Yeni Azərbaycan Partiyası Gədəbəy
rayon təşkilatı Gədəbəy rayon icra hakimiyyəti
ilə birgə Ulu Öndər Heydər Əliyevin 89-cu
ildönümü ilə bağlı tədbir keçirib. Tədbirdən
öncə iştirakçılar Ulu Öndər Heydər Əliyevin abidəsi önünə əklil
və gül dəstələri qoyaraq, Onun əziz xatirəsini
yad ediblər.
Sonra rayon icra hakimiyyətinin başçısı
Ramiz Yediyarov məruzə ilə çıxış edərək,
Ulu Öndərin bir insan ömrünə sığmayan şərəfli
həyat yolundan danışıb. Onun fikrincə, Ümummilli
Lider Heydər Əliyev hakimiyyətinin bütün dövrlərində
Azərbayacanın gələcəyi üçün
çalışmışdır: “Xalqının xilaskarı
olan Ulu Öndər Heydər Əliyev Azərbaycanın
müstəqilliyinin əbədi olması üçün
tarixi missiyanı ləyaqətlə yerinə yetirmişdir. Bu
gün xalqımız fəxr edir ki, Azərbaycana İlham Əliyev
kimi böyük siyasətçi Lider rəhbərlik edir. Bu
gün Azərbayacan dövlətinin 20 illik müstəqilliyi
dövründə, 155 ölkənin dəstəyi ilə
BMT-nin Təhlükəsizlik Şurasına qeyri-daimi üzv
seçilməsi ölkəmizin xarici siyasət sahəsində
qazandığı uğurlardan xəbər verir. Ulu Öndər
Heydər Əliyevə xalqımızın sevgisi sonsuzdur. Nə
qədər müstəqil Azərbayacan var, qədirbilən
xalqımız var, Heydər Əliyev ideyaları
xalqımızın qəlbində daimi yaşayacaqdır.
Çünki Ulu Öndər Heydər Əliyev şəxsiyyəti
hələ zaman-zaman öyrənilməmiş bir
dünyadır”.
Daha sonra çıxış edən Gədəbəy
rayon 2 saylı tam orta məktəbinin direktoru Qabil Allahverdiyev,
YAP Gədəbəy rayon təşkilatı Nərimankənd
ərazi ilk partiya təşkilatının sədri Asəf
Nağıyev Azərbaycan dövlətinin qurucusu və
memarı, dahi şəxsiyyət Heydər Əliyevin daxili və
xarici siyasətinin Onun layiqli
davamçısı, YAP-nın sədri, ölkə Prezidenti
İlham Əliyev tərəfindən uğurla davam
etdirildiyindən danışdılar.
Tədbirin yekununda YAP Gədəbəy rayon təşkilatının
təşəbbüsü ilə Ulu Öndər Heydər Əliyevin
əziz xatirəsinə həsr olunmuş inşa yazı
müsabiqəsi və voleybol turniri qaliblərinə təşkilatın
idarə heyətinin qərarı ilə I, II, və III yerlər
üçün təsis edilmiş mükafatlar təqdim
edildi. Tədbirdə YAP üzvlüyünə qəbul
olmuş bir qrup gənclərə üzvlük vəsiqəsi
təqdim olundu.
Astara
Dünən Astara rayon icra hakimiyyəti YAP Astara rayon təşkilatının
birgə təşkilatçılığı ilə
Ümummilli Lider Heydər Əliyevin 89-cu ildönümünə
həsr edilmiş tədbir keçirildi. Tədbir
iştirakçıları ilk öncə rayonun mərkəzində
ucaldılmış Ulu Öndər Heydər Əliyevin abidəsini
ziyarət edərək, abidəsi önünə əklillər
və tər gül dəstələri qoydular. Sonra tədbir
iştirakçıları Heydər Əliyev Mərkəzində
Ulu Öndərin şərəfli ömür yolunun, görkəmli
siyasi və dövlət xadimi kimi möhtəşəm fəaliyyətinin
müxtəlif mərhələlərini əks etdirən
eksponatlara baxdılar.
Sonra tədbir YAP Astara rayon təşkilatının
yeni inzibati binasında öz işini davam etdirdi. Tədbiri
giriş sözü ilə Astara rayon icra hakimiyyətinin
başçısı Qəzənfər Ağayev
açaraq, qeyd etdi ki, Ümummilli Lider Heydər Əliyev hər
şeydən əvvəl TARİXİ ŞƏXSİYYƏTDİR:
“Tarixi şəxsiyyətlərin yetişməsində isə
ictimai-siyasi mühit, hadisə və proseslər öz
sözünü deyir. Bu hadisə və proseslərin mərkəzində
dayanan ən əsas amil isə yenə də şəxsiyyətlərin
özüdür. Ümummilli Liderimiz Heydər Əliyevin Azərbaycana
rəhbərlik etdiyi illər ərzində xalq, vətən
üçün etdiklərini bəzən normal təfəkkürün
əhatə dairəsinə sığışdırmaq olmur.
BÖYÜK ÖNDƏRİMİZ tariximizə xilaskar kimi
daxil olub və ölkəmizə rəhbərlik etdiyi hər
iki dövrdə bu missiyanı çox böyük uğurla
davam etdirib”.
Tədbirdə YAP Astara rayon təşkilatının
sədri, rayon icra hakimiyyəti başçısının
müavini Natiq İbadov “Heydər Əliyev müstəqil Azərbaycanın
qurucusu və memarıdır” mövzusunda məruzə ilə
çıxış etdi. N.İbadov onu da bildirdi ki, müstəqil
Azərbaycan dövlətinin qurulması birbaşa Ulu Öndər
Heydər Əliyevin adı ilə bağlıdır. Bu tarixi
həqiqət bütün xalqımız tərəfindən
qəbul olunur: “Azərbaycan xalqını rəzalətdən,
vətəndaş müharibəsindən, parçalanmaq təhlükəsindən
xilas edən Ulu Öndər bizə sabit inkişafı təmin
edilmiş bir dövlət miras qoyub”
Toplantıda rayon təhsil şöbəsinin
müdiri Qızbəs Məmmədova, YAP Astara rayon təşkilatı
gənclər birliyinin sədri Rəsul Nəsirov, Astara
Pedaqoji Kollecin direktoru Əlihəsən Nəmzəyev, Astara
şəhər inzibati ərazi dairəsi üzrə nümayəndə
Azər Abdullayev, müharibə veteranı Məmmədşah
Məcidov, Ulu Öndər Heydər Əliyevin 89-cu
ildönümü ilə əlaqədar keçirilən
respublika inşa müsabiqəsinin qalibi Samir Sabirzadə və
digərləri çıxış edərək, Əbədiyaşar
Lider Heydər Əliyevin ölkəmiz üçün
möhtəşəm işlər gördüyünü,
Astaraya və astaralılara daim diqqət və qayğı
göstərdiyini söylədilər.
Tədbirdə respublika inşa müsabiqəsinin
qalibi Samir Sabirzadəyə və rəsm müsabiqəsinin
qalibi Dəniz Baxşızadəyə rayon icra hakimiyyətinin
fəxri fərman və hədiyyələri verildi. Həmçinin,
tədbirdə YAP sıralarına yeni qəbul olunanlara partiya
üzvlük vəsiqələri təqdim olundu. Sonra bayram tədbiri
mədəniyyət və incəsənət ustalarının
geniş konsert proqramı və atəşfəşanlıqla
başa çatdı.
Nərimanov rayonu
Dünən YAP Nərimanov rayon təşkilatı
SOKAR AQŞ MMC ərazi ilk təşkilatının təşkilatçılığı
ilə Ümummilli Lider Heydər Əliyevin anadan
olmasının 89-cu ildönümü ilə bağlı
rayonun 45 saylı məktəbində tədbir keçirildi. Tədbirdə
məktəbin direktoru Nazilə Məmmədova Ümummilli
Lider Heydər Əliyevin Azərbaycan müəlliminə
verdiyi qiymətdən, təhsilin inkişafına göstərdiyi
qayğıdan danışdı.
YAP Nərimanov rayon təşkilatının sədri
Təmraz Tağıyev Ümummilli Lider Heydər Əliyevin həyat
və fəaliyyətindən, Onun ölkəmizin
inkişafı yolundakı misilsiz xidmətlərindən
danışdı. Bildirdi ki, Ulu Öndərimizin müəyyənləşdirdiyi
gənclər və təhsil strategiyası bu gün Azərbaycan
Respublikasının Prezidenti İlham Əliyev tərəfindən
uğurla davam etdirilməkdədir.
T.Tağıyev Ümummilli Liderimiz Heydər Əliyevin
gəncliyə göstərdiyi qayğıdan
danışdı: “Gənclər bizim gələcəyimizdir”
deyən Ulu Öndər həmişə gənclərin
sağlam ruhda tərbiyə olunmasına, onların yüksək
savada yiyələnməsinə həssaslıqla
yanaşmışdır.
O, eyni zamanda, Ulu Öndər Heydər Əliyevin gənclərə
göstərdiyi diqqət və qayğıdan söhbət
açıb “Ümummilli Lider gənclərimizin
potensialını dərindən hiss edərək, onların
öz dövlətinə, millətinə və xalqına sədaqətli
olmaları üçün Azərbaycanda müstəqil
demokratik, hüquqi sivilzasiyalı dövlət quruculuğu
işinə fəal qoşulmaları və milli vətənpərvərlik
ruhunda tərbiyə olunmaları üçün hər
cür şərait yaradılıb”.
T.Tağıyev onu da vurğuladı ki, Ulu Öndər
gənclərin fəaliyyətinin kortəbii yox, planlı
şəkildə qurulması və daim müsbət nəticələr
əldə edilməsi üçün elm, mədəniyyət,
incəsənət, idman və digər ictimai sahələrin
sivil dünya
standartlarına
uyğun fəaliyyət
istiqamətində fərman və sərəncamlar
imzalayıb: “Gənclərin işinin əlaqələndirməsi
və onların fəaliyyətlərinin istiqamətləndirilməsi
sahəsində verilən ilk Fərman isə 1994-cü il iyun
ayının 26-sı tarixində imzalanıb. Bu Fərmanla Gənclər
və İdman Nazirliyi yaradılıb. Bu qayğı bu
gün cənab Prezidentimiz, gənclərin dostu İlham Əliyev
tərəfindən də siz gənclərə göstərilir.
Belə olan halda, hər bir müəllim ölkəmizin gələcəyi
üçün sağlam təfəkkürə malik
savadlı gənclər yetişdirməyi özünə borc
bilməli, hər bir şagird də daha yaxşı
oxumalı və Ulu Öndər Heydər Əliyevin vəsiyyətlərinə
sadiq qalaraq, Onun siyasi kursunun layiqli davamçısı
Prezidentimiz İlham Əliyevin ətrafında daha sıx birləşməlidir”.
Tədbirdə SOKAR AQŞ MMC ərazi ilk təşkilatının
sədri Anar Hacıyev çıxış edərək,
bildirdi ki, Ümummilli Liderimiz Heydər Əliyevin doğum
gününə həsr olunmuş tədbirdə nitq söylədiyinə
görə həm hədsiz qürur duyur, həm də
böyük məsuliyyət hissi keçirir. Məhz Ulu
Öndər tərəfindən əsası qoyulan azərbaycançılıq
ideologiyası nəticəsində ölkəmizdə milli-mənəvi
dəyərlərin, mədəniyyətin, təhsilin
inkişaf etməsi davamlı xarakter almışdı.
A.Hacıyev Ulu Öndər Heydər Əliyevin Azərbaycanı
yox olmaq, dünyanın siyasi xəritəsindən silinmək
təhlükəsindən xilas etdiyini, onu tərəqqi və
dirçəliş yoluna yönəltdiyini söylədi: “Azərbaycan
1990-cı illərin əvvəllərində düşmüş
olduğu ağır və böhranlı durumlardan məhz
BÖYÜK ŞƏXSİYYƏT Ulu Öndər Heydər Əliyevin
möhkəm iradəsi nəticəsində xilas oldu”.
Tədbirdə YAP Nərimanov rayon təşkilatının
məsul işçisi Nizami Babaşov, SOKAR AQŞ MMC ərazi
ilk təşkilatının üzvləri Səbuhi Əlirzayev,
Nadir Piriyev və başqaları çıxış edərək
Ulu Öndər Heydər Əliyevin qurub, yaratdığı
dövlətin daim inkişaf edib qüdrətlənəcəyinə
və Azərbaycan xalqının Ümummilli Liderinin layiqli
davamçısı ölkə Prezidenti İlham Əliyev cənabları ətrafında
sıx birləşəcəklərini söylədilər.
Tədbirin sonunda Ümummilli Lider Heydər Əliyevin
anadan olmasının 89-cu ildönümü münasibətilə
məktəbin xüsusi qabiliyyəti ilə seçilən
şagirdlərinə qiymətli hədiyyələr təqdim
olundu.
Bayram tədbiri məktəblilərin hazırladıqları konsert proqramı
ilə davam etdi.
R.KAMALQIZI
RÖVŞƏN
Səs.- 2012.- 11 may.- S. 15.