8 FEVRAL - AZƏRBAYCANIN KOSMİK AİLƏYƏ DAXİL OLDUĞU TARİX

İlham Əliyev: "Azərbaycan artıq kosmik ölkələr sırasına daxil olmuşdur"

Üç il öncə - 2013-cü il fevralın 8-də müstəqillik tariximizin ən önəmli hadisələrindən - Azərbaycan Respublikasının ilk telekommunikasiya peyki - "Azərspace-1" uğurla orbitə buraxıldı. 2013-cü il tarixi və uğurlu hadisələr ili kimi qeyd etsək, daha obyektiv olar. Belə ki, ilin vacib hadisələrindən ən mühümü oktyabrda keçirilmiş prezident seçkiləridir. Eyni zamanda, 2013-cu il ölkəmizin BMT Təhlükəsizlik Şurasının qeyri-daimi üzvü kimi iki illik fəaliyyəti, Yeni Azərbaycan Partiyasının V Qurultayının keçirilməsi, Azərbaycanın ilk süni peykinin orbitə buraxılması da 2013-cü ilin mühüm hadisələrindəndir. Dövlət başçısının xüsusi diqqət yetirdiyi sahələrdən biri də məhz Azərbaycanda rabitə və informasiya texnologiyalarının sürətli yüksəlişinin təmin edilməsi, respublikamızın bu sahədə əlverişli tranzit ölkəyə və regional mərkəzə çevrilməsi istiqamətində kompleks tədbirlərin həyata keçirilməsini təmin etməkdir. Qafqazda ilk peyk operatoru - "Azərkosmos"

Prezident İlham Əliyev 2008-ci ildə "Azərbaycan Respublikasında kosmik sənayenin yaradılması və telekommunikasiya peyklərinin orbitə çıxarılması" barədə Sərəncam imzalaması və 2009-cu ildə ölkədə "Kosmik sənayenin yaradılması və inkişafı üzrə Dövlət Proqramı"nı təsdiq etməsi bu sahənin prioritetliyini bir daha göstərmişdir. 2013-cü ildə ölkədə "İnformasiya-kommunikasiya texnologiyaları ili"nin elan edilməsi də bu sahənin inkişafına dövlət səviyyəsində göstərilən diqqətin əyani təsdiqidir.

Ölkə başçısı 2010-cı ildə "Azərkosmos" Açıq Səhmdar Cəmiyyətinin təsis edilməsi haqqında Sərəncam imzaladı. Adıçəkilən quruma telekommunikasiya peykinin istehsalı və orbitə çıxarılması, əsas və ehtiyat Yerüstü Peyk İdarəetmə Mərkəzinin yaradılması ilə bağlı xüsusi tapşırıq verildi. Qafqazda ilk peyk operatoru olan "Azərkosmos" fəaliyyət göstərdiyi qısa müddətdə ölkəmizdə teleradio yayım və telekommunikasiya xidmətlərinin göstərilməsi, hökumət və korporativ müştərilərin tələblərinə cavab verən yüksək etibarlı rabitə platformalarının təmin edilməsi istiqamətində iş apardı. Bütün səylər ölkəmizin ilk süni peyki olan "Azerspace-1"in hazırlanmasına və orbitə buraxılmasına yönəldi. Beləliklə, 2013-cü il fevralın 8-də Azərbaycan Respublikasının ilk peyki - "Azerspace-1" Cənubi Amerikada, Fransanın inzibati idarəçiliyində olan Fransız Qvianasındakı Kuru kosmodromundan - Qviana Kosmik Mərkəzindən üzərində üçrəngli Azərbaycan bayrağı olan "Ariane-5" daşıyıcı raketi ilə orbitə buraxıldı. Bu hadisə Azərbaycanın növbəti böyük uğuru kimi səciyyələndirildi. Prezident İlham Əliyev peykin orbitə uğurla buraxılması münasibətilə Azərbaycan xalqını təbrik etdi: "Bu gün birinci Azərbaycan telekommunikasiya peyki orbitə çıxarıldı. Bu tarixi hadisə münasibətilə bütün Azərbaycan xalqını ürəkdən təbrik edirəm. Bu, doğrudan da, tarixi bir gündür, böyük nailiyyətdir, dövlətimizin böyük qələbəsidir. Bu hadisə onu göstərir ki, müstəqil Azərbaycan dövləti sürətlə, hərtərəfli inkişaf edir və biz artıq kosmik klubun üzvüyük. Bu hadisə münasibətilə bu işdə iştirak etmiş bütün qurumlara, bütün insanlara, ilk növbədə, Azərbaycan mütəxəssislərinə minnətdarlığımı bildirmək istəyirəm".

