Daşkəsən rayonu 65 illik yubileyini qeyd etdi

Əhəd Abıyev: "Daşkəsənin müasir şəhərə çevrilməsi üçün planlı tədbirlərin həyata keçirilməsində və qarşıdan gələn prezident seçkilərində var qüvvəmizi əsirgəməyəcəyik"

Dünən Daşkəsəndə qədim, milli bayramımız olan Novruz bayramı ərəfəsində 65 illik yubileyini böyük təntənə, sevinclə qeyd ediblər. Heydər Əliyev meydanında böyük bir el şənliyi, möhtəşəm təntənə ilə qeyd olunan yubiley tədbirində Bahar qızı və Dədə Qorqudun müşayiəti ilə geniş tədbir keçirildi. Meydanda bayram münasibətilə təşkil olunan rayonun kənd təssərrüfatı və sənaye məhsullarının nümunələri, məktəblilərin hazırladıqları sərgilər, yerli sənətkarlıq və xalçaçılıq nümunələri, həmçinin, idmançıların nümayiş etdirdikləri oyunlar, bayram tonqalları rayon ictimaiyyəti və qonaqlar tərəfindən böyük sevinclə qarşılandı. Mərasimdə çıxış edən Daşkəsən rayon icra hakimiyyətinin başçısı Əhəd Abıyev xalqımızın ən əziz bayramı ərəfəsində Daşkəsən rayonunun yaradılmasının 65 illik yubileyi münasibəti ilə bütün daşkəsənliləri təbrik etdi: "Daşkəsənlilər bu gün ikiqat bayram içindədir - həm xalqımızın əziz bayramı Novruzu qeyd edir, həm də doğma Daşkəsən rayonumuzun yaranma tarixini. Respublikamızın hər yerində olduğu kimi, Daşkəsən rayonunda da böyük quruculuq-abadılıq işləri gedir. Bu gün beynəlxalq aləmdə ölkəmizin nüfuzu artmış, mövqeləri möhkəmlənmiş, ictimai-siyasi sabitlik təmin edilmiş və qarşıda duran bütün vəzifələr uğurla həyata keçirilməkdədir. Ölkəmizdə aparılan bütün sahələr üzrə bu uğurlu işlər biz daşkəsənliləri də ürəkdən sevindirir. Möhtərəm Prezidentimizin diqqət və qayğısı sayəsində Daşkəsən rayonunda da çox böyük nailiyyətlər qazanılmış, elmi əsaslarla "Yeni Daşkəsən" layihəsi işlənib hazırlanmış, çoxsaylı Dövlət Proqramlarının layihələri ölkə rəhbərimizin tapşırıq və tövsiyələrinə əsasən davamlı olaraq yerinə yetirilməkdədir". Ə.Abıyev onu da bildirdi ki, ölkə Prezidenti cənab İlham Əliyev və Heydər Əliyev Fondunun prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyevanın Daşkəsəndə olarkən əhali ilə görüşü rayon ictimaiyyətinin böyük sevincinə səbəb oldu: "Ölkə Prezidenti rayonumuzun çox böyük imkanları, potensialı olduğunu vurğulamaqla yanaşı, əminliklə bildirmişdir ki, burada turizmin inkişafı daha da sürətlə gedəcəkdir. Bu gün, həqiqətən də, Daşkəsəndə sürətli tikinti-quruculuq və abadlıq işləri aparılır. Artıq "Yeni Daşkəsən" layihəsinin uğurla həyata keçirilməsinə başlanılmışdır. Rayonda "Daşkəsən filizsaflaşdırma" Açıq Səhmdar Cəmiyyəti, əhəng daşı, mərmər və qranit istehsal edən karxana və sexlər fəaliyyətə başlamış, yeni iş yerləri açılmış, unikal Çovdar qızıl emalı zavodunun tikintisi başa çatdırılmışdır. Hazırda həmin zavodda istehsala başlamaq üçün hazırlıq işləri aparılır".Ə.Abıyev sonda rayon ictimaiyyətini Novruz bayramı münasibəti ilə təbrik etdi və bildirdi ki, rayonun dörd nəfər Böyük Vətən müharibəsi, Qarabağ müharibəsi və Çernobıl əlillərinə Prezident Administrasiyası rəhbərliyi tərəfindən "NAZ-Lifan" minik avtomobilləri, həmçinin, Daşkəsən rayon icra hakimiyyətinin maddı-texniki təminatının möhkəmləndirilməsi ilə bağlı nəzərdə tutulmuş iqlim şəraiti çətin olan rayonumuza "Toyota" markalı xidməti minik avtomobili verilməsidir: "Bütün bu işlər möhtərəm Prezidentimizin daşkəsənlilərə olan diqqət və qayğısının parlaq təzahürüdür. Daşkəsənə göstərilən diqqət və qayğıya görə bütün daşkəsənlilər ölkə Prezidentinə böyük ehtiram və dərin minnətdarlığını bildirirlər".Daha sonra rayon rəhbərləri və qonaqlar rayon ərazisində yerləşən "N" saylı hərbi hissədə xidmət edən əsgər və zabitlərin qonağı oldular. Ə.Abıyev Novruz bayramı münasibətilə əsgərləri təbrik edərək, onlara şərəfli xidmətlərinin yerinə yetirilməsində müvəffəqiyyətlər arzuladı və hərbi hissənin şəxsi heyətini ölkə Prezidenti, Silahlı Qüvvələrin Ali Baş Komandanı cənab İlham Əliyev tərəfindən ordumuz üçün yaradılan şərait müqabilində daha yaxşı xidmət etməyə çağırdı. Rayon rəhbəri onu da vurğuladı ki, güclü ordumuz, həmçinin, dövlət başçısının apardığı məqsədyönlü siyasət nəticəsində işğal altında olan bütün Azərbaycan torpaqlarının düşməndən azad ediləcəyinə, ölkəmizin ərazi bütövlüyünün bərpa olunacağına əmin olduğunu, lazım gələrsə, Prezidentimizin əmri ilə silaha sarılaraq müharibə yolu ilə torpaqlarımızın azad olunması üçün bütün qüvvələrini səfərbər etməyə hazır olduğunu bildirdi.Tədbirdə YAP İcra katibininr müavini, millət vəkili Mübariz Qurbanlı çıxış edərək daşkəsənliləri Novruz bayramı və rayonun 65 illik münasibəti ilə təbrik etdi, onlara bu inkişaf yolunda uğurlar arzuldı. M.Qurbanlı onu da vurğuladı ki, iqtisadi tərəqqinin sürətlənməsi xalqın həyat səviyyəsinin yüksəlməsi, sosial-müdafiə sisteminin qabaqcıl dünya ənənələri əsasında təkmilləşdirilərək yenidən qurulması üçün möhkəm bünövrə formalaşdırıb: "Bu işlərin əyani sübutu olaraq Daşkəsən rayonunda həyata keçirilən layihələrin gerçəkləşdirilməsi rayon sakinlərinin sosial müdafiəsinin gücləndirilməsinə və rifah halının yaxşılaşdırılmasına xidmət edir".Sonra əsgərlərə Novruz sovqatı və xonçalar paylandı. Bayram tədbiri musiqi proqramı ilə başa çatdı. Qeyd edək ki, bayram tədbirində millət vəkili Rövşən Rzayev, YAP Mərkəzi Aparatının məsul işçisi Hüseyn Paşayev iştirak etdilər.

R.KAMALQIZI

Səs.- 2013.- 17 mart.- S.7.