Hikmət Babaoğlu: “İlham Əliyev xalqın həm rəsmi, həm
də qeyri-rəsmi lideridir”
“Yeni Azərbaycan” qəzetinin baş redaktoru, politoloq Hikmət Babaoğlunun SƏS TV-yə müsahibəsi:
- Hikmət müəllim, artıq 9 oktyabrda keçiriləcək seçkilərdə
prezidentliyə namizədlərin təbliğat, təşviqat
kampaniyasına start verilib.
Bununla bağlı İctimai Televiziyada və Radioda tele-debatlar da təşkil olunur. Amma nədənsə
bu debatlarda “Milli Şura”dan prezidentliyə namizəd Cəmil Həsənli öz hisslərinə
hakim olmayaraq təhqirlərə
və qeyri-etik hərəkətlərə yol
verir. Bu barədə nə deyə bilərsiniz?
- Həmin debatlarda baş verən hadisələr onların faciəsi və müxalif platformada fəaliyyət göstərməyə
çalışan, özlərini
siyasətçi adlandıranların
ifşasıdır. Vaxtilə Azərbaycan
cəmiyyəti Cəmil
Həsənlini siyasi riyakar kimi tanıyırdı.
Çünki o, zamanında mənimsədiyi,
qəbul etdiyi və təbliğ etdiyi dəyərlərin əleyhinə çıxıb.
Bir vaxt kitablarında, çıxışlarında Ümummilli
lider Heydər Əliyev siyasi kursunu və dövlətçilik ideologiyasını
təbliğ edən bir şəxs birdən-birə hər şeyin əksini söyləməyə başlayıb.
Onun bu mövqeyi Azərbaycan cəmiyyətində
və ictimaiyyətində
haqlı olaraq ikrah doğurub. Sonradan isə Cəmil Həsənli anti-azərbaycançı
mərkəzlər tərəfindən
müəyyənləşdirilən oyunda epizodik rol aldı. Belə ki o, Rüstəm İbrahimbəyova dublyorluq
etməli idi. Məhz bu prosesdə Cəmil Həsənlinin yeni keyfiyyətləri ortaya çıxdı.
Bəlli
oldu ki, o, Azərbaycanda mövcud olan demokratik hüquqi sistemin imkanlarından sui-istifadə
edərək prezidentliyə
namizəd kimi meydana atılır. Sonradan isə məlum oldu ki, o saxtakardır.
Əslində elə ilk debatdaca
Yeni Azərbaycan Partiyasının (YAP) prezidentliyə
namizədi İlham Əliyevin səlahiyyətli
nümayəndəsi Əli
Əhmədov tərəfindən
ifşa edildi. Məlum oldu ki, prezident
olmaq istəyən bu şəxs saxta sənədlərlə
dövlət büdcəsindən
xeyli miqdarda pul mənimsəyən adi bir oğrudur.
Sonrakı debatlarda isə
biz Cəmil Həsənlinin
yeni bir keyfiyyətini gördük.
Sən demə, o həm də mahir bir
provakatordır. Görünür ona təlimat verilib ki, Azərbaycanın
ictimai rəyi, sosial psixologiyası hümanist olduğu üçün əziləni
müdafiə edir.
Məhz Cəmil Həsənli də debatlar zamanı “ildırımı”
öz üzərinə
çəkməklə bu
cür obraz yaratmağa çalışdı.
Amma o, heç bu rolu
da düzgün oynaya bilmədi və özünü son məqamda ifşa etdi. Əlbəttə ki, bu yaxşı hal deyil. Biz bilirik
ki, bu oyunlar
imperialist mərkəzlər, qlobalistlər tərəfindən
milli dövlətə
və onun liderinə yönəlmiş
oyunlardır. Anti-azərbaycançı mərkəzlər,
o cümlədən qlobalistlər
dünyada lidersizləşdirmə
və dövlətsizləşdirmə
siyasəti həyata keçirirlər. Onlar ayrı-ayrı
ölkələrdə vətəndaşı
öz liderinə, dövlətinə qarşı
qaldırmaqla vətəndaş
müharibəsi yaradırlar.
Sonda isə bunun adını demokratiya qoyurlar. Ancaq xoşbəxtçilikdən Azərbaycan cəmiyyəti
intellektual cəmiyyətdir
və bu prosesləri kənardan müşahid etməyi bacarır. Çox təəssüf ki, professor Cəmil Həsənli bunu dərk etmir. O, elə bilir ki, onun oyunları
Azərbaycanda reallaşacaq.
Lakin Cəmil Həsənli bir şeyi unudur
ki, ondan fərqli olaraq ölkəmizdə çox
böyük analitik, intellektual keyfiyyətlərə
malik geniş auditoriya var. Bu siyasi auditoriyanın adı isə Azərbaycan xalqıdır. Beləcə, ölkə vətəndaşları
onun hansı oyunu oynadığını
və hansı məqsədlərə xidmət
etdiyini (Rüstəm İbrahimbəyovun Dağlıq
Qarabağı ermənilərə
vermək istəməsini)
gözəl dərk edir. Bu mənada
hesab edirəm ki, Cəmil Həsənli hər nə qədər provokasiya etsə də, öz dublyor rolunu professional səviyyədə oynamağa
çalışsa da
bu alınmır.