Azərbaycan kosmosdan Ermənistnın və işğal olunmuş ərazilərinin bütün nötələrini öz "övcunun içi" kimi görür

Azərbaycan kosmosa peyk buraxmaq niyyətimiz ortaya çıxanda İrəvanda yazarlar bizi məsxərəyə qoyan yazılar dərc edərək bildirirdilər ki, peyklə nə işimiz varmış. Çünki məsxərəyə qoyulası Ermənistan özüdür. Çünki bu gün

Ermənistan iqtisadiyyatının acınacaqlı vəziyyətdə olması, əhalinin maddi rifah halının gündən-günə ağırlaşmaqdadır.

Ölkə Prezidenti İlham Əliyev Azərbaycanın ilk telekommunikasiya peykinin orbitə çıxarılmasını tarixi bir gün kimi qiymətləndirmişdi: "Bu gün ölkəmizin həyatında çox əlamətdar və tarixi bir gündür. Bu gün birinci Azərbaycan telekommunikasiya peyki orbitə çıxarıldı. Bu tarixi hadisə münasibətilə bütün Azərbaycan xalqını ürəkdən təbrik edirəm. Bu, doğrudan da tarixi bir gündür, böyük nailiyyətdir, dövlətimizin böyük qələbəsidir. Bu hadisə onu göstərir ki, müstəqil Azərbaycan dövləti sürətlə, hərtərəfli inkişaf edir və biz artıq kosmik klubun üzvüyük. Bu hadisə münasibətilə bu işdə iştirak etmiş bütün qurumlara, bütün insanlara, ilk növbədə Azərbaycan mütəxəssislərinə minnətdarlığımı bildirmək istəyirəm. Bu gün bu salonda əyləşən gənc mütəxəssislərimiz artıq peşəkar mütəxəssislərdir, bizim fəxrimizdirlər. Mən çox şadam ki, bu gözəl idarəetmə mərkəzində çalışan işçilərin böyük əksəriyyəti Azərbaycan vətəndaşlarıdır".

Dövlət başçısı ilk peykin buraxılması zamanı bildirmşdi ki, gələcəkdə yeni peyklərin orbitə çıxarılması istiqamətində də fəal iş gedir və 2015-ci, 2016-cı illərdə əlavə iki peyk orbitə buraxılacaq. Bəli, bu gün deyilənlər artıq reallığa çevrilir. Növbəti ikinci peykin orbitə buraxılması ismtiqamətində hazırlıq işləri uğurla aparılır.

Bu gün işğalçı ölkə bilməlidir ki, Azərbaycan kosmosdan Ermənistnın və işğal olunmuş Dağlıq Qarabağ ərazilərinin bütün nötələrini öz "övcunun içi" kimi görür, vaxtı ilə Azərbaycanın kosmik dövlət olacağına barmaqarası baxıb istehza edən işğalçı rejim indi bu faktordan böyük xof və sonsuz qorxu hissi keçirir.

Beləliklə, Azərbaycan peykin orbitə buraxılması ölkənin sosial-siyasi və iqtisadi sahələr daxil olmaqla müxtəlif sahələrdə əldə etdiyi uğurların təsdiqidir. Eyni zamanda, peykin orbitə çıxarılması Azərbaycanın kosmik sənaye ölkəsinə çevrilməsi üzrə perspektiv layihələrin həyata keçirilməsində ilk addım oldu.

R.KAMALQIZI

Səs.- 2016.- 6 fevral.- S.5