Xoş gəlmisən, xoş məramlı Nuru paşa!

 

              

               Xoş gəlmisən, xoş məramlı Nuru paşa!

               Allah səni, sən də bizi qoru, paşa!             

 

               (Poema)

                                                               1

 

               Haylar yenə ölkəmizdə çəkdi qiyyə,

               Bolşevik rus göz vurmuşdu erməniyə.

               Ayrı tutmaz haylar rusu heç qardaşdan,

               Bu bədnamlar türkü sevməz əzəl başdan.

               Onlar himə bənd olmuş bir fitnədilər,

                İrəvanda, Qarabağda kükrədilər.

               Kremldən erməniyə dedilər: "von..."

               Gəncə, Göyçay, Bakı oldu bir poliqon.

               Birləşdilər ermənilər dəstə-dəstə,

               Rus silahı onlar üçün bir vasitə.

               Ruslar azğın erməniyə pul verdilər,

               Müsəlmanın qırğınına yol verdilər.

               Düşmən fəal... baxmayaraq meydan dardı,

               Güllə atan, sözsüz, yenə kazaklardı...

               Bu kazaklar bilsəydilər kökü qıpçaq,

               Haya dəstəkçi olmazdı heç bir alçaq,

               Bu həyatda bu, bir ibrət, bu, bir görkdü,

               Xristian qıpçaq özü qədim türkdü.

               Ruslar kazak adı verdi qıpçaqlara,

               Türkün türkə zülm etməsi gəldi kara...

               Xatırlayın, mürəkkəbdi ancaq həyat,

               Osmanlının mərd sultanı Mehmet Rəşad

               Qəlb evində çözələnmiş kinim oldu,

               Bolşevikə, erməniyə qənim oldu.

               Basıb səbri, kin-qəzəbi tez unutdu,

               O, Qafqazı xilas etmək yolu tutdu.

               Erməninin bəd niyyəti dəydi daşa,

               Osmanlıda ordu qurdu Ənvər paşa.

               Hərbi nazir alayları düzdü səf-səf,

               Nuru paşa düşmənləri etdi tələf.

                İyirmi min türk əsilli Qafqaz əhli

               Düşmənləri qırdı, haylar oldu zəlil.

                Ulduzlara ehtiramla gərildi Ay,

               Çox tezliklə azad oldu Gəncə, Göyçay.

               Türk ordusu Bakıya xoş qədəm atdı,

                Hamazaspla Kazarovun sonu çatdı.

               Xoş gəlmisən, xoş məramlı Nuru paşa!

               Allah səni, sən də bizi qoru paşa!

 

            

 

                                               2

 

               Ölüb erməninin gözünün qurdu,

               Qələbə, əlbəttə, bizim olubdu.

               Nuru paşa olub qoruyan yurdu,

               Türkün ürəyinə şəfqət dolubdu,

               Qələbə, əlbəttə, bizim olubdu.

 

             

 

               O qədər çox idi əzm, qətiyyət,

               Onu sovetlər də yenə bilmədi.

               Dəyişdi yaxşıya doğru bəd niyyət,

               Bədxah ağızlar da dinə bilmədi,

                Onu sovetlər də yenə bilmədi.

 

             

 

               Başlayıb hayların qarın azarı,

               Tökülsün o bədnam düşmənin gözü.

               Qəhrəman türklərin tənha məzarı,

               Bizi intiqama çağırır, düzü,

               Tökülsün o bədnam düşmənin gözü.

 

             

 

               Ey qadir türk oğlu, səni min yaşa,

               Bədnamı, naqisi gözdən vurubsan.

               Sən öz əməlinlə, ay Nuru paşa,

               Qəlbimdə əbədi heykəl qurubsan,

               Bədnamı, naqisi gözdən vurubsan.

 

             

 

               Haylar dərrakəsiz, düşüncəsi dar,

               Yurdunda yaşayıb, türkü satıbdı.

               Neçə ki dünyada dəstəkçilər var,

               Sanma erməninin fısı yatıbdı,

               Yurdunda yaşayıb, türkü satıbdı.

 

             

 

               Türkün torpağında kök atıb qəfil,

               Özünə uydurma tarixlər yazar.

               Hayı dəstəkçilər ediblər səfil,

               Şeytanlar qəlbinə salıblar azar,

               Özünə uydurma tarixlər yazar.

 

              

 

               Türkə kəsilibdi həmişə qənim,

               Əfsus saylarında olmayıb artım.

