“Dağıdıcı müxalifətin sosial bazası çox zəifdir”

Mübariz Qurbanlı: “Azərbaycan xalqına söykənməyən qüvvə iflasa məhkumdur”

“İsa Qəmbər narahat olmasın Azərbaycanda siyasi vəziyyət, iqtisadi inkişaf elə səviyyədədir ki, ölkədə qan tökülməsinə nə şərait var, nə də ki, buna yönəlik psixoloji durum var”

- Mübariz müəllim seçki ilində müxalifətin icazəsiz aksiyalar yolu ilə pozuculuq aktların törətməyə cəhd göstərmələri anti-milli xarici qüvvələrin sifariş olduğunu söyləmək olarmı?

- Hər dəfə seçki kampanyası ərəfəsində siyasi partiya rəhbərləri diqqət mərkəzinə cevrilmək ücün müxtəlif vasitələrə əl atırlar. Bəzən dağıdıcı müxalifət xalq arasında nüfuz əldə edə bilmədikdə qeyri-qanuni vasitələrlə bunu əvəzləmək istəyir. Məqsəd diqqəti özünə yönəltmək, mövcud olduğunu nümayiş etdirməkdir. Dağıdıcı müxalifət sosial baza baxımından çox zəifdir. Bunun başlıca səbəbi isə dağıdıcı müxalifətin indiki şəraitdə Prezidentimizin yürütdüyü siyasətə alternativ bir proqramın ortaya qoya bilməməsidir. Müxalifət nümayəndələrinin etmək istədiklərini cənab İlham Əliyev xalq üçün, vətən üçün müsbət olan məsələləri çoxdan həll edib. Müxalifət hansı məsələyə toxunmaq istəyirsə, biz, indiki iqtidar onu qabaqlamış oluruq. Məhz buna görə də, dağıdıcı müxalifətin hansısa bir formada sosial baza yığması mümkün deyil. Mütləq əksəriyyət indiki hakimiyyəti müdafiə edir. Belə olan halda müxalifətin radikal qanadı pozuçuluğa, dağıdıcılığa meyl göstərir. Azərbaycana qarşı müxtəlif illərdə müxtəlif basqılar olmuşdur və indi də var. Bunu dövlətlər səviyyəsində söyləyə bilmərik. Bəzi xarici dairələr var ki, Azərbaycanın liderliyini gözü götürmür, möhkəmlənməsini istəmir. Ermənistan istisna olmaqla bu gün bizim bir dövlət olaraq 155 ölkə ilə ticari, iqtisadi əlaqələr saxlayırıq, beynəlxalq təşkilatlarda kifayət qədər nüfuza sahibik. Xatırlayaq ki, Avropa Şurasında Azərbaycanla bağlı haqsız bir qərar qəbul etmək istəyirdilər

- Ştrasser sənədi deyilən bir sənədi. Ancaq Azərbaycanın nüfuzu buna imkan vermədi ki, bizə qarşı haqsız, ədalətsiz qərar qəbul edilsin. Bu bizim nüfuzumuzdur. Təbii ki, xaricdə müəyyən dairələr vardır ki, onlar ölkəmizə müsbət mənada yanaşmırlar. Bu dairələr özlərinin, iqtisadi, media imkanlarından istifadə edərək qara piar kompaniyası aparırlar. Bu qara piar kompaniyasından isə bəzən Azərbaycanın daxilindəki müxalifət nümayəndələri bilərəkdən və bilməyərəkdən alət rolunda çıxış edir, vasitə rolunu oynayır. Əlbəttə bu təəssüf doğrucu bir haldır. Amma bütövlükdə xaricdə dövlət səviyyəsində ölkəmizdə olan dağıdıcı müxalifətə heç bir dəstək yoxdur. Bu kömək müəyyən qurumlar çərçivəsində ola bilər.

- Milli Demokratiya İnistutunu həmin qurumlardan hesab etmək olar?

- Milli Demokratiya İnistitutunun hansısa bir qurupunun buradakı fəaliyyətini ABŞ hökümətinin Azərbaycana olan münasibəti kimi dəyərləndirmək düzgün olmazdı. Çünki Amerika ilə Azərbaycan hökümətləri arasında çox gözəl münasibət var. Amma orada bəzi qurumlar anti-Azərbaycan əməllərə yol verə bilərlər. Azərbaycan dövləti bunu dövlət səviyyəsində əməl saymır. Sadəcə, bu hadisələr zamanı müvafiq hökümətdən, tərəfdaş ölkədən bu məsələyə aydənlıq gətirmək istəyirik. Ona görə də ölkənin daxilindəki dağıdıcı müxalifət kimi qüvvələrin buradakı sifarişlərini yerinə yetirən quruplar kimi fəaliyyət göstərir. Bu isə yol verilməzdir. Hesab edirik ki, hər bir siyasi qüvvə, siyasi partiya sədri fəaliyyət göstərirsə ancaq öz xalqına, öz secisinə, öz millətinə istinad etməlidir. Hasısa xaricdə fəaliyyət göstərən QHT-yə və yaxud quruma istinad etmək, ona arxayınlanmaq və onlardan dəstək gözləmək bu yol verilməzdir. Bu cür hərəkətlərə yol verən adamlar siyasətçi kimi məhv olmağa məhkumdur. Buna görə də, dağıdıcı və radikal müxalifətlə bağlı bizim mövqeyimiz birmənalıdır.