Nəticədə bu insan Azərbaycan xalqına, dövlətinə, xəyanət
və hörmətsizlik
etmiş olur. Cəmil Həsənli professor olmasına
baxmayaraq, Azərbaycan
ədəbi dilində
danışa bilmir.
Eləcə də bu insan öz davranışlarına
nəzartə etməyi
bacarmır. Bu adam xalqın gözü qarşısında
sənədlərlə ona
yönəlmiş ittihamlara
cavab verə bilmir. Sonda isə məlum
olur ki, Cəmil Həsənli bir neçə ildir saxta sənədlərlə
dövlət büdcəsindən
pul oğurlayır və bunun cavabını
da verə bilmir. Belə olan halda Cəmil Həsənli qeyri-etik və qeyri mədəni davranışlarla öz saxtakarlığını ört-basdır
etməyə çalışır.
- Ölkə mətbuatında
belə bir fikir səsləndirilir ki, bu seçkilər
Əli Kərimlinin, İsa Qəmbərin və digər müxalifət nümayəndələrinin
sonu olacaq. Bir sözlə, onlar bu siyasi səhnədən
silinəcəklər. Bu haqda
fikirlərinizi alardıq.
- Əslində Azərbaycan
siyasi sisteminin radikal düşərgəsi
kimi səciyyələndirdiyimiz
bu qruplar çoxdan ölkə siyasətindən kənarda
fəaliyyət göstərirlər. Çünki, onlar sistemdə heç bir prosesə müdaxilə edə və qoşula bilmirlər.
Belə olan təqdirdə isə onlar sistemdən kənar autsayderlərdir. Amma məsələ
ondadır ki, normal siyasi mədəniyyətin
formalaşdığı cəmiyyətlərdə
onlar mütləq siyasi səhnədən çəkilirlər. Təəssüf ki, Azərbaycanın inkişafının önündə
tormozlayıcı funksiya
yerinə yetirməyə
çalışan bu
qruplar hələ də ölkə siyasətinin yaxasından düşmək istəmirlər.
Hesab edirik ki, bundan
sonrakı yeni mərhələdə Azərbaycan
siyasi sistemində necə ki, onlara
yer yox idi,
bundan sonra da olmayacaq. Bundan sonra isə konstruktiv müxalifət-iqtidar
münasibətlərinə yeni güclər qoşulacaq. Yəni demokratiya
inhisarçısı kimi
səciyyələndirə biləcəyimiz AXCP və
Müsavat Partiyasının
ətrafında olan
3-5 nəfər gənclər
də ölkəmizin
dinamik hərəkətdə
olan, normalar sistemi ilə tənzimlənən demokratik
cəmiyyətinə transfer olacaqlar.
- Müxalifət bu seçkilərdə də
5 illik nokauta düşdü.
Onlar bunu ört-basdır etmək üçün başqa namizədlərlə, xüsusən
hakim partiya təmsilçiləri
ilə konflikt yaratmağa can atırlar.
- Şübhəsiz ki, radikal müalifət ciddi və dərin depressiya içərisindədir. 1993-cü il hadisələrindən bu günə kimi onlar hələ də özlərinə gələ bilməyiblər. Sonrakı mərhələdə isə onlar bir dəyər, ideologiya müəyyənləşdirib onu mənimsəyə bilmədiklərinə və cəmiyyətə yeni konstruktiv, rasional bir fikir, ideya, məqsəd təqdim etmədiklərinə görə, günü-gündən az-çox qalan nüfuzlarını da itiriblər. Təbii ki, onların yenidən bərpası mümkün deyil. Müsavatçılıq Azərbaycan ictimai fikrinin bir mərhələsi və zənciridir. Sadəcə müsavatçılıq istismar olunaraq bu gün bir qrup radikalın silahına çevrilib. Bu mənada hesab edirəm ki, müsavatçılıq ideologiyasının özü bunların əlindən alınsın. Əminəm ki, bu gün bu ideologiyanı istismar edən o qrupların içərisində bunu dərk edən ağıllı insanlar var.
- Bu gün müxalifət növbəti dəfə aksiya keçirməyi planlaşdırır. Sizcə, onların cəmiyyətə deyə bilmədikləri hansı sözlər qalıb ki, bu aksiyada onu reallaşdırmaq istəyirlər?