               Azadlıq versə də haya vətənim,

                Deyir məhv etməkdir türkü azartım,

               Əfsus, saylarında olmayıb artım.

 

             

 

               İkiəlli vurub başına qapaz,

               Deyir məruz qaldıq  soyqırımına.

               Bizimdir - söyləyir hər-biri-Qafqaz,

               Bütün bəşəriyyət gəlibdi cana,

               Deyir məruz qaldıq soyqırımına.

 

             

 

               Döyüşdə-vuruşda əlləri yoxdu,

               Haylar çox silahsız türkü qırıbdı.

               Bizə söz deməyə dilləri yoxdu,

               Onların əzəldən zatı qırıqdı,

               Haylar çox silahsız türkü qırıbdı.

 

             

 

               Olmayıb dünyada erməni yurdu,

               Hara ayaq bassa deyir mənimdir.

               Qoşulur... görəndə xarici ordu,

               Bayaq dedik, onlar türkə qənimdir,

               Hara ayaq bassa deyir mənimdir.

 

             

 

               Girdi torpağıma yad dəstəyilə,

               Türkün Qarsına da göz dikdi bir vaxt.

               Yaşadı-yaratdı qəlb istəyilə,

               Dedi yer alarıq gətirərsə baxt,

               Türkün Qarsına da göz dikdi bir vaxt.

 

             

 

               Qatdı göz yaşına dərdi-qəmini,

               Qədim Urartu da bizimdi-dedi.

               Bildi özününkü Ərmən-Zəmini,

               Bizə hər nə desək, izindi-dedi,

               Qədim Urartu da bizimdi -dedi.

 

             

 

               Sırtıldı sırtılmış üzü dığanın,

               Ağrı dağına da göz dikdi bəzən.

               Doymadı torpaqdan gözü dığanın,

               Qaldı tapdağında meşə, dağ, düzən,

               Ağrı dağına da göz dikdi bəzən.

 

             

 

               Görüb Nuru paşa əsgərlərini,

               Sağ qalmaq eşqilə tökdü göz yaşı.

               Hər biri tərk etdi səngərlərini,

               Endi dizlərinə nahamar başı,

               Sağ qalmaq eşqilə tökdü gözü yaşı.

 

             

 

               Gərək ibrət ola bizə bir məsəl,

               Axı türkün dostu bir türkdü ancaq.

               Qəddar düşmən olub erməni əzəl,

               Bir daha haylara açmarıq qucaq,

               Axı türkün dostu bir türkdü ancaq.

 

        

 

              Qoy Nuru paşanın nurlu siması,

              Coşqun qəlbimizdə heykələ dönsün.

              Başının üstündə aydın səması...

              Ruhu pərvazlanıb qoy elə dönsün,

              Coşqun qəlbimizdə heykələ dönsün.

 

        

 

              Türk oğlu, qoy sənin ruhun şad olsun,

             Qaytardın torpağı öz sahibinə.

             Mənim nikbin xalqım qoy azad olsun,

             Öz doğma mülkünü o, etsin binə,

              Qaytardın torpağı öz sahibinə.

 

   

 

                               3

 

             Rusun işarəsi ilə,

             Erməni qudurdu, heyhat!

             Bakıya yardım etməyə,

             Fərman verdi Mehmet Rəşad.

        

 

             Sultan dərhal möhür vurdu,

             Ənvər paşa ordu qurdu.

             Türk qorudu bizim yurdu,

           Zərimiz düşdü şeş qoşa.

        

 

           Gəlmədi imana-dinə,

          Sifəti bənzəyir cinə,

          Erməni uduzdu yenə,

          Bəd niyyəti dəydi daşa.

         

 

          Haylar it tək etsə də "haf",

          Niyyətimiz pak, təmiz, saf,

          Qarşıdurmalar, ixtilaf,

          Xeyirmizə çatdı başa.

        

 

          Üstümüzdə haqq, Yaradan,

          Ermənilər verdilər can,

          Bizlərdə inam yaradan-

          Ənvər paşa, Nuru paşa.

        

 

          Haylar olsa qızıl, almaz,

          Dəyəri sabaha qalmaz,

          Yaddan bizə qonşu olmaz,

          Ermənidən edək haşa.

        

 

          Döyüşlər olmadı asan,

          Belə yazdı yazı yazan,

          Xalqımın qəhrəmanısan,

          Yaşa, Nuru paşa, yaşa!

 

        

 

          3-5 sentyabr 2013-cü il

 

 Valeh Məhərrəmli

 Səs.- 2013.- 6 sentyabr.- S.14.