Əbədiyaşar Lider!

Xaçmazlılar Ulu Öndər Heydər Əliyevin əziz xatirəsini andı

Xaçmaz rayon icra hakimiyyəti və Yeni Azərbaycan Partiyası Xaçmaz rayon təşkilatının birgə təşkilatçlılığı ilə rayonda fəaliyyət göstərən Heydər Əliyev Mərkəzində "Ümumilli Lider xalqımızın böyük oğlu" və "Əbədiyaşar Lider" mövzularında Dahi Öndər Heydər Əliyevin anım gününə həsr olunmuş tədbir keçirilib.

Tədbiri giriş sözü ilə açan Xaçmaz rayon icra hakimiyyəti başçısının müavini İlhamə Nəzərova qeyd edib ki, Ulu Öndər Heydər Əliyevin Azərbaycan dövlətinə və xalqına olan böyük məhəbbəti bugünün inkişaf və tərəqqi edən ölkəmizdə əks olunmaqdadır: "Bu gün məhz Onun tərəfindən əsası qoyulmuş siyasət ölkəmizin dünya dövlətləri tərəfindən yüksək səviyyədə qəbul olunması və s. əhəmiyyətli amillərlə əsaslandırıla bilər. Həmin siyasət Onun layiqi davamçısı Prezident İlham Əliyev tərəfindən uğurla davam etdirilməkdədir.

Tədbirdə YAP Xaçmaz rayon təşkilatının sədri Nazim Ağayev, YAP Xaçmaz rayon təşkilatının nəzdində fəaliyyət göstərən ideoloji mərkəzin rəhbəri Cavad Mehmanov və YAP Xaçmaz rayon təşkilatının gənclər birliyinin üzvü Elman Məmmədov çıxış edərək parlaq zəkası, dövlətçilik təcrübəsi, yenilməzliyi və cəsarəti ilə müstəqil Azərbaycan dövlətinin məhvolma təhlükəsindən qoruyub-saxlayan, onu yaşadan və dövlətin bütün atributlarını qurub-yaradan Ümummilli Lider Heydər Əliyevin vətən və xalq qarşısında xidmətlərindən danışıblar.

Rövşən Rəsulov

Səs.- 2016.- 10 dekabr.- S.14