- Kütləvi aksiyalar hər hansısa bir liderin və ya siyasətçinin, prezidentliyə namizəd olan şəxsin öz fikirlərini və nizamnaməsini müəyyən bir auditoriyaya emosianal formada, şüar şəklində çatdırmaq məqdsədini özündə əks etdirir. Lakin biz görürük ki, artıq bir neçə aydır Azərbaycanın siyasi sisteminə müdaxilə etməyə çalışan Cəmil Həsənli ümumiyyətlə, proqramının və məqsədinin nə olduğunu, aksiyalardan nə əldə etmək istədiyini müəyyənləşdirə bilməyib. Bununla yanaşı o, Azərbaycan seçicisinə öz fikrini ifadə edə biləcək düzgün bir cümlə ilə müraciət edə bilməyib. Təşkil olunan debatlarda isə Cəmil Həsənli dərsini bilməyən uşaqlar kimi sadəcə, saxta məsələləri təkrar etməklə işini bitmiş hesab edir. Belə olan halda onun təşkil etdiyi mitinqə kimin gələcəyi və bu mitinqdə Cəmil Həsənlinin seçicilərə nə deyəcəyi məlum deyil. Hesab edirəm ki, bu mitinqlər mənasız toplanışlardır və burada iştirak edənlərin sayı çox məhdud olacaq. Sadəcə, ola bilər ki, Cəmil Həsənli anti-azərbaycançı şəxslərdən aldığı maliyyə vəsaiti ilə bir qədər adam toplaya bilsin və elə mitinq dağılan anda da onun vəsaiti orada batıb qalacaq. Mitinqə gələnlər belə heç şübhəsiz Cəmil Həsənliyə səs verməyəcəklər. Çünki onun özünü aparmağı, danışığı, siayasi fəaliyyəti və siyasi riakarlığı Azərbaycan cəmiyyətində ümumi qınaq və ikrah yaradır.
- Yeni Azərbaycan Partiyasının namizədi İlham Əliyevin təbliğat və təşviqat kampaniyasını, ümumilikdə hakim partiyanın seçkilərə hazırlıq prosesini necə qiymətləndirirsiniz?
- Yeni Azərbaycan Paryiyası öz layiqli namizədinin təbliğat və təşviqat kampaniyasını yüksək səviyyədə qurmağı bacarıb. Seçki məcəlləsinə uyğun olaraq prosedurlar düzgün müəyyənləşdirilib, görüləcək işlər əvvəlcədən təyin olunmuş təqvim əsasında ardıcıllıqla müəyyən edilib və təbliğat-təşviqat işləri yüksək səviyyədə təşkil olunub. Lakin yerlərdə insan hiss edir ki, əslində Prezident İlham Əliyevin təbliğat və təşviqat kampaniyasına ehtiyac yoxdur. Çünki seçicilərlə görüşdə aydın olur ki, hər bir seçici prezidentin fəaliyyəti ilə bağlı onu təbliğ etməyə gedən insanlardan daha çox məlumatlıdır, daha dürüst və dəqiq mövqeyə malikdir. Bu Azərbaycan xalqının mövqeyidir. Son 10 il ərzində cənab Prezident hər gün televiziya ekranlarında, Azərbaycan xalqının gözləri önündədir. Ötən 10 il ərzində dövlət başçısı hər gün yeni obyektlərin açılışında iştirak edib. Ölkə rəhbərinin fəaliyyətinin şəffaf olması, onun gördüyü işlərin böyüklüyü, xalqın isə bu barədə yetərincə məlumatlı olması cənab Prezidentin xüsusi təbliğata ehtiyacının olmadığını göstərir. Dövlət başçısı öz təbliğatını əməlləri ilə yüksək səviyyədə təşkil edib. Buna görə də mən hesab edirəm ki, cənab İlham Əliyev Azərbaycan xalqının həm rəsmi, həm də qeyri-rəsmi lideridir. Rəsmi lider onun rəsmi seçkilərdə təsbit olunmuş, müəyyənləşmiş prezidentlik statusudur. Ayrı-ayrı ölkələrdə prezident seçildikdən sonra ölkə rəhbəri rəsmi lider hesab olunur. Lakin müəyyən zaman keçdikdən sonar onun reytinqi düşməyə başlayır və müxalifətdə olan hansısa siyasətçinin reytinqi onu üstələyir. Bu zaman müxalifətdə olan siyasətçi xalqın qeyri-rəsmi liderinə çevrilir. Prezident İlham Əliyev isə Azərbaycan xalqının rəsmi lideri olmaqla yanaşı, həm də qeyri-rəsmi lideridir. Ötən 10 il ərzində nəyinki onun reytinqi xalq arasında aşağı düşüb, əksinə olaraq yuxarı qalxıb. Bu sosial-siyasi göstərici ölkə rəhbərinin effektiv fəaliyyətinin nəticəsidir. Azərbaycanın dövlət və milli maraqlarının bariz şəkildə müdafiə edilməsinin nəticəsidir ki, bu fəaliyyət 2013-cü ilin oktyabr ayının 9-da keçiriləcək prezident seçkilərində seçici səsi olaraq Prezident İlham Əliyevin özünə qayıdacaq.
sia.az
Səs.- 2013.- 23 sentyabr.- S.5.