- Hazırda “İctimai Palata”nın təsisçilərinin bir qismi Amerikada, bəziləri isə Avropada və Türkiyədə səfərdədirlər. Məlumatlara görə, bu səfərlər xarici qüvvələrlə məsləhətləşmək xarakteri daşıyır. Bu məsləhətləşmə deyəndə nə nəzərdə tutulur?

- Biz azad və demokratik ölkədə yaşayırıq. Ölkəmizdə isə insanların sərbəst hərəkət azadlığı, o cümlədən də siyasi fəaliyyət azadlığı vardır. Buna görə də Azərbaycanda olan siyasi partiyaların və siyasi qurupların nümayəndələrinin hansısa ölkələrə səfərlər etməsi bizdə heç bir narazılıq və əks mövqe yaratmır. Biz özümüzdə xarici ölkələrdəki siyasi partiyalarla sıx əlaqə qurmuşuq. Asiya ölkələri siyasi partiyalar konfransı bu konfrsada 21 ölkə 300-dən yuxarı siyasi partiyanı təmsil edən qurumun daimi komitəsidir. Bizim partiyamız həmin daimi komitənin üzvüdür. Yəni Asiya Siyasi Partiyalar konfransı kimi nüfuzlu beynəlxalq təşkilatı yönəldən, onun ali rəhbərliyində olan partiyalardan biri Yeni Azərbaycan Partiyasıdır. Bununla yanaşı Yeni Azərbaycan Partiyası Avropa Xalqları Partiyası ilə sıx əlaqə saxlayır. Biz burada müşahidəçi statusu ilə əlaqədar danışıqlar aparırıq, tədbirlərimiz və görüşlərimiz olur. Eyni zamanda bizim onlarca xarici ölkələrin siyasi partiyaları ilə ikitərəfli əlaqələrimiz var, protokollar imzalamışıq, əməkdaşlıq haqqında qarşılıqlı memorandumlarımız var. Buna görə də bizim partiyanın nümayəndələri xarici ölkələrə səfərlər edirlər. Gənclər təşkilatları vasitəsilə biz xarici ölkələrin Gənclər Təşkilatları ilə sıx əlaqə qurmuşuq. Bir sözlə Yeni Azərbaycan Partiyası çoxtərəfli əlaqələrə malikdir. Buna görə də, Azərbaycanda fəaliyyət göstərən hər hanı siyasi partiyanın nümayəndəsinin xaricə səfərləri bizim üçün hər hansı maneə deyil və biz bundan təşviş keçirmirik. Əgər onların bu səfərləri xoş niyyətlidirsə, ümumilli maraqlarımıza xidmət edirsə, qnunvericiliyə zidd deyilsə biz bu səfərləri normal sayırıq. Birmənalı olaraq bu kimi səfərlər normaldır. Ancaq bu səfərlər zamanı Azərbyacanın milli maraqlarına ziyan vurulmasın.

- Müsavat başqanı İsa Qəmbər müsavatçı gənclərlə görüşündə ölkədə qan töküləcəyindən qorxduğunu bildirib. Bu fikir onu deməyə əsas verirmi ki, İsa Qəmbər müəyyən şəxsləri qan tökülməyə təhrik edilməsi üçün hazırlıq işləri görür?

- Azərbaycanda bəzi siyasətlə məşqul olan adamlar var ki, onlar özlərini söz sahibi kimi göstərmək istəyirlər. Bəzən onların söylədiyi fikirlər ancaq populist xarakterli bir məsələ kimi ortaya çıxır. Bizim partiyanın çox güclü gənclər təşkilatı var ki, biz bu gənclərin vətənpərvər ruhda olmasını istəyirik və hər zaman onları dəstəkləyirik. Azərbaycan gəncliyinin öz millətinə, öz dövlətinə sədaqətli olmasını istəyirik. Azərbaycanın nüfuzunu yüksəldəcək əməllərə, hərəkətlərə birgə yanaşmasını istəyirik. Xaricdə təhsil alan minlərlə gənclərlə bizim əlaqələrimiz var. Yeni Azərbaycan Partiyasının gənclərinin qurduğu sosial şəbəkələr var ki, gənclər mütəmadi olaraq orada yazışırlar. Müsavat Partiyasının başqanının gənclərlə görüşdə qan tökülməsi ilə bağlı söylədiyi fikirlər hesab edirəm ki, Azərbaycana aid deyil. Bu ancaq gənclərdə ölkəmizlə bağlı yanlış fikir yaratmaq cəhdidir. Bizim xalqımız ən çətin məsələləri belə qan tökməklə deyil, sülh yolu ilə həll etməyi tarix boyu üstün tutmuşlar. Qan tökülməsi lazımdırsa bu düşmənin qanı olmalıdır. Guya çox böyük qarşıdurma ola bilər ki, qan tökülməyə qədər gəlib çıxsın belə proqnozu ancaq dağıdıcı müxalifət verə bilər. Onlar ancaq belə düşüncənin daşıyıcısı ola bilər, çünki onlar ancaq belə fikirləri beyinlərində gəzdirirlər. 1993-cü ildə Müsavat rəhbərinin hakimiyyətdə olduğu dönəmdə İsa Qəmbər Gəncədə vətəndaş qanının tökülməsində iştirak etmişdi və təsadüfi deyil ki, parlamentdə də onun ünvanına “sənin əlin qana batıb” söylənmişdi. İsa Qəmbər narahat olmasın Azərbaycanda siyasi vəziyyət, iqtisadi inkişaf elə səviyyədədir ki, ölkədə qan tökülməsinə nə şərait var, nə də ki, buna yönəlik psixoloji durum var.

- “İctimai Palata”nın təsiscilərindən olan AXCP sədri Əli Kərimlinin gənclərin küçələrə çıxıb, siyasi şüarlarla aksiyalar keçirməyə çağrışlar edir. Bu, Əli Kərimlinin çağırışına rədd cavabı verən gənclər təşkilatlarının bəyanatlarında və müraciətlərində nümayiş olunmaqdadır. Sizcə, Əli Kərimli niyə hələ də, 88-90-cı ilərdəki eyforiyasından qurtula bilmir?

- Gəncləri küçələrə çağıranlar əbəs yerə enerji sərf etməsinlər. Qeyri-qanuni aksiyalar keçirtməkdə ötən ildə, bu ildə cəhdlər olub. Bu aksiyaları biz təhlil etmişik və orada iştirak edənlər Əli Kərimlinin, İsa Qəmbərin ətrafında olan yaxınlarıdır. Qeyri-qanuni çağırışlar edənlər özlərinə tərəfdar toplaya bilmirlər. Əli Kərimlinin bu çağırışları həm qanuna ziddir, həm də əhəmiyyətsizdir. Çünki bu cür çağırışlarla gəncləri qeyri-qanuni hərəkətlər etməyə sürükləyə bilməyəcək.

- “El” hərəkatının sədri Eldar Namazovun Rusiya meyilli qüvvələrin Azərbaycandakı nümayəndəsi olduğu bildirilir. Sizcə, bu şəxs Rusiyadakı anti-milli qüvvələrin etimadını doğrultmaq üçün imkanlara malikdirmi?

- “El” hərəkatın Azərbaycanın ictimai-siyasi həyatında hansısa təsir buraxacağına və ya tərəfdarlar qazanacağına elə də inanmıram. Azərbaycanda siyasi səhnədə yalnız, Azərbaycan meyilli qüvvə kimi qala bilər. Bir daha o fikirdəyəm ki, Azərbaycanda hansısa siyasi partiya, siyasi təşkilat kənardan dəstək alırsa bu dəstək yalnız və yalnız həmin kənarda olan anti-Azərbaycan dairələr tərəfindən edilə bilər. Dövlət səviyyəsində istər Rusiya, İran, Türkiyə, ABŞ Avropa İttifaqı və.s kimi dövlətlərdən müxalif qüvvələr dəstək ala bilməz. Bu mümkün deyil. Sonda qeyd edərdim ki, Azərbaycan güclü dövlətdir. Dövlətimiz özünü müdafiə hər zaman edə bilər. Cənubi Qafqaz bölgəsində siyasi prosesdə öndə olan dövlətdir. Buna görə də kiminsə hansısa təşkilatı yaratması və hansı yolu seçməsi məsələsidə onun öz işidir. Bütün bunların hamısına qiymət verəcək bir qüvvə var. O qüvvədə Azərbaycan xalqıdır. Azərbaycan xalqına söykənməyən qüvvə iflasa məhkumdur.

Səs.- 2013.- 6 aprel.- S.